អូស្ត្រាលី៖ ការឆ្លងរាលដាលនៃវីរុសCOVID-19 បណ្ដាលឲ្យប៉ះពាល់ធ្ងន់ធ្ងរបំផុតដល់សេដ្ឋកិច្ចអូស្ត្រាលី។ ពលរដ្ឋអូស្ត្រាលីជិត៦០០.០០០នាក់បានបាត់បង់ការងារ ក្នុងខែមេសា មកពីបណ្ដាវិធានការដែលប្រកាន់យកដើម្បីតស៊ូប្រឆាំងវីរុស។ នេះជាតួលេខចេញផ្សាយកាលពីថ្ងៃទី១៤ឧសភាកន្លងទៅ។
វាជាតួលេខដ៏ខ្ពស់មួយពុំធ្លាប់មានចាប់តាំងពីជាង៤០ឆ្នាំមកហើយ។ តួលេខនោះបញ្ជាក់ថា មនុស្សប្រមាណជា១០០.០០០នាក់បានស្នើសុំរបបឧបត្ថម្ភក្នុងស្ថានភាពឥតការងារធ្វើ ចំណែកមនុស្សប្រមាណជា៥០០.០០០នាក់ចាកចេញពីជីវិតការងារសកម្ម។ នាយករដ្ឋមន្ត្រីអូស្ត្រាលីលោកSCOTT MORRISONបានចាត់ទុកតួលេខនេះថា គួរឲ្យក្ដុកក្ដូលបំផុតព្រោះមនុស្ស មានការងារមិនពេញលេញនិងអ្នកឥតការងារធ្វើ មានក្នុងកម្រិតក្នុងខែមេសាដល់ទៅប្រមាណជា១៩,៩%។
ក្នុងចំណោមមនុស្សប្រមាណជា២,៧លាននាក់ជាអ្នកមានការងារសកម្ម១ភាគ៥ ត្រូវបង្ខំចិត្តចាកចេញពីការងារពួកគេឬពេលវេលានៃការងារត្រូវកត់បន្ថយ ខណៈប្រទេសកត់សម្គាល់ឃើញការធ្លាក់ចុះទាបពុំធ្លាប់មានពីមុនមក ដល់ទៅ៦៣,៥%នៃអត្រាសកម្មភាព។ ការធ្លាក់ចុះនោះនាំឲ្យមានការកើនឡើងនៃអត្រាឥតការងារធ្វើដែលឡើងដល់៦,១%៕
ចែករំលែកព័តមាននេះ