រោគផ្សិតអាចកើតឡើងគ្រប់កន្លែងនៅក្នុងរាងកាយ រួមទាំងមាត់ និងស្បែករបស់អ្នក ។ វាក៏អាចចូលនៅក្នុងឈាមបានផងដែរ។
១-ថ្នាំអង់ទីប៊ីយ៉ូទិក (សម្លាប់បាក់តេរី) ៖ ប្រសិនបើអ្នកប្រើថ្នាំអង់ទីប៊ីយោទិចដូចជាថ្នាំតេត្រាស៊ីគ្លីន ឬអាម៉ុកស៊ីស៊ីលីន ដើម្បីប្រយុទ្ធប្រឆាំងនឹងការឆ្លងមេរោគដទៃទៀត ថ្នាំអង់ទីប៊ីយោទិចទាំងនេះក៏អាចសម្លាប់បាក់តេរី ល្អៗ ដែលកំពុងគ្រប់គ្រងមេរោគផ្សិតបាន។
២-ថ្នាំ Corticosteroids ៖ រប្រើថ្នាំ corticosteroid សម្រាប់ជំងឺហឺតត្រូវបានផ្សារភ្ជាប់ទៅនឹងការឆ្លងមេរោគផ្សិត ។
៣-ធ្មេញ ៖ អ្នកដែលដូរធ្មេញ ឬពាក់ធ្មេញទាំងអស់តែម្តង និងជាពិសេសអ្នកដែលមានជំងឺទឹកនោមផ្អែមទំនងជាអាចជួបប្រទះបញ្ហានេះ ។ ដូច្នេះចូរលាងសម្អាតធ្មេញរបស់អ្នកយ៉ាងហ្មត់ចត់រាល់យប់ ដើម្បីការពារការឆ្លង ។
៤-ការលាងសម្អាតខ្លាំង និងការបាញ់ទឹករំអិលទ្វារមាស ៖ ផលិតផលមួយចំនួនអាចផ្លាស់ប្តូរកម្រិតជាតិអាស៊ីតនៅក្នុងទ្វាមាសរបស់អ្នក ដែលវាអាចនាំឲ្យមានការលូតលាស់នៃផ្សិត និងលុបបំបាត់បាក់តេរីដែលមានប្រយោជន៍ចេញពីរាងកាយរបស់អ្នក។
៥-អ៊័រម៉ូន ៖ ការផ្លាស់ប្តូរកម្រិតអ័រម៉ូនអ៊ឹស្ត្រូសែន និងប្រូសេស្តេរ៉ូនចំពោះស្ត្រីដែលមានផ្ទៃពោះ ការបំបៅកូនដោយទឹកដោះម្តាយ ការប្រើការព្យាបាលដោយអ៊័រម៉ូន ឬការប្រើថ្នាំពន្យារកំណើត អាចនាំអោយមានការឆ្លងមេរោគផ្សិតតាមទ្វារមាស ។
៦-សម្លៀកបំពាក់ ៖ ការស្លៀកខោទ្រនាប់ (ឬខោខូវប៊យ ឬសម្លៀកបំពាក់ហែលទឹកសើម) អាចបង្កើនកម្តៅ និងសំណើមក្នុងទ្វារមាស ដែលជាទីជម្រករបស់ពពួកផ្សិត ។
៧-សម្លីអនាម័យ ៖ ចូរផ្លាស់ប្តូរវាឲ្យបានញឹកញាប់ អំឡុងពេលអ្នកមានរដូវ ដើម្បីការពារការឆ្លងមេរោគផ្សិត (ប្រភពពី៖ Health.com.kh) ៕
ចែករំលែកព័តមាននេះ