សាកសពអ្នកនាងសាន ស្រីឡៃ តម្កល់ធ្វើបុណ្យ ក្រោមសំឡេងយំសោកសៅបំផុត
រាជធានីភ្នំពេញ ៖ សេចក្តីរាយការណ៍ឱ្យដឹងថា នាព្រឹកថ្ងៃទី១៧ តុលា នេះ សាកសពអ្នកនាងសាន ស្រីឡៃ
រាជធានីភ្នំពេញ ៖ សេចក្តីរាយការណ៍ឱ្យដឹងថា នាព្រឹកថ្ងៃទី១៧ តុលា នេះ សាកសពអ្នកនាងសាន ស្រីឡៃ
រាជធានីភ្នំពេញ ៖ សេចក្តីរាយការណ៍ឱ្យដឹងថា នាព្រឹកថ្ងៃទី១៧ តុលា នេះ សាកសពអ្នកនាងសាន ស្រីឡៃ កំពុងត្រូវបានតម្កល់នៅក្នុងវត្តសែនសុខ ស្ថិតក្នុងសង្កាត់ឃ្មួញ ដោយមិនទាន់បានលើកដាក់ក្នុងមឈូសនៅឡើយ ខណៈព្រះសង្ឃបានសូត្រធម៌ផងដែរ ។
ស្ថិតក្នុងពិធីបុណ្យសពរបស់អ្នកនាងសាន ស្រីឡៃ នាព្រឹកថ្ងៃដដែលនេះ គេបានឃើញវត្តមានអ្នកចន ច័ន្ទលក្ខណា ព្រមទាំងតារាមួយចំនួនទៀត បានចូលរួមក្នុងពិធីបុណ្យទាំងព្រលឹម ។ គួរបញ្ជាក់ថា អ្នកនាងសាន ស្រីឡៃ មានអាយុ២៦ឆ្នាំ នាងជាកូនច្បង ក្នុងចំណោមបងប្អូន៤នាក់ ហើយនាងក៏ជាអតីតបេក្ខភាព The Voice Cambodia រដូវកាលទី២ និងជាកូនរបស់អ្នកនាងពេជ្រ សោភា ។ ដោយឡែក បុរសឃាតករជាប្តីដែលបាញ់សម្លាប់នាង និងបាញ់ខ្លួនឯងដែរនេះ មានឈ្មោះជ័យ រិន ជាមន្ត្រីគយ ធ្លាប់មានប្រពន្ធ-កូនរួចទៅហើយ ។
បើតាមស្ត្រីឈ្មោះឡុង ចន្ធី អាយុ៤៦ឆ្នាំ ដែលជាត្រូវម្តាយបង្កើតអ្នកនាងសាន ស្រីឡៃ បានឱ្យកោះសន្តិភាពដឹងថា កូនស្រី (សាន ស្រីឡៃ) និងប្តីនេះ គឺបានរួមរស់ជាមួយគ្នារយៈពេលជិត១០ឆ្នាំមកហើយ ដោយពួកគេទទួលបានកូនប្រុស២នាក់ ម្នាក់អាយុ៤ឆ្នាំ និងម្នាក់ទៀត៨ឆ្នាំ ។ ម្តាយបន្តថា ប៉ុន្តែជិត១ឆ្នាំមកហើយ ដែលប្តី-ប្រពន្ធទាំងពីរមានភាពរកាំរកូសជានិច្ច ដោយឈ្លោះគ្នាជាញឹកញាប់រហូតបានបែកផ្លូវគ្នាទៀតផង តែមិនបានលែងលះនោះទេ ។ លុះមួយរយៈនេះ ឃើញប្តីចេះតែមករកនាង និងចង់ផ្សះផ្សាគ្នាវិញផងដែរ ហើយគាត់មិនដឹងថា ប្តីដែលជាកូនប្រសារូបនេះ ហ៊ានធ្វើដល់ថ្នាក់នេះទេ ។
ប្រភពចុងក្រោយបានឱ្យដឹងថា បើគ្មានអ្វីប្រែប្រែនោះទេ សាកសពអ្នកនាងសាន ស្រីឡៃ នឹងបូជានៅវេលាម៉ោង០៩ព្រឹកថ្ងៃទី១៨តុលា ស្អែកនេះ ដោយចាត់ចែងពិធីបុណ្យទាំងស្រុង គឺខាងហង្ស មាស ជាអ្នកទទួលខុសត្រូវទាំងអស់ ។
ចែករំលែកព័តមាននេះ