រាជធានីភ្នំពេញ ៖ ដោយទទួលបាននូវភាពជោគជ័យទៅលើទូរស័ព្ទ Huawei Ascend ស៊េរី Ascend P6 ក្រុមហ៊ុន Huawei ដែលជាក្រុមហ៊ុនឈានមុខគេខាងផ្នែកព័ត៌មានវិទ្យា និងដំណោះស្រាយខាងផ្នែកបច្ចេកវិទ្យាគមនាគមន៍(ICT) និងជាក្រុមហ៊ុនទូរស័ព្ទ Smartphone ដ៏ធំលំដាប់ថ្នាក់លេខ៣របស់ពិភពលោកបានធ្វើការដាក់បង្ហាញនូវទូរស័ព្ទ Smartphone ចុងក្រោយរបស់ខ្លួនប្រភេទ Ascend P7 នៅសណ្ឋាគារសូហ្វីតែលភូគីត្រា គឺចំថ្ងៃទី៧ ខែ៧ ម៉ោង៧:៧នាទី និង៧វិនាទី។
Ascend P7 ជាទូរស័ព្ទ Smartphone 4G ថ្មីបំផុតដោយភ្ជាប់ប្រព័ន្ធ LTE និង SG លើទូរស័ព្ទតែមួយត្រូវបានច្នៃប្រឌិតឡើងជាទូរស័ព្ទ Smartphone ដ៏អស្ចារ្យជាមួយនឹងលក្ខណៈពិសេស Topnotch ប្រព័ន្ធតភ្ជាប់លឿន និងកម្មវិធីស្វែងរកផ្លូវកាន់តែងាយស្រួលដែលមានការរចនាយ៉ាងល្អប្រណីតជាមួយកញ្ចក់ស្តើងបំផុតដូចមានស្រទាប់លោហៈ៧ជាន់។
តាមប្រសាសន៍លោក Sayam Ramarooth នាយកប្រតិបត្តិនៃក្រុមហ៊ុន SAYAM International Group និងជាអ្នកផ្តល់សិទ្ធិចែកចាយផលិតផលទូរស័ព្ទ Huawei ក្នុងប្រទេសកម្ពុជាបានឱ្យដឹងថា Ascend P7 ពិតជាធ្វើឱ្យអតិថិជនជាប់ចិត្តជាមួយរូបរាងដ៏ស្រស់ស្អាត និងបច្ចេកវិទ្យា Centric ។ លោក Cary Yang បានមានប្រសាសន៍ថា ការអភិវឌ្ឍ Ascend P7 នេះយើងបានជម្រុញនូវភាពច្នៃប្រឌិត និងបច្ចេកវិទ្យាឱ្យទៅដល់កម្រិតកំពូលហើយយើងពិតជារំភើបរីករាយណាស់ដែលអតិថិជនរបស់យើងអាចទទួលបាននូវបទពិសោធន៍ទូរស័ព្ទ Smartphone ថ្មីនេះ។ លោក Sayam Ramarooth ក៏បានបន្ថែមទៀតថា ជាមួយអេក្រង់ទំហំ៥អ៊ីញ កាមេរ៉ាមុខ 8MP ឈានមុខគេក្នុងឧស្សាហកម្មដោយមានប្រកាសនីយបត្រ និងមានមុខងារថតរូបខ្លួនឯង (Selfie) ដោយផ្ទៃធំទូលាយដំបូងគេក្នុងពិភពលោក និងកាមេរ៉ាក្រោយទំហំ 13MP ។
ទូរស័ព្ទ Huawei Ascend P7 រចនាឡើងជាទូរស័ព្ទ Smartphone នេះនឹងធ្វើឱ្យអតិថិជនរបស់យើងទទួលបានបទពិសោធន៍ជាមួយទូរស័ព្ទដែលប្លែកមិនធ្លាប់មានពីមុន។
ដើម្បីធ្វើឱ្យការដាក់បង្ហាញផលិតផល Ascend P7 កាន់តែមានភាពរីករាយ យើងមានកំពូលតារាម៉ូដែលកម្ពុជាចំនួន៧រូប និងតារាល្បីៗជាច្រើនរូបទៀតដែលបានមកផ្តល់កិត្តិយសនៅក្នុងព្រឹត្តិការណ៍នេះ រួមមានកញ្ញា មាស សុខសោភា ជាអ្នកតំណាងឱ្យក្រុមហ៊ុន Huawei ពិធីការិនីដ៏ល្បីឈ្មោះជាមួយវោហារប៉ិនប្រសប់ អ្នកនាងយុគ ចិន្តា, ពិធីករល្បីឈ្មោះរូបសង្ហារ តាប៊ុយ, លោកអេឡិច ចាន់ត្រា, កញ្ញាឌួង ហ្សូរីដា, កញ្ញាទឹម រដ្ឋា និងកំពូលតារាបង្ហាញម៉ូដល្បីៗចំនួន៦រូបទៀត៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ