រាជធានីភ្នំពេញ ៖ កាលពីម្សិលមិញនេះភាពខ្មៅងងឹតបំផុតដែលជាថ្ងៃចាកចេញទៅរបស់អតីតឌីជេល្បីល្បាញកញ្ញា អាលីយ៉ា ហើយនៅវេលាម៉ោង៤ល្ងាចរូបកាយរបស់នាងត្រូវព្រះអគ្គីនាំគ្នាដណ្តើមឆេះបាត់សភាពដើមទាល់តែអស់។ ខណៈមានតារាជាច្រើនសម្តែងក្តីក្តុកក្តួលមានទាំងក្នុង និងក្រៅស្រុក រហូតមានអ្នកមួយចំនួនមិនបានមកបុណ្យសពក៏នៅឆ្លៀតយកបច្ច័យផ្ញើតាមមិត្តភក្តិក្រោយពីដឹងថា ខ្សែជីវិតអាលីយ៉ាដ៏កម្សត់លើសពីអ្វីដែលនឹកស្មានមិនដល់។
ពិធីបុណ្យសព អាលីយ៉ា គេឃើញអ្នកនាង ចន ច័ន្ទលក្ខិណា ប្រធានសមាគមសិល្បៈនិងក្រុមការងារ ព្រមទាំងឃើញអ្នកម្តាយអ្នកនាងដែរនោះ បានបង្ហាញសណ្តានចិត្តចុះផ្ទាល់ដល់វត្តចាត់ចែកបុណ្យឱ្យអស់ពីបេះដូងក្រោយឃើញថា សាច់ញាតិមានតិចតួចបំផុត។
អ្វីដែលជាទឹកចិត្តសិល្បករធំមួយដែរ គេស្រាប់តែឃើញអ្នកនាង ចន ច័ន្ទលក្ខិណា ទទូរក្រណាត់សលើក្បាលមានន័យថា អ្នកនាងស្រឡាញ់សិល្បៈដូចគ្នាជាបងប្អូនជាញាតិហើយលោកខេមវិញ កាន់កម្រងផ្កាដាក់រូបថតអាលីយ៉ា ដោយទឹកមុខស្រពោននេះជាគំរូមួយសម្រាប់អ្នករលកក្រោយពិចារណា។
បើតាមសំដីរៀបរាប់របស់តារាចម្រៀង ស៊ូ ដាណេ ដែលបានដិតដាមអនុស្សាវរីយ៍ខ្លាំងជាងគេ ព្រោះមកមើលថែទាំ១ថ្ងៃ២ដងនោះបានឱ្យដឹងក្នុងសំដីអួលដើម.កហូរទឹកនេត្រាថា ក្រៅពីមើលថែគាត់ ហុចនំចំណី នាងនិងគាត់និយាយលេងជាច្រើនពេលនៅពេទ្យ ដើម្បីឱ្យគាត់សប្បាយចិត្ត។ សូម្បីតែនាងទៅផ្ទះក៏បងអាលីយ៉ា ឆាតទៅនាងហៅនាងថា ខ្មៅអើយមកមើលព្រះចន្ទជាមួយអញ!។
តារាចម្រៀងដាណេបន្តថា តាមដែលសភាពជំងឺគាត់ហាក់ដូចជាដឹងថា មិនអាចជាតែចរិកគាត់នៅតែរឹងប៉ឹងណាស់។ គាត់ធ្លាប់ធ្លោយមាត់ប្រាប់ថា បើគាត់ទៅជាបែបណាសូមឱ្យបងប្អូនមិត្តភក្តិសិល្បករកុំថតរូបនាងជាសភាពសាកសពបង្ហោះផ្សាយ ព្រោះមិនចង់ឱ្យគេឃើញរូបមិនស្អាតនាំឱ្យគេខ្លាច គឺគាត់មិនចង់ឱ្យមាន។
នេះមានន័យថា កន្លងមក អាលីយ៉ា ជាស្រីម្នាក់ដែលស្រឡាញ់ភាពស្អាត ហើយរូបថតជាច្រើនសន្លឹកដែលនាងផុសឃើញថា ជារូបស្អាតៗគួរឱ្យពេញចិត្ត ហើយបើយោងលើប្រវត្តិសិល្បៈ អាលីយ៉ា ជាប់ឈ្មោះជាអ្នកថតស៊ីកាម៉ារ៉ាលេខ១ កាលពីជំនាន់នាងលេចធ្លោ។
បើតាមមុននេះ បុណ្យ៧ថ្ងៃរបស់ឌីជេ អាលីយ៉ា ឭថា ធ្វើនៅវត្តនាគវ័ន តែចុងក្រោយនេះអាចនឹងប្រារព្ធធ្វើនៅវត្តទួលអស់លោកទីកន្លែងនាងបូជាវិញ។
ចែករំលែកព័តមាននេះ