ប្រទេសបារាំង ៖ ការឆ្លងរាលដាលនៃវីរុស COVID-19 បន្តខ្លាំងក្លានៅបារាំង ដែលបណ្ដាលឲ្យមនុស្សបាត់បង់ជីវិតឡើងដល់៣.៥២៣នាក់ហើយក្នុងបណ្ដាមន្ទីរពេទ្យ គិតដល់ថ្ងៃទី៣១ ខែមីនា។
យោងតាមអគ្គនាយកសុខាភិបាលបារាំងលោក JEROME SALOMONថា មកទល់ពេលនេះមនុស្ស៣.៥២៣នាក់បានបាត់បង់ជីវិតនៅបារាំងក្នុងមន្ទីរពេទ្យ ជាមួយអ្នកបាត់បង់ជីវិតថ្មី៤៩៩នាក់រយៈពេល២៤ម៉ោងចុងក្រោយនេះ។ ចំណែកមនុស្ស៩.៤៤៤នាក់បានជាសះស្បើយចាកចេញពីមន្ទីរពេទ្យ ចាប់តាំងពីថ្ងៃទី១ មីនា មក។
លោក JEROME SALOMON បញ្ជាក់ម្យ៉ាងទៀតថា មនុស្ស២២.៧៥៧នាក់បច្ចុប្បន្ន កំពុងស្ថិតក្នុងមន្ទីរពេទ្យ ដោយសារឆ្លងវីរុសនៅបារាំង។ ក្នុងប្រទេសបារាំងចំនួនអ្នកឆ្លងវីរុសសរុបមានដល់ជាង៥២.០០០នាក់៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ