ចិន ៖ ជនបរទេសម្នាក់នៅក្រុងប៉េកាំង ត្រូវបានកងសន្តិសុខចាប់បាន បន្ទាប់ពីបានវាយប្រហារទៅលើឆ្មាំម្នាក់ដែលបានបញ្ឈប់គាត់ ដោយសារតែគាត់មិនបានពាក់ម៉ាស ។ ខ្សែវីឌីអូពីខាងក្រៅសហគមន៍រស់នៅក្នុងសង្កាត់ Chaoyang នៃទីក្រុងប៉េកាំង…
ចិន ៖ ជនបរទេសម្នាក់នៅក្រុងប៉េកាំង ត្រូវបានកងសន្តិសុខចាប់បាន បន្ទាប់ពីបានវាយប្រហារទៅលើឆ្មាំម្នាក់ដែលបានបញ្ឈប់គាត់ ដោយសារតែគាត់មិនបានពាក់ម៉ាស ។ ខ្សែវីឌីអូពីខាងក្រៅសហគមន៍រស់នៅក្នុងសង្កាត់ Chaoyang នៃទីក្រុងប៉េកាំង កាលពីថ្ងៃអង្គារ បង្ហាញពីសន្តិសុខបីនាក់ចាប់ជនបរទេសនោះ ផ្តួលទៅនឹងដីដោយប្រើដំបងវែងមួយ។ ហើយជនបរទេសនោះនិយាយថា «ប្រសិនបើខ្ញុំមានវីរុស អ្នកនឹងមានវីរុសដែរ» ។
យោងតាមការសន្ទនារបស់សាក្សីនៅក្នុងវីឌីអូបានឱ្យដឹងថា បុរសរូបនេះ ត្រូវបានបញ្ឈប់ពីការចូលទៅក្នុងសហគមន៍លំនៅឋាន ដោយសារតែគាត់មិនបានពាក់ម៉ាស ហើយមិនបានបង្ហាញវិញ្ញាបនប័ត្រសុខភាពរបស់គាត់ ។
អ្នកយាមម្នាក់និយាយថា គាត់បានឱ្យម៉ាសទៅបុរសជនជាតិបរទេសហ្នឹងដែរ តែគេនៅមិនព្រមយក ។ ជនបរទេសរូបនោះបានព្យាយាមបំបុកចូលក្នុងសហគមន៍ ដោយតតាំងទៅនឹងសន្តិសុខ ហើយយកទូរស័ព្ទរបស់សន្តិសុខគប់ចោល។ នេះហើយបានជាសន្តិសុខសម្រេចហៅគ្នាមកច្រើន ហើយថ្វើការឃាត់ខ្លួនតែ
ម្តង។
ខណៈពេលដែលឃើញប្តីរបស់ខ្លួន ត្រូវបានគេឃាត់ខ្លួនផ្តួលទៅនឹងដី នារីជាជនជាតិចិនដែលជាប្រពន្ធរបស់ជនបរទេស បានស្រែកគំរាមថា នឹងទាមទារសំណង ប្រសិនបើប្តីរបស់នាងមានរបួស ។
នៅក្នុងឃ្លីបមួយទៀត ជនបរទេសហាក់ដូចជាគាត់ប្រហែលជាស្រវឹង នៅពេលគាត់បង្ហាញកាតដល់ឆ្មាំនិងអ្នកមើល។ គាត់បាននិយាយវល់ៗថា៖ «តើនេះជាអ្វី? ឡាឡាឡាឡាឡា ទេទេទេទេ» ។ នៅទីបំផុតជនបរទេសរូបនេះ ត្រូវបានប៉ូលិសចាប់យកទៅប៉ុស្តិ៍ប៉ូលីស។ រឿងហេតុគឺផ្តើមមកពីការមិនពាក់ម៉ាស ៕
ចែករំលែកព័តមាននេះ