ស្វីស៖តាមប្រភពព័ត៌មាន Reuters បានឱ្យដឹងថា ប្រទេសស្វីសបានប្រកាសពីការរឹតបន្តឹងខ្លាំងជាងមុន កាលពីថ្ងៃអាទិត្យ ដើម្បីទប់ទល់នឹងការផ្ទុះឡើងនៃរលកទី២របស់ជំងឹកូវីដ១៩ ដែលកើតមាននៅប្រទេសនេះ រួមទាំងតម្រូវឱ្យមានការពាក់ម៉ាស់ និង ហាមឃាត់ការប្រមូលផ្តុំជាសាធារណៈទ្រង់ទ្រាយធំ។…
ស្វីស៖តាមប្រភពព័ត៌មាន Reuters បានឱ្យដឹងថា ប្រទេសស្វីសបានប្រកាសពីការរឹតបន្តឹងខ្លាំងជាងមុន កាលពីថ្ងៃអាទិត្យ ដើម្បីទប់ទល់នឹងការផ្ទុះឡើងនៃរលកទី២របស់ជំងឹកូវីដ១៩ ដែលកើតមាននៅប្រទេសនេះ រួមទាំងតម្រូវឱ្យមានការពាក់ម៉ាស់ និង ហាមឃាត់ការប្រមូលផ្តុំជាសាធារណៈទ្រង់ទ្រាយធំ។
រដ្ឋាភិបាលបានប្រកាសបន្ទាប់ពីការប្រជុំថា ការប្រមូលផ្តុំមនុស្សច្រើនជាង ១៥នាក់ នៅតាមទីសាធារណៈនឹងត្រូវហាមឃាត់ចាប់ពីថ្ងៃច័ន្ទ ហើយត្រូវតែពាក់ម៉ាស់ជានិច្ចនៅទីសាធារណៈ ដែលមិនមានខ្យល់ចេញចូលល្អ។
រដ្ឋាភិបាលបាននិយាយថា ការបញ្ជាឱ្យពាក់ម៉ាស់ពេលប្រើប្រាស់មធ្យោបាយធ្វើដំណើរសាធារណៈ ត្រូវបានពង្រីកដើម្បីគ្របដណ្តប់ស្ថានីយ៍រថភ្លើង អាកាសយានដ្ឋាន និង ចំណតរថយន្តក្រុងជាដើម។
រដ្ឋាភិបាលបាននិយាយថា កាតព្វកិច្ចពាក់ម៉ាស់ក៏នឹងអនុវត្តចំពោះ ហាង ធនាគារ ព្រះវិហារ និងរោងកុនផងដែរ។ គេលើកទឹកចិត្តឱ្យមនុស្សធ្វើការពីផ្ទះ ប្រសិនជាអាចធ្វើទៅបាន។ ប្រធានាធិបតីស៊ុយអែត លោកស្រី Simonetta Sommaruga បានប្រាប់អ្នកយកព័ត៌មាននៅក្នុងសន្និសីទកាសែតមួយនៅទីក្រុងប៊ែនថា៖ “អត្រាឆ្លងកូវីដបានកើនឡើងយ៉ាងឆាប់រហ័ស ខុសពីពេលមុន ហើយវាមានឥទ្ធិពលទៅលើក្រុមមនុស្សគ្រប់វ័យ។”
គួរបញ្ជាក់ផងដែរថា លោកស្រីប្រធានាធិបតីប្រាប់ថា មិនមានការកំណត់ពេលវេលាជាក់លាក់ថាពេលណាទើបផុតការរឹតបន្តឹងនេះទេ៕ ដកស្រង់ចេញពីវេបសាយ ៖ reuters
ចែករំលែកព័តមាននេះ