ខណៈពេលដែលកូនអ្នកអង្វរអ្នកញ៉ាំស្ករគ្រាប់ ផ្អែមៗ ពួកគេច្រើនតែមានជម្រើសអាហារ មានជីវជាតិខ្សោយ ហើយក៏មានសុខភាពមាត់ធ្មេញមិនល្អដែរ ។ យកល្អគួរតែព្យាយាមធ្វើដូចខាងក្រោមនេះ៖
១-ចូរពិនិត្យជានិច្ចចំពោះស្លាកសញ្ញារបស់អាហារដើម្បីរកមើលមានជាតិស្ករអ្វីបន្ថែមច្រើនឬអត់ តែការដែលមានជាតិស្ករពីធម្មជាតិ ដូចជាផ្លែឈើ គឺជាជម្រើសល្អជាង ។
២-ទឹកដោះគោ និងទឹក គឺជាជម្រើសភេសជ្ជៈល្អបំផុតសម្រាប់ធ្មេញរបស់ក្មេង ។ ចូរចៀសវាងទឹកផ្លែឈើ និងភេសជ្ជៈមានជាតិផ្អែម ផ្សេងៗទៀតដូចជា ទឹកក្រូចកំប៉ុងជាដើម ។
៣-អាហារសម្រន់ជាប្រភេទផ្លែឈើក្រៀម ឬចាហួយ មិនសូវខុសពីស្ករគ្រាប់ទេ ហើយក៏មានជាតិស្ករច្រើនដែរ ។
៤-ចូរពិនិត្យមើលអាហារសម្រន់ដែលសម្បូរកាបូអ៊ីដ្រាត (នំកំប៉ុង ស្រួយៗ) ព្រោះវាច្រើនតែផ្ទុកទៅដោយជាតិប្រៃច្រើន និងក្លាយទៅជាស្ករវិញនៅពេលចូលក្នុងពោះហើយ ។
៥-ធ្វើជាគំរូដ៏ល្អមួយដោយខ្លួនឯងតាមរយៈការចៀសវាងអាហារទាំងអស់នេះ (ប្រភពពី៖ Health.com.kh)៕
ចែករំលែកព័តមាននេះ