ខេត្តបន្ទាយមានជ័យ ៖ ពលករខ្មែរស្រី ប្រុសចំនួន៣៥នាក់ កាលពីរសៀលថ្ងៃទី២៥ សីហា ២០១៤ បាននាំគ្នាវិលត្រឡប់ពីប្រទេសថៃមកកម្ពុជាវិញដោយខ្លួនឯងតាមជើងរថភ្លើង ដោយពួកគេចោទថាក្រុមហ៊ុនបោកប្រាស់ពួកគេយកទៅដល់ដីថៃគ្មានការងារឲ្យធ្វើ ប៉ុន្តែពេលមកដល់ស្ថានីយរថភ្លើងស្រុកអារញ្ញនៃខេត្តស្រះកែវក៏ត្រូវសមត្ថកិច្ចថៃចាប់បញ្ជូនត្រឡប់តាមច្រកទ្វារអន្តរជាតិប៉ោយប៉ែត ។
ការវិលត្រឡប់មកកម្ពុជាវិញរបស់ក្រុមពលករពួកគេបានប្រាប់ថា ពួកគេទើបចេញពីកម្ពុជារួមគ្នាតាមច្រកឡែមក្នុងខេត្តបាត់ដំបងកាលពីថ្ងៃទី១៩ សីហា ២០១៤ ខ្លះថាតាមរយៈមជ្ឈមណ្ឌលផ្គត់ផ្គង់ការងារ R&T ខ្លះថា តាមរយៈមជ្ឈមណ្ឌលបណ្ដុះបណ្ដាលការងារកូនខ្មែរ។ ក្នុងចំណោមពលករទាំង៣៥នាក់ ១០នាក់មានលិខិតឆ្លងដែននិង១៥នាក់ មានប័ណ្ណឆ្លងដែន BORDERPASS។
ពលករទាំងអស់ខាងលើបន្តថា កាលចេញពីកម្ពុជា គ្នាពួកគេសរុប១៨៩នាក់ លុះទៅដល់ដីថៃដោយសារគ្មានការងារធ្វើក៏បែកគ្នាជាបណ្ដើៗ ព្រោះអ្នកខ្លះមានសាច់ញាតិទៅមុនក៏ទាក់ទងរកគ្នា ឯអ្នកអត់សាច់ញាតិ ហើយត្រូវគេយកទៅទុកចោលនៅខេត្តជុំផននោះក៏នាំគ្នាវិលត្រឡប់តាមរថភ្លើងរបស់ថៃតែម្ដង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ