ប្រធានាធិបតីអាមេរិកលោកដូណាល់ ត្រាំ កំពុងតែត្រូវគេប្តឹងប្តល់ ខណៈដែលចំនួនអ្នកស្លាប់នៅអាមេរិកឡើងដល់ជាងប្រាំម៉ឺននាក់ និងមានការមិនសប្បាយចិត្តចំពោះការឆ្លើយតបរបស់អាមេរិកទៅលើការរាល ដាលមេរោគកូវីដ១៩ ។
សារព័ត៌មានបានរាយការណ៍នៅថ្ងៃនេះថា លោកត្រាំត្រូវរងការប្តឹងប្តល់ ដោយសារតែគាត់រឿងទាក់ទងនឹងកកញ្ចប់ជំនួយ សម្រាប់ដោះស្រាយបញ្ហាកូវីដ១៩នៅអាមេរិក ។
ហេតុផលដែលនាំអោយមានការប្តឹងនេះ គឺដោយសារតែកញ្ចប់ជំនួយមិនបានផ្តល់អោយទៅជនជាតិអាមេរិក ជាងមួយលាននាក់ដែលរៀបការជាមួយជនអន្តោប្រវេសន៍ ដែលមិនបានចុះបញ្ជីលេខសន្តិសុខសង្គម។
បណ្តឹងនោះ ធ្វើឡើងដោយពលរដ្ឋអាមេរិកម្នាក់នៅរដ្ឋអុីលីណយ ដែលនិយាយថា គាត់តំណាងអោយជនជាតិអាមេរិកដែលមានស្ថានភាពដូចគាត់ ។
ចំនួនអ្នកស្លាប់នៅអាមេរិកបានកើនឡើងជាង៥ម៉ឺននាក់ ហើយគិតត្រឹមថ្ងៃទី២៥ ខែមេសានេះ ។ នេះជាចំនួនច្រើនជាងគេបំផុតនៅក្នុងពិភពលោក ៕
ចែករំលែកព័តមាននេះ