យោងទៅតាមសេចក្តីរាយការណ៍របស់សារព័ត៌មាន The Guardian បានឲ្យដឹងថា មានទារកច្រើនជាងមួយលាននាក់ជុំវិញពិភពលោកបានស្លាប់ក្នុងពេលដែលពួកគេកើតបានមួយឆ្នាំដំបូង ។ សេចក្តីរាយការណ៍មួយនេះបានបង្ហាញថា ទារកប្រមាណ២,៩លាននាក់បានស្លាប់ក្នុងរយៈពេល២៨ថ្ងៃដំបូងក្រោយកើតក្នុងឆ្នាំ២០១២ ជាមួយនឹងមួយលាននាក់នៃទារកទាំងនេះបានស្លាប់ក្នុងរយៈពេល២៤ម៉ោង ។…
យោងទៅតាមសេចក្តីរាយការណ៍របស់សារព័ត៌មាន The Guardian បានឲ្យដឹងថា មានទារកច្រើនជាងមួយលាននាក់ជុំវិញពិភពលោកបានស្លាប់ក្នុងពេលដែលពួកគេកើតបានមួយឆ្នាំដំបូង ។
សេចក្តីរាយការណ៍មួយនេះបានបង្ហាញថា ទារកប្រមាណ២,៩លាននាក់បានស្លាប់ក្នុងរយៈពេល២៨ថ្ងៃដំបូងក្រោយកើតក្នុងឆ្នាំ២០១២ ជាមួយនឹងមួយលាននាក់នៃទារកទាំងនេះបានស្លាប់ក្នុងរយៈពេល២៤ម៉ោង ។ ចំពោះមូលហេតុវិញមានដូចជា ការសម្រាលកូនមិនគ្រប់ខែ មានផលវិបាកក្នុងពេលសម្រាលដូចជាទម្រង់កើតមិនធម្មតាដោយជាការកើតមកចេញជើង ឬគូទមកមុន និងការបង្ករោគដូចជា ការរលាកស្រោមខួរក្បាលជាដើម ។ លើសពីនេះទៅទៀតក្នុងឆ្នាំដដែលនេះ គឺមានករណីកូនស្លាប់ក្នុងផ្ទៃប្រមាណ១,២លាននាក់ផងដែរ ។
សេចក្តីរាយការណ៍នេះគឺផ្តោតសំខាន់ទៅលើការផ្សំចូលគ្នានៃចំនួនសរុបទារកស្លាប់២,២លាននាក់ក្នុងថ្ងៃដំបូងនៃជីវិត និងការស្លាប់ក្នុងផ្ទៃក្នុងពេលសម្រាល ។ តាមការតស៊ូមតិ ភាគច្រើននៃករណីស្លាប់ទាំង២,២លាននាក់នេះគឺអាចបង្ការបាន។
សេចក្តីរាយការណ៍នេះបានរកឃើញថា មានការប្រែប្រួលតាមតំបន់ជាច្រើនទាក់ទងនឹងការស្លាប់ចំពោះទារកទើបនឹងកើតនេះ ។ ជាទូទៅប្រទេសដែលក្រីក្របំផុតគឺមានអត្រានៃការស្លាប់របស់ទារកទើបនឹងកើតខ្ពស់បំផុត ។ មានភាពមិនស្មើគ្នាយើងច្រើនចំពោះអត្រានៃការស្លាប់លើទារកទើបនឹងកើតចំពោះប្រទេសដែលក្រីក្រ សហគមន៍ដែលក្របំផុត និងក្រុមមនុស្សរស់នៅក្នុងតំបន់ដទៃទៀតដែលមានអត្រានៃការស្លាប់លើទារកខ្ពស់ ។ សេចក្តីរាយការណ៍នេះបានសម្គាល់ដឹងនូវសេវាកម្ម សំខាន់ៗ ជាច្រើន ដែលគួរតែផ្តល់ឲ្យដើម្បីបង្ការការស្លាប់របស់ទារក ៕
ស្រង់ពីគេហទំព័រសុខភាព
ចែករំលែកព័តមាននេះ