ADផ្ទាំងផ្សព្វផ្សាយពាណិជ្ជកម្ម

អាសូរណាស់ ! ជីដូនស្លា.ប់ឯចៅ២នាក់រងរបួសធ្ងន់

5 ឆ្នាំ មុន

ភ្នំពេញ
១៦ ខែ សីហា ឆ្នាំ ២០១៨ ម៉ោង ១៩:៣៩

រាជធានីភ្នំពេញ ៖ ស្ត្រីចំណាស់ម្នាក់បានបោកក្បាលស្លាប់នៅនឹងកន្លែង និងចៅប្រុស ស្រី២នាក់បានរងរបួសធ្ងន់បន្ទាប់ពីជិះម៉ូតូម៉ាកស្គូពី មួយគ្រឿងជែងរថយន្ត ហើយជ្រុលទៅបុកសួនច្បារ ពុះចែកទ្រូងផ្លូវជាតិលេខ៦។ គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង៤ និង១៥នាទីរសៀល ថ្ងៃទី១៦ ខែសីហា ឆ្នាំ២០១៨ ស្ថិតនៅលើកំណាត់ផ្លូវជាតិ៦ ក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វារ។

ស្ត្រីដែលបានស្លាប់នោះឈ្មោះ មូ ថេង អាយុ៥៤ឆ្នាំ មានទីលំនៅភូមិមេសរប្រចាន់ ឃុំមេសរប្រចាន់ ស្រុកពារាំង ខេត្តព្រៃវែង។ ចំណែកចៅ២នាក់រងរបួសធ្ងន់ ១-ឈ្មោះ ខេមរា ជីវ័ន្ត ភេទប្រុស អាយុ១៤ឆ្នាំ និង២-ឈ្មោះ ខេមរា លក្ខិណាពេជ្រ ភេទស្រី អាយុ៧ឆ្នាំ។ តាមសាក្សីបានឲ្យដឹងថា នៅមុនពេលកើតហេតុគេឃើញស្ត្រីរងគ្រោះ និងចៅប្រុសស្រី បានជិះម៉ូតូម៉ាកស្គូពីពណ៌ស ពាក់ស្លាកលេខ ភ្នំពេញ 1FA-4694 មួយគ្រឿង ធ្វើដំណើរតាមផ្លូវជាតិលេខ ៦ក្នុងទិសដៅ ពីត្បូងទៅជើងដោយល្បឿនលឿន។

នៅពេលមកដល់កន្លែងកើតហេតុ ក៏បានបើកជែង វ៉ារថយន្តមួយគ្រឿង ធ្វើដំណើរស្របទិសគ្នា ហើយជ្រុលទៅបុកខឿនឡើងសួនច្បារបណ្តាលឲ្យ បោកក្បាលស្លាប់ម្នាក់ ចំណែកចៅប្រុសស្រីបានរងរបួសធ្ងន់។ តាមព័ត៌មានឲ្យដឹងទៀតថា ភ្លាមៗចៅ ២នាក់បងប្អូនក៏ត្រូវបានរថយន្តបញ្ជូនទៅកាន់មន្ទីរពេទ្យ គន្ធបុប្ផាដើម្បីសង្គ្រោះ។ សពត្រូវបានក្រុមគ្រួសារនាំយកទៅធ្វើបុណ្យតាមប្រពៃណីនៅស្រុកកំណើត។ ដោយឡែក ម៉ូតូត្រូវបាននគរបាលយករក្សាទុកបណ្តោះអាសន្នរង់ចាំដោះស្រាយជាក្រោយ៕