ម៉ាល់ឌីវ គឺជាកោះមួយដែលបានទាក់ទាញអ្នកទេសចរ នៅទូទាំងពិភពលោកឱ្យទៅកម្សាន្តច្រើនណាស់ក្នុងមួយឆ្នាំៗ ។ ដោយឡែក សម្រាប់អ្នកទេសចរពីប្រទេសកម្ពុជាវិញ ដើម្បីទៅកាន់ទីនោះ គឺចំណាយពេលធ្វើដំណើរតិច ដោយចេញពីភ្នំពេញទៅបាងកក រួចតជើងយន្តហោះទៅកាន់កោះម៉ាល់ឌីវ…
ម៉ាល់ឌីវ គឺជាកោះមួយដែលបានទាក់ទាញអ្នកទេសចរ នៅទូទាំងពិភពលោកឱ្យទៅកម្សាន្តច្រើនណាស់ក្នុងមួយឆ្នាំៗ ។ ដោយឡែក សម្រាប់អ្នកទេសចរពីប្រទេសកម្ពុជាវិញ ដើម្បីទៅកាន់ទីនោះ គឺចំណាយពេលធ្វើដំណើរតិច ដោយចេញពីភ្នំពេញទៅបាងកក រួចតជើងយន្តហោះទៅកាន់កោះម៉ាល់ឌីវ តាមរយៈក្រុមហ៊ុនអាកាសចរណ៍បាងកកអ៊ែវ៉េ។
ដើម្បីឱ្យភ្ញៀវទេសចរពីប្រទេសកម្ពុជា កាន់តែមានលក្ខណៈងាយស្រួល ក្នុងការទៅកម្សាន្តនៅទីនោះ ក្រុម ហ៊ុនវើលដ៏ផប ត្រាវែល-ធួរគ្រុប បានធ្វើការសហការជាមួយ Club Med ដែលជាក្រុមហ៊ុនបដិសណ្ឋារ កិច្ចដ៏ធំមួយរបស់បារាំង មាន Resort ជាង៧០ទូទាំងពិភពលោក ដោយប្រកាន់ខ្ជាប់នៅគោលគំនិតតែមួយ ហើយ Resort ទាំងនោះ ត្រូវបានជ្រើសរើសទីតាំងយ៉ាងល្អប្រណីត នៅតាមតំបន់កោះ តំបន់ឆ្នេរសមុទ្រ និងតំបន់ស្គីរីសតជាដើម ។
អ្វីដែលគួរជាទីចាប់អារម្មណ៍បំផុតនោះ គឺ Club Med នៅកោះម៉ាល់ឌីវ គឺមានរីសតដ៏ល្បីឈ្មោះចំនួនពីររួមមាន ៖ Club Med Kani និង Club Med Finolhu។ Club Med Kani គឺជា Resort លំដាប់ផ្កាយ៤ ដែលបានរចនាម៉ូដវីឡាបែបអាស៊ីដ៏គួរឱ្យទាក់ទាញបំផុត ហើយនៅទីនោះមានការបម្រើជូនភ្ញៀវទេសចរនូវសេវាកម្មម្ហូបអាហារបែបប៊ូហ្វេជាលក្ខណៈអន្តរជាតិដែលមានរសជាតិដ៏ឈ្ងុយឆ្ងាញ់ ។
ចំណែកឯ Club Med Finolhu Villas ជា Resort លំដាប់ផ្កាយ ៥ ដែលនៅមិនឆ្ងាយប៉ុន្នានពី Club Med Kani នោះគឺមានសភាពស្ងប់ស្ងាត់ ពិតជាសាកសមរម្យជាពិសេសសម្រាប់គូ ស្នេហ៍ទើបតែរៀបអាពាហ៍ពិពាហ៍ថ្មីថ្មោងទៅក្រេបទឹកឃ្មុំលើបង្គងផ្ទៃសមុទ្រល្វឹងល្វើយដ៏រ៉ូមែនទិកពិតមែន។
ចំណុចពិសេស របស់ Club Med Resort ខុសពីកន្លែងផ្សេងៗ នៅក្នុងពិភពលោកត្រង់ អ្នកមកស្នាក់នៅ គាត់នឹងទទួលបានសេវាកម្មគ្រប់យ៉ាងដូចជាអាហារ ភេសជ្ជៈគ្រប់ប្រភេទតាំងពីព្រឹកដល់យប់រួមមាន៖ ស្រាក្រឡុក ស្រាក្រហម ស្រាទំពាំងបាយជូ ទឹកផ្លែឈើ។ មិនតែប៉ុននោះ លោកអ្នកអាចចូលេងកម្សាន្តជាមួយសកម្មភាពជាច្រើនរួមមាន៖ មុជទឹកមើលផ្កាថ្ម ជិះទូកកាយាក ហាត់យូហ្គា ម៉ាស្សា ជិះទូកមើលថ្ងៃលិច និងមើលត្រី Dolphin ព្រមទាំងកីឡាដ៏សម្បូបែបផ្សេងទៀត។
ពេលរាត្រី លោកអ្នកអាចចូលរួមកម្មវិធីកម្សាន្តផ្សេងៗដូចជា ទស្សនាសម្តែងសិល្បៈពិសេសៗ រាំរែក និងកម្មវិធីជាច្រើនទៀត។ ដូច្នេះ ដើម្បីឱ្យការចំណាយកាន់តែអស់តិច និងមានការទទួលខុសត្រូវខ្ពស់ ព្រមទាំងផ្តល់ទំនុកចិត្តដល់អតិថិជននោះ ក្រុមហ៊ុនវើលដ៏ផប ត្រាវែល-ធួរគ្រុប គឺជាដៃគូសហការរបស់ Club Med ដែលជួយឱ្យដំណើរកម្សាន្តរបស់លោកអ្នកកាន់តែមានភាពសប្បាយរីករាយ និងមានសុវត្ថិភាព ។
សូមបញ្ជាក់ផងដែរថា នេះជាលើកទី១ ដែលក្រុមហ៊ុនវើលដ៏ផប ត្រាវែល-ធួរគ្រុប បានរៀបចំដំណើរកំសាន្តបែបគ្រួសារ ទៅកាន់កោះម៉ាល់ឌីវ ដោយមានការចូលរួមពីបណ្តាក្រុមហ៊ុនទេសចរណ៍ធំៗក្នុងស្រុក នឹងបណ្តាសារព័ត៌មានល្បីៗ ដោយមានការសហការនឹងឧបត្ថម្តដោយ Club Med រីសត និងក្រុមហ៊ុនអាកាសចរណ៍បាងកក អ៊ែវេ ដែលបានប្រព្រឹត្តទៅកាលពីថ្ងៃទី ៣១ ឧសភា ២០១៩ កន្លងទៅនេះ។
សំរាប់ព័ត៌មានបន្ថែម លោកអ្នកអាចធ្វើការទាក់ទងសាកសួរព័ត៌មានដោយផ្ទាល់ ជាមួយក្រុមហ៊ុនវើលដ៏
ផប ត្រាវែល-ធួ ដែលមានអាសយដ្ឋានស្ថិតនៅផ្ទះលេខ១៥២,១៥៤នឹង១៥៦ មហាវិថីកម្ពុជាក្រោម ឬទំនាក់ទំនងតាមរយៈលេខទូរស័ព្ទ ០២៣ ៨៨១ ៧៨៩,០២៣ ៩៩៤ ៧៨៩,០១២ ២១៧ ៧៨៩,០១២ ៣១៧ ៧៨៩ មិនតែប៉ុណ្ណោះ លោកអ្នកក៏អាចទាក់ទងបណ្តាក្រុមហ៊ុនទេសចរណ៍ធំៗក្នុងស្រុកដទៃទៀតផងដែរ ៕
ទស្សនាទិដ្ឋភាពពិតតាមរយៈវីដេអូ ៖
ចែករំលែកព័តមាននេះ