ប្រទេសរុស្ស៊ី ៖ ប្រទេសរុស្ស៊ីកត់សម្គាល់ឃើញនាថ្ងៃទី៤ ឧសភា ពីការកើនឡើងប្រចាំថ្ងៃនៃការឆ្លងវីរុស COVID-19 ដោយចំនួនអ្នកឆ្លងសរុបឡើងដល់លើសពី១៤៥.០០០នាក់ហើយ នាំឲ្យប្រទេសនោះ ក្លាយជាប្រទេសថ្មីដែលមានការឆ្លងលឿនជាងគេបំផុតនៅអឺរ៉ុប ។
យោងតាមតួលេខផ្លូវការថា អ្នកឆ្លងវីរុសថ្មីដល់ទៅ១០.៥៨១នាក់ត្រូវបានកត់សម្គាល់ឃើញរយៈពេល២៤ម៉ោងចុងក្រោយនេះ គឺ៥២នាក់ប៉ុណ្ណោះ តិចជាងតួលេខថ្ងៃទី៣ ឧសភា ។ រុស្ស៊ី
ពេលនេះមានអ្នកឆ្លងវីរុសសរុបដល់១៤៥.២៦៨នាក់និងអ្នកស្លាប់១.៣៥៦នាក់ ។
ដូចនៅកន្លែងឯទៀតៗដែរ វីរុសប៉ះពាល់ដល់មេដឹកនាំកំពូលរបស់រដ្ឋ ដោយនាយករដ្ឋមន្ត្រីរុស្ស៊ី លោកមីខាអ៊ីល មីឈូស្ទីន និងរដ្ឋមន្រីសំណង់លោកវ្ល៉ាឌីមៀរឡាគូឆេវ កាលពីចុងសប្ដាហ៍មុន
ធ្វើតេស្តមានលទ្ធផលវិជ្ជមាននៃវីរុស ។
ខណៈដែលប្រទេសអឺរ៉ុបជាច្រើនកំពុងជម្រុញ ការបន្ធូរបន្ថយការរិតត្បិតដើរហើរចេញក្រៅជាបន្តបន្ទាប់ រុស្ស៊ីបានក្លាយជាប្រទេសទី២លើពិភពលោក ដែលមានចំនួនអ្នកឆ្លងវីរុសថ្មីច្រើនជាងគេ បន្ទាប់ពីសហរដ្ឋអាមេរិកតែនាំមុខប្រេស៊ីលជាប្រទេសមានអ្នកឆ្លងច្រើនជាងគេទី៣ និងអង់គ្លេ្លសមានអ្នកឆ្លងច្រើនទី៤ ។
ប៉ុន្តែអត្រានៃអ្នកជំងឺស្លាប់ដោយសារវីរុសនេះនៅរុស្ស៊ីមានទាប បើប្រៀបធៀបទៅនឹងរដ្ឋដទៃៗទៀត ដូចជាអ៊ីតាលី អេស្ប៉ាញឬសហរដ្ឋអាមេរិក ។ អាជ្ញាធររុស្ស៊ីគូសបញ្ជាក់ថា បែបនេះបណ្ដាលមកពីការបិទព្រំដែនបានឆាប់រហ័ស ការធ្វើតេស្តក្នុងទ្រង់ទ្រាយធំនិងការតាមដានបណ្ដាអ្នកឆ្លង ។
ទោះជាកំពុងមានការឆ្លងវីរុសដោយរហ័សក្ដីក៏រុស្សុីរៀបចំខ្លួនលុបចោលជាបន្តបន្ទាប់ការបង្ខាំង ចាប់ពីថ្ងៃទី១២ឧសភាខាងមុខនេះដែរ ។ នេះជាការប្រកាសកាលពីសប្ដាហ៍មុនរបស់ប្រធានាធិបតីរុស្ស៊ីលោកវ្ល៉ាឌីមៀរ ពូទីន ដែលទទួលស្គាល់ថា សភាពការណ៍នៅតែលំបាក ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ