ការផ្ទុះជំងឺកូវីដ ១៩ បានបង្កើតបញ្ហាជាច្រើនដល់អាជីវកម្មតូចៗពិតមែន ប៉ុន្តែវាក៏បង្កើតពេលវេលាល្អមួយក្នុងការចាប់ផ្តើមគ្រោងទុកសម្រាប់ថ្ងៃអនាគតដែរ ។ ខាងក្រោមនេះ គឺជាវិធានងាយៗដែលអ្នកអាចអនុវត្តតាមបានដើម្បីរៀបចំផែនការច្បាស់លាស់សម្រាប់ថ្ងៃមុខ ៖
១. ការទំនាក់ទំនង
អ្នកត្រូវតែចងចាំថាមនុស្សគ្រប់រូបទទួលរងឥទ្ធិពលពីវិបត្តិមួយនេះ រួមទាំងបុគ្គលិក អតិថិជន និងអ្នកផ្គត់ផ្គង់របស់អ្នកដែរ ។ ការទំនាក់ទំនងស្មោះត្រង់ដែលបង្ហាញពីការយល់ពីស្ថានការអ្នកដទៃ និងការគាំទ្រអ្នកដទៃជារឿងដែលត្រឹមត្រូវសម្រាប់អ្នកដឹកនាំអាជីវកម្មម្នាក់ ។
២. កសាង និងពង្រឹងទំនាក់ទំនង
ពេលនេះជាពេលល្អក្នុងការទាក់ទងទៅកាន់មនុស្សដែលអ្នកស្គាល់មិនថាជាអតិថិជន ដៃគូសហការ និងអ្នកដែលជោគជ័យក្នុងវិស័យរបស់អ្នកទេ ។ អ្នកគួរតែរកវិធីរំលឹកខ្លួនឲ្យរក្សាទំនាក់ទំនង ជាមួយពួកគេ និងកត់ត្រាទុកនូវរាល់ការសន្ទនាដែលអ្នកមានកន្លងមក ។
៣. ពិនិត្យមើលយុទ្ធសាស្ត្រផ្សព្វផ្សាយសាជាថ្មី
តើអ្នកមានទុកពេលសម្រាប់គិតពីទស្សនៈដែលអតិថិជនមានលើអាជីវកម្មរបស់អ្នកទេ? តើមានអ្វីដែលមិនទាន់សម័យកាលទេ? លើសពីនេះទៅទៀត អ្នកគួរតែចែករំលែកអ្វីដែលជួយបង្ហាញថាអ្នកស្ថិតក្នុងចំណោមអាជីវកម្មឈានមុខក្នុងវិស័យរបស់អ្នក ។ ឧទាហរណ៍ដូចជា ប្រសិនបើអ្នកជាអ្នកលក់គ្រៀងថែរក្សាសម្រស់ នោះអ្នកអាចចែករំលែកអត្ថបទខ្លីៗពីគន្លឹះងាយៗក្នុងការថែករក្សាស្បែកជាដើម ។
៤. ដុះខាត់ខ្លួនឯង
តើអ្នកមានសៀវភៅដែលអ្នកចង់អានទេ? មានវគ្គខ្លីដែលអ្នកចង់ចួលរួមទេ? មានការស្រាវជ្រាវដែលល្អសម្រាប់អាជីវកម្មដែលអ្នកចង់ចាប់ផ្តើមទេ? វាក៏ជាពេលល្អក្នុងការរកវិធីដើម្បីបន្តអភិវឌ្ឍន៍ខ្លួនដែរ ។
៥. វិភាគស្ថានការបច្ចុប្បន្នសម្រាប់ថ្ងៃអនាគត
តើអ្នកបានផ្លាស់ប្តូរអ្វីខ្លះដើម្បីចៀសវាងផលប៉ះពាល់ធ្ងន់ធ្ងរដល់អាជីវកម្មរបស់អ្នក?តើការផ្លាស់ប្តូរបណ្តោះអាសន្នទាំងនោះអាចនឹងបន្តអនុវត្តនៅថ្ងៃអនាគតទេ? ឧទាហរណ៍ដូចជា ប្រសិនបើអាជីវកម្មអ្នកមានផ្តល់ជាសេវាដឹកជញ្ជូនឥតគិតថ្លៃព្រោះតែកូវីដ ១៩ ហើយ តើអ្នកនឹងបន្តធ្វើដូច្នេះទេនៅថ្ងៃអនាគត? ៕
ចែករំលែកព័តមាននេះ