ខេត្តក្រចេះ ៖ គ្រាប់យុទ្ធភណ្ឌមិនទាន់ផ្ទុះជាប្រភេទគ្រាប់បែកចង្កោម ដែលគេហៅថា គ្រាប់បូមប៊ីមានទម្ងន់៣៤០គីឡូ ត្រូវបានអ្នករកត្រីប្រទះឃើញនៅមាត់បឹងមួយកន្លែងខាងក្រោយភូមិបល្ល័ង្គ ឃុំដំរីផុង ស្រុកឆ្លូង ខេត្តក្រចេះ ។…
ខេត្តក្រចេះ ៖ គ្រាប់យុទ្ធភណ្ឌមិនទាន់ផ្ទុះជាប្រភេទគ្រាប់បែកចង្កោម ដែលគេហៅថា គ្រាប់បូមប៊ីមានទម្ងន់៣៤០គីឡូ ត្រូវបានអ្នករកត្រីប្រទះឃើញនៅមាត់បឹងមួយកន្លែងខាងក្រោយភូមិបល្ល័ង្គ ឃុំដំរីផុង ស្រុកឆ្លូង ខេត្តក្រចេះ ។ ក្រោយការប្រទះឃើញគ្រាប់មិនទាន់ផ្ទុះដ៏ធំសម្បើមនេះ ដែលគេសន្និដ្ឋានថា អាចសល់ តាំងពីសម័យសង្គ្រាម ក៏ត្រូវបានអាជ្ញាធរមូលដ្ឋានសហការជាមួយមន្ត្រីជំនាញស៊ីម៉ាក់ កាលពីរសៀលនៅថ្ងៃទី២២ មេសា បាននាំយកគ្រាប់បែកមួយគ្រាប់នេះទៅរក្សាទុក ។ គួររំលឹកដែរថា៖ កំពុងភ្ជួរដីភ្ញាក់ ព្រើត ប្រទះគ្រាប់មិនទាន់ផ្ទុះច្រើនសន្ធឹកកប់ពេញដី
បើយោងតាមសម្តីលោក ហេង រតនា ជាអគ្គនាយកស៊ីម៉ាក់បានឱ្យដឹងថា គ្រាប់បែកចង្កោមនេះមានផ្ទុកកូនគ្រាប់បែកចង្កោមប្រភេទ CBU-46/Aចំនួន៤៤៤គ្រាប់ ហើយមានទម្ងន់សរុបប្រមាណ៣៤០គីឡូក្រាមនិងមានគុណភាពបំផ្ទុះយ៉ាងខ្លាំង។ តែចំពោះគ្រាប់ដែលត្រូវបានប្រទះឃើញនេះ នៅមានគុណភាពសេសសល់យ៉ាងណានោះ គឺលោកមិនបានបញ្ជាក់ច្បាស់នៅឡើយទេ ដោយគ្រាន់តែបញ្ជាក់ថា គ្រាប់នេះជាប្រភេទគ្រាប់យុទ្ឋភ័ណ្ឌដែលផលិតដោយប្រទេសអាមេរិក។ លោកបញ្ជាក់ថា កម្លាំងមន្ត្រីស៊ីម៉ាក់បាននាំគ្រាប់ទៅរក្សាទុក ក្រោយការប្រេទះឃើញ។
លោកក៏បានអំពាវនាវឲ្យពលរដ្ឋនៅគ្រប់ទីកន្លែង ត្រូវរាយការមកអាជ្ញាធរជាបន្ទាន់ រាល់ការប្រទះឃើញនូវប្រភេទគ្រាប់យុទ្ឋភណ្ឌដោយមិនអោយមានការប៉ះពាល់ជាដាច់ខាត ។ អាជ្ញាធរខេត្តក្រចេះធ្លាប់បានបង្ហាញរបាយការណ៍ឲ្យដឹងថា បច្ចុប្បន្នករណីផ្ទុះគ្រាប់យុទ្ឋ ភណ្ឌមិនទាន់ផ្ទុះកើតមានច្រើនជាងគេមាននៅស្រុកស្នួលជាស្រុកជាប់ព្រំដែន។ ការផ្ទុះកន្លង មកបានបង្កឲ្យពលរដ្ឋនៅស្រុកស្នួលជាច្រើននាក់ខ្លះស្លាប់ ខ្លះរងរបួសពិការដោយសារតែរង ការផ្ទុះខណៈដែលស្រុកនៅតំបន់ប៉ែកឥសាន្តមួយនេះ ក៏ប្រឈមនិងរបបសង្គ្រាមធ្ងន់ធ្ងរកាល សម័យ របបខ្មែរក្រហម។
បើតាមការស្រាវជ្រាវគឺកម្ពុជាមានផ្ទៃដី ប្រមាណជាង២.៧៤០គីឡូម៉ែត្រក្រឡា ដែល សង្ស័យថាអាចមានគ្រាប់មីននិងយុទ្ធភណ្ឌមិនទាន់ផ្ទុះ ។ ក្នុងរយៈពេល២០ឆ្នាំមកនេះ កម្ពុជា ទើបតែបោស សំអាតមីននៅលើផ្ទៃដីប្រមាណ១.០០០គីឡូម៉ែត្រក្រឡា ហើយកម្ពុជាមានផែន ការរំដោះមីនចេញពីផ្ទៃដីឱ្យមានសុវត្ថិភាពទាំងស្រុងក្នុងឆ្នាំ២០២៥ ៕
ចែករំលែកព័តមាននេះ