រាជធានីភ្នំពេញ ៖ មានការភ្ញាក់ផ្អើលប៉ុន្មានម៉ោងមុននេះ ដោយតារាសម្តែង ពីន រ៉ូហ្សា ដែលនៅក្នុងសិល្បៈមានគេស្គាល់ច្រើនគួរសម ស្រាប់តែទទួលដំណឹងថា បានទទួលមរណភាពហើយនាវេលាម៉ោងម៉ោង៧កន្លះព្រឹក នាថ្ងៃទី១…
រាជធានីភ្នំពេញ ៖ មានការភ្ញាក់ផ្អើលប៉ុន្មានម៉ោងមុននេះ ដោយតារាសម្តែង ពីន រ៉ូហ្សា ដែលនៅក្នុងសិល្បៈមានគេស្គាល់ច្រើនគួរសម ស្រាប់តែទទួលដំណឹងថា បានទទួលមរណភាពហើយនាវេលាម៉ោងម៉ោង៧កន្លះព្រឹក នាថ្ងៃទី១ ខែឧសភា ឆ្នាំ២០២០នេះ នៅមន្ទីរពេទ្យលោកសង្ឃ រាជធានីភ្នំពេញ។ ដំណឹងដ៏ក្តៅនេះ ធ្វើឱ្យអ្នកសិល្បៈដែលស្គាល់គាត់ ខ្លះមិនជឿ ខ្លះស្រឡាំងកាំង ទន់ដៃជើង ដោយសារអត់នឹកដល់ថា តារាស្រីរូបនេះជួបរឿងអកុសលឡើយ។
យោងតាមការបង្ហោះរបស់តារាចម្រៀង និងសម្តែង ព្រីម មន្ថា មុននេះបានសរសេរថា «ប្អូនស្រីភក្រ័ ហៅអាស្រស់ គាត់បានបាត់បង់ជីវិតហើយព្រឹកមិញនេះ ហើយពេលនេះសពតំកល់នៅវត្តនាគវន័ បងសូមឱ្យប្អូនស្រីទៅឱ្យបានសុខស្ងប់ចុះ ប្អូនស្រីជាមនុស្សល្អណាស់ ធ្វើបុណ្យក៏បានច្រើន ប្អូនស្រីអស់កម្មហើយទៅឱ្យបានសុខចុះ កើតជាតិក្រោយកុំឱ្យអាយុខ្លីដូចជាតិនេះទៀត។
ទោះបីយើងមិនមែនជាបងប្អូន តែយើងស្រលាញ់គ្នាដូចបងប្អូនចឹងបងស្តាយដែលជួយប្អូនយឺតពេល បើជួយទាន់ពេលប្អូនក៏មិនបាត់បង់ជីវិតដែរ សុំទៅឱ្យសុខចុះ»។
តាមការសាកសួរ មុននេះទៅ ព្រីម មន្ថា បានឱ្យដឹងថា កញ្ញាពីន រ៉ូហ្សា មានឈ្មោះពិត អេង ស្រីភក្រ័ ហៅអាស្រស់ បានចូលសម្រាកនៅពេទ្យលោកសង្ឃ ២ថ្ងៃក៏ផុតដង្ហើមទៅ។ នាងឮតែគេថា រ៉ូហ្សា ឈឺច្រើនមុខមិនដឹងច្បាស់មួយណានោះទេ តែចុងក្រោយបាន២ថ្ងៃក៏អ៊ីចឹងបណ្តោយ មិនគួរឱ្យជឿសោះ។ សពរបស់គាត់ ឭថា តម្កល់នៅវត្តនាគវ័ន រាជធានីភ្នំពេញ។
នេះជាការជូនដំណឹងដល់មិត្តសិល្បករទាំងអស់បានជ្រាប ហើយជួយចូលរួមពិធីបុណ្យទាំងអស់គ្នា។ យើងសូមចូលរួមសោកស្តាយ ចំពោះគ្រួសារសពផងដែរ។ (កែសម្រួលដោយ ៖ បុប្ផា)
ចែករំលែកព័តមាននេះ