ខេត្តបន្ទាយមានជ័យ ៖ ជនសង្ស័យ៣នាក់ត្រូវបាននគរបាលប៉ុស្តិ៍រដ្ឋបាលសង្កាត់ផ្សារកណ្តាល ធ្វើការឃាត់ជាបន្តបន្ទាប់ពាក់ព័ន្ធករណីចែកចាយ និងសេពគ្រឿងញៀន ក្រោយសមត្ថកិច្ចទទួលព័ត៌មាន ពីបណ្តាញ។ ហេតុការណ៍ឃាត់ខ្លួននេះធ្វើឡើងកាលពីថ្ងៃទី២៤ មិថុនា ២០១៨…
ខេត្តបន្ទាយមានជ័យ ៖ ជនសង្ស័យ៣នាក់ត្រូវបាននគរបាលប៉ុស្តិ៍រដ្ឋបាលសង្កាត់ផ្សារកណ្តាល ធ្វើការឃាត់ជាបន្តបន្ទាប់ពាក់ព័ន្ធករណីចែកចាយ និងសេពគ្រឿងញៀន ក្រោយសមត្ថកិច្ចទទួលព័ត៌មាន ពីបណ្តាញ។ ហេតុការណ៍ឃាត់ខ្លួននេះធ្វើឡើងកាលពីថ្ងៃទី២៤ មិថុនា ២០១៨ នៅភូមិអូរឫស្សី សង្កាត់ផ្សារកណ្តាល ក្រុងប៉ោយប៉ែត។ ជនសង្ស័យទាំងនាក់នោះរួមមាន៖ ១.ឈ្មោះ ឌី សាវី ភេទប្រុស អាយុ២៤ឆ្នាំ រស់នៅក្នុងភូមិកើតហេតុ ឆែកឆេររកឃើញរក្សាទុកថ្នាំញៀនម្សៅក្រាមពណ៌សថ្លា(ម៉ាទឹកកក) ចំនួន៣កញ្ចប់ និងក្រោយការសួរនាំយោងចម្លើយជនសង្ស័យខាងលើ ក៏ឈានទៅឃាត់ខ្លួនជនសង្ស័យទី២។
ឈ្មោះ ឡាយ សុផល ភេទប្រុស អាយុ៣៩ឆ្នាំ រស់នៅក្នុងភូមិកើតហេតុដូចគ្នា ក៏ឆែកឆេររកឃើញ ថ្នាំញៀនម្សៅក្រាមពណ៌សថ្លា ២កញ្ចប់តូច ថែមទៀត រួចបន្តទៅឃាត់ខ្លួនជនសង្ស័យឈ្មោះ ផល សុផាត ភេទប្រុស អាយុ១៨ឆ្នាំ ម្នាក់ទៀតករណីប្រើប្រាស់។ លោកវរៈសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត ប្រាប់តាមទូរស័ព្ទថា ក្រោយសាកសួរធ្វើកំណត់ហេតុរួច និងកសាងសំណុំរឿងជនសង្ស័យ ព្រមទាំងវត្ថុតាងបញ្ជូនទៅស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ