រាជធានីភ្នំពេញ ៖ ផ្ទុះកំប៉ុងហ្គាសខណៈម្ចាស់ផ្ទះកំដៅសម្លទុកចោល បង្កជាអគ្គិភ័យឆេះរាលដាលសំភារៈក្នុងបន្ទប់ជាន់ទី២ បង្កការភ្ញាក់ផ្អើលដល់សមត្ថកិច្ចនិងរថយន្តពន្លត់អគ្គីភ័យចេញមកជួយអន្តរាគមន៍កាលពីវេលាម៉ោង១១យប់ថ្ងៃទី១៧ ខែមិនា ឆ្នាំ២០២០ នៅចំនុចផ្ទះលេខO១១ ជាន់ទី២ ផ្លូវ៣១២…
រាជធានីភ្នំពេញ ៖ ផ្ទុះកំប៉ុងហ្គាសខណៈម្ចាស់ផ្ទះកំដៅសម្លទុកចោល បង្កជាអគ្គិភ័យឆេះរាលដាលសំភារៈក្នុងបន្ទប់ជាន់ទី២ បង្កការភ្ញាក់ផ្អើលដល់សមត្ថកិច្ចនិងរថយន្តពន្លត់អគ្គីភ័យចេញមកជួយអន្តរាគមន៍កាលពីវេលាម៉ោង១១យប់ថ្ងៃទី១៧ ខែមិនា ឆ្នាំ២០២០ នៅចំនុចផ្ទះលេខO១១ ជាន់ទី២ ផ្លូវ៣១២ ភូមិ៣ សង្កាត់ទន្លេបាសាក់ ខណ្ឌចំការមន ។
ម្ចាស់ផ្ទះរងគ្រោះឈ្មោះ សៅ សារ៉ាត់ ភេទប្រុស អាយុ២៩ឆ្នាំ មុខរបរចុងភៅហាងចិន ស្នាក់នៅភូមិឃុំកើតហេតុខាងលើ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គឺម្ចាស់បន្ទប់ជាន់ទី២បានកំដៅសម្លទុកចោល ហើយនាំគ្នាបិទទ្វារបន្ទប់ចុះទៅអង្គុយលេងនៅជាន់ខាងក្រោមហើយក៏ភ្លេច ស្រាប់តែឮសំឡេងផ្ទុះនិងខ្ទាតអំបែងកញ្ចក់ចេញមកក្រៅ ទើបបង្កការភ្ញាក់ផ្អើលដល់ប្រជាពលរដ្ឋដែលរស់នៅក្បែរនោះស្ទុះចេញមកមើលឃើញមានហ៊ុយផ្សែង និងអណ្ដាតភ្លើង ។
តាមប្រភពដដែលបានបន្តថា ភ្លាមៗនោះប្រជាពលរដ្ឋនាំគ្នាយកបំពង់ពន្លត់អគ្គិភ័យមកជួយបាញ់ពន្លត់អស់ជាច្រើនបំពង់ និងបានសុំជំនួយរថយន្ដបង្ការនិងពន្លត់អគ្គីភ័យរបស់ស្នងការរាជធានីភ្នំពេញចេញទៅជួយអន្តរាគមន៍ចំនួន៤គ្រឿង និងបានធ្វើការបាញ់ពន្លត់អស់ទឹកចំនួន១រថយន្ដធ្វើអោយភ្លើងរលត់ទៅវិញទៅវេលាម៉ោង១១និង២០នាទីយប់ថ្ងៃដដែល ។
ក្នុងហេតុការណ៍នេះដែរ សមត្ថកិច្ចបានអោយដឹងថា មិនបង្កឱ្យមានគ្រោះថ្នាក់ដល់មនុស្ស និងរាលដាលដល់ផ្ទះអ្នកជិតខាងនោះទេ គឺគ្រាន់តែខូចខាតសំភារៈដូចជា ពូកស្តើង១ ចង្ក្រានហ្គាសធន់តូច១ និងសំលៀកបំពាក់មួយចំនួនតែប៉ុណ្ណោះ ។ ករណីនេះដែរ សមត្ថកិច្ចបានអោយដឹងទៀតថា បណ្ដាលមកពីម្ចាស់បន្ទប់កំដៅសម្លទុកចោល បណ្ដាលឲ្យផ្ទុះកំប៉ុងហ្គាសបង្កជាអគ្គិភ័យឆាបឆេះបែបនេះ ៕ (កែសម្រួលដោយ ៖ ធីតា)
ចែករំលែកព័តមាននេះ