យោងទៅតាមសេចក្តីរាយការណ៍របស់សារព័ត៌មាន The Daily Telegraph បានឲ្យដឹងថា ការដើរជម្រះស្មៅនៅជុំវិញសួនដំណាំ ឬការដើរជាមួយឆ្កែ គឺជាសកម្មភាពគ្រប់គ្រាន់មួយក្នុងការជួយឲ្យបុរស ចាស់ៗរស់បានយូរហើយ ។
អ្នកស្រាវជ្រាវជនជាតិអង់គ្លេសបានប្រើប្រាស់ឧបករណ៍តាមដានកម្រិតសកម្មភាពរបស់បុរសអាយុ៧១ទៅ៩២ឆ្នាំប្រមាណ១១៨១នាក់ ។ ពួកគេបានរកឃើញថា អ្នកដែលមានភាពសកម្មបំផុត ទំនងជាអាចរស់នៅបានយូរជាងគេ ។ អ្នកដែលរស់នៅក្នុងប្រទេសអង់គ្លេសត្រូវបានគេណែនាំឲ្យធ្វើសកម្មភាពរាងកាយកម្រិតមធ្យមទៅខ្លាំងក្លាយប្រមាណ១៥០នាទីក្នុងមួយសប្តាហ៍ ។ ប៉ុន្តែការសិក្សាបានរកឃើញថា ទោះបីជាសកម្មភាពតិចតួចក៏មានប្រយោជន៍ចំពោះសុខភាពដែរ ។ វាមិនមានបញ្ហាថាត្រូវធ្វើសកម្មភាពយូរប៉ុនណាឡើយ ។ អ្វីដែលជាបញ្ហាចំពោះការសិក្សានេះគឺថា វាពិបាកនឹងដឹងថា តើមនុស្សរស់បានយូរដោយសារតែពួកគេមានសកម្មភាពរាងកាយច្រើន ឬដោយសារតែពួកគេធ្វើសកម្មភាពច្រើនដោយសារតែពួកគេមានសុខភាពទូទៅល្អស្រាប់ ។
ថ្វីបើអ្នកស្រាវជ្រាវព្យាយាមបញ្ចូលកត្តាផ្សេងៗទៀត ដែលអាចប៉ះពាល់ទៅលើការរស់នៅយូររបស់បុរសក៏ដោយ តែការសិក្សានេះមិនបានអះអាងថា ការដែលមានសកម្មភាពរាងកាយច្រើន នឹងបង្កើនអាយុវែងរបស់មនុស្សឡើយ ។ អ្វីដែលល្អនោះគឺថា បើសិនជាអ្នកគ្រាន់តែអាចប្រើពេលវេលាខ្លីក្នុងការដើរ ឬថែសួនដំណាំ ក៏វាជារឿងល្អជាងការដែលមិនបានធ្វើអ្វីសោះដែរ ៕
ចែករំលែកព័តមាននេះ