ចងគំនុំជាមួយឡានធំ ក្រឡេកឃើញភ្លាម រត់ទៅគប់
រាជធានីភ្នំពេញ ៖ យុវជនមិនស្គាល់អត្តសញ្ញាណម្នាក់
រាជធានីភ្នំពេញ ៖ យុវជនមិនស្គាល់អត្តសញ្ញាណម្នាក់
រាជធានីភ្នំពេញ ៖ យុវជនមិនស្គាល់អត្តសញ្ញាណម្នាក់ បានរត់ចូលទៅគប់រថយន្តបែនដឹកដី១គ្រឿង ហើយក៏ត្រូវរថយន្តនោះបុកបណ្ដាលឲ្យរងរបួសធ្ងន់ កាលពីវេលាម៉ោង០៥ និង៥៥នាទីល្ងាចថ្ងៃទី១៥ ខែតុលា នៅលើកំណាត់ផ្លូវចោមចៅ មុខរោងចក្រកាត់ដេរ៦ជាន់ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានបានឲ្យដឹងថា យុវជនខាងលើមានអាយុប្រហែលជាង២០ឆ្នាំ មិនដឹងថាមានទីលំនៅនៅឯណាទេ បានរត់ចូលទៅគប់រថយន្តបែនដឹកដី១គ្រឿង ម៉ាកហ៊ីណូ ពណ៌ខ្មៅ ពាក់ផ្លាកលេខ ភ្នំពេញ ៣D-៣៧០៧ ។
ប្រភពដដែលបន្តថា យុវជនរូបនេះត្រូវគេសង្ស័យថា បានប្រើប្រាស់ថ្នាំញៀនរហូតដល់បែកថ្នាំលែងដឹងខុសត្រូវ ។ មុនពេលកើតហេតុ រូបគេកាន់ដុំថ្ម១ដុំឈរនៅតាមចិញ្ចើមផ្លូវ បម្រុងរត់ចូលឲ្យរថយន្តអ្នកដំណើរតាមផ្លូវបុកថែមទៀតផង ។ ប៉ុន្តែពេលនោះរថយន្តដែលបើកឆ្លងកាត់សុទ្ធតែធុនតូច ហើយយុវជននេះមិនបានរត់ចូលឡើយ ។ លុះមួយសន្ទុះក្រោយមក គ្រាន់តែឃើញរថយន្តបែនដឹកដីធុនយក្ស១គ្រឿងខាងលើ បើកក្នុងទិសដៅពីលិចទៅកើតទៅដល់ភ្លាម ស្រាប់តែយុវជនរូបនេះស្ទុះរត់វឹងចូលទៅគប់ហាក់ដូចជាធ្លាប់មានគំនុំ និងស្អប់រថយន្តនោះខ្លាំងណាស់ ។
ប្រភពខាងលើបន្តទៀតថា គ្រាន់តែរត់ចូលទៅដល់ក៏ត្រូវរថយន្តនេះបុក បណ្ដាលឲ្យដួលរងរបួសយ៉ាងធ្ងន់តែម្ដង ព្រោះរថយន្តមិនអាចជាន់ហ្វ្រាំងឈប់ទាន់ទេពេលប្រថុចញ៉ុចបែបនេះ ។ ក្រោយពេលបុកបណ្ដាលឲ្យយុវជននោះ ដួលបែកក្បាលសន្លប់ស្ដូកស្ដឹងទើបឈប់ ហើយអ្នកបើកបរក៏ដាក់មេប្រូចបាត់ ៕
ចែករំលែកព័តមាននេះ