ខេត្តបន្ទាយមានជ័យ ៖ យុវជនដែលផ្តាច់សាធាតុញៀនចំនួន១១៩នាក់ត្រូវបានព្រះគ្រូចៅអធិការមានសង្ឃដីការអប់រំផ្លូវកាយ និងផ្លូវចិត្ត ព្រមទាំងនាំអំណោយមកប្រគល់ជូនទីបញ្ជាការដ្ឋានកងរាជអាវុធខេត្តបន្ទាយមានជ័យ កាលពីថ្ងៃទី១១ មីនា ឆ្នាំ២០២០ ។ លោកវរៈសេនីយ៍ទោ…
ខេត្តបន្ទាយមានជ័យ ៖ យុវជនដែលផ្តាច់សាធាតុញៀនចំនួន១១៩នាក់ត្រូវបានព្រះគ្រូចៅអធិការមានសង្ឃដីការអប់រំផ្លូវកាយ និងផ្លូវចិត្ត ព្រមទាំងនាំអំណោយមកប្រគល់ជូនទីបញ្ជាការដ្ឋានកងរាជអាវុធខេត្តបន្ទាយមានជ័យ កាលពីថ្ងៃទី១១ មីនា ឆ្នាំ២០២០ ។
លោកវរៈសេនីយ៍ទោ អ៊ុ សាខន នាយករងសេនាធិការកងរជាអាវុធហត្ថខេត្តបន្ទាយមានជ័យមានប្រសាសន៍ថា តំណាងឱ្យលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត សូមជម្រាបពីមណ្ឌលអប់រំស្តារនីតិសម្បទាយុវជនផ្តាច់សារធាតុញៀននៃបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ។
លោកបានបញ្ជាក់ថា លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញបានកសាងអគារមណ្ឌលមណ្ឌលអប់រំស្តារនីតិសម្បទាយុវជនផ្តាច់សាធារតុញៀននេះឡើងកាលពីឆ្នាំ២០០២ រហូតដល់ពេលនេះយុវជនបន្សាបគ្រឿងញៀនមានចំនួនសរុប៤.០៨៧នាក់ ផ្តាច់សាធាតុញៀនហើយត្រឡប់ទៅផ្ទះវិញមានចំនួន៣.៩៦៨នាក់ ខណៈអ្នកនៅកំពុងអប់រំដើម្បីផ្តាច់សាធាតុញៀនមានចំនួន១១៩នាក់។
លោក គង់ រិទ្ធា ប្រធានចលនាយុវជនកម្ពុជាក្រុម១៥៧ក្រុងប៉ោយប៉ែតសាខាខេត្តបន្ទាយមានជ័យមានប្រសាសន៍ថា ជាការណែនាំពីលោក ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងលោក ចៅ ជីអាន ប្រធានចលនាយុវជនកម្ពុជាក្រុម១៥៧សាខាខេត្តបន្ទាយមានជ័យ ហើយចលនាយុវជនកម្ពុជាក្រុម១៥៧ក្រុងប៉ោយប៉ែត រួមជាព្រះគ្រូសរណវិចិត្រធម្ម ហឿម សុវណ្ណារ៉ា ទីប្រឹក្សាសម្តេចព្រះអគ្គសង្ឃរាជាធិបតីកិត្តិឧទ្ទេសបណ្ឌិត ទេព វង្ស ទទួលបន្ទុកផ្សព្វផ្សាយព្រះពុទ្ធសាសនានិងសង្គម និងជាព្រះគ្រូចៅអធិការវត្តគីរីធម្មរាជ(ហៅវត្តភ្នំតារូងតារាជ) នៅខេត្តកំពង់ឆ្នាំ និងព្រះគ្រូចៅអធិការវត្តក្នុងក្រុងប៉ោយប៉ែត។
លោកបានបញ្ជាក់ថា ក្នុងឱកាសសំណេះសំណាល និងពិធីអប់រំផ្លូវចិត្ត និងផ្លូវកាយដល់យុវជនបន្សាបគ្រឿងញៀននៅមណ្ឌលអប់រំស្តារនីតិសម្បទាយុវជនផ្តាច់សាធារតុញៀននៃបញ្ជាការដ្ឋានកងរាជអាវុធហត្ថខេត្តបន្ទាយមានជ័យបាននាំយកអំណោយប្រគល់ជូនសម្រាប់ផ្គត់ផ្គង់ដល់យុវជនកំពុងបន្សាបគ្រឿងញៀនចំនួន១១៩នាក់។ អំណោយទាំងអស់រួមមាន អង្ករចំនួន១០០ការ៉ុង ក្នុង១ការ៉ុងស្មើនឹ២៥គីឡូក្រាម ត្រីខ១០០យួរ មី១០០កេស ទឹកត្រី១០០យួរ ទឹកស៊ីអុីវ១០០យួរ អំបិលអីយ៉ូត១០០កញ្ចប់ ស្កសរ១០០គីឡូក្រាម ឆៃប៉ូវ១០០ថង់៕ (កែសម្រួលដោយ ៖ ធីតា)
ចែករំលែកព័តមាននេះ