ការស្រាវជ្រាវថ្មីមួយបានរកឃើញថា ហានិភ័យនៃការចាក់ថ្នាំស្ពឹកនៅនឹងឆ្អឹងខ្នងអំឡុងពេលសម្រាលកូន គឺពិតជាទាប ។ អ្នកស្រាវជ្រាវបានវិភាគលើស្ត្រីជាង៨០.០០០នាក់ ដែលបានទទួលការចាក់ថ្នាំស្ពឹកនៅនឹងឆ្អឹងខ្នង អំឡុងពេលសម្រាល ហើយបានរកឃើញថា អត្រាសរុបនៃផលវិបាក គឺក្រោម៣…
ការស្រាវជ្រាវថ្មីមួយបានរកឃើញថា ហានិភ័យនៃការចាក់ថ្នាំស្ពឹកនៅនឹងឆ្អឹងខ្នងអំឡុងពេលសម្រាលកូន គឺពិតជាទាប ។
អ្នកស្រាវជ្រាវបានវិភាគលើស្ត្រីជាង៨០.០០០នាក់ ដែលបានទទួលការចាក់ថ្នាំស្ពឹកនៅនឹងឆ្អឹងខ្នង អំឡុងពេលសម្រាល ហើយបានរកឃើញថា អត្រាសរុបនៃផលវិបាក គឺក្រោម៣ ភាគរយ ។
ផលវិបានទូទៅបំផុតដែលពាក់ព័ន្ធនឹងថ្នាំរួមមាន ការទទួលថ្នាំច្រើនពេក ឬតិចពេក ឬត្រូវបានទទួលថ្នាំដែលហួសកាលកំណត់ ។
ការភ័យខ្លាចនៃការឈឺក្បាលពេលចាក់ឆ្អឹងខ្នង គឺមានជាទូទៅក្នុងចំណោមស្ត្រីដែលបានទទួលការចាក់ថ្នាំស្ពឹកនៅនឹងឆ្អឹងខ្នងនេះ ប៉ុន្តែ ផលវិបាកនេះបានកើតមានប្រហែលជា០,២ ភាគរយប៉ុណ្ណោះ ។
វេជ្ជបណ្ឌិតសាមៀ ចានី (Samir Jani) បាននិយាយថា អត្រានៃផលវិបាក គឺពិតជាទាបណាស់ សម្រាប់អ្នកជំងឺសម្រាលកូនដែលទទួលការចាក់ថ្នាំស្ពឹកនេះ ប៉ុន្តែវាតែងតែមានភាពប្រសើរឡើង ។
ការស្រាវជ្រាវនេះជួយយើងអោយមានការយល់ដឹងប្រសើរពីការអនុវត្តនៃថ្នាំស្ពឹក ក្នុងគ្រប់ផ្នែកនៃការថែទាំប្រព័ន្ធសុខភាពរបស់យើង និងកំណត់ពីភាពខុសប្លែកគ្នា ដែលអាចជួយយើងអោយមានភាពប្រសើរឡើងដល់សុវត្ថិភាពនៃអ្នកជំងឺ ។
វេជ្ជបណ្ឌិត Jani បាននិយាយថា គោលដៅរបស់យើង គឺដើម្បីការពារផលវិបាកពីការកើតមានសាជាថ្មី និងធ្វើឲ្យការចាក់ថ្នាំស្ពឹកមានសុវត្ថិភាពជាងនេះ ។
ការចាក់ថ្នាំស្ពឹកនៅជុំវិញឆ្អឹងខ្នង គឺជាការស៊កម្ជុលដ៏តូចមួយនៅនឹងក្រោយចង្កេះ ដើម្បីផ្តល់ការបន្ថយការឈឺចាប់នៅតំបន់នោះនៅក្នុងខ្លួន ។ ការចាក់ថ្នាំស្ពឹកនៅនឹងឆ្អឹងខ្នង មិនមានឥទ្ធិពល ភ្លាមៗនោះទេ ប៉ុន្តែថ្នាំបំបាត់ការឈឺចាប់អាចត្រូវបានចាក់បន្តជាប់ពីការសម្រាលរួច ។ ជាមួយនឹងការចាក់ថ្នាំស្ពឹកនៅនឹងឆ្អឹងខ្នង គឺថ្នាំត្រូវបានចែកចាយនៅជិតនៅឆ្អឹងខ្នង ដែលផ្តល់ការបំបាត់ការឈឺចាប់ ភ្លាមៗតែម្តង ៕
ចែករំលែកព័តមាននេះ