រាជធានីភ្នំពេញ ៖ កាលពីវេលាម៉ោង០៩ព្រឹកថ្ងៃទី២០ ឧសភា មន្ទីរប្រឆាំងគ្រឿងញៀនក្រសួងមហាផ្ទៃ បានធ្វើសន្និសីទសារព័ត៌មាន ស្តីពីករណីបង្ក្រាបគ្រឿងញៀនដ៏ទ្រង់ទ្រាយធំមួយ ដែលបានចាប់ខ្លួនមេក្លោង មានងារជាឧកញ៉ាម្នាក់ និងម្នាក់ទៀតជាជនជាតិឡាវ ព្រមទាំងបង្ហាញវត្ថុតាងថ្នាំញៀនចំនួនជាង៥៦គីឡូក្រាម ។ មើលចុះថា វាច្រើនដល់.កយ៉ាងណា…!
ជនសង្ស័យដែលបានបង្ហាញមុខម្នាក់ ឈ្មោះស៊ី ឡាឡយ មុខងារជាឧកញ៉ាម្នាក់ នៅខេត្តរតនគិរី (មេខ្លោង) ជាអ្នកទទួលដុំមកពីក្រៅប្រទេស និងជាអ្នកលក់ និងចែកចាយនៅក្នុងស្រុក និងម្នាក់ឈ្មោះលូន សុផា ជនជាតិខ្មែរ-ឡាវ ដែលជាអ្នកទទួលបញ្ជាពីមេខ្លោងយកថ្នាំញៀនមកស្តុកទុក និងយកទៅប្រគល់ឲ្យអ្នកទិញ (ស៊ី ឡាឡយ) ជាមេខ្លោង ។ លោកឧត្តមសេនីឯក ម៉ក់ ជីតូ បានថ្លែងថា ថ្នាំញៀន ដែលសមត្ថកិច្ចចាប់យក មាន៣ប្រភេទ ១-ហេរ៉ូហ៊ីន ២-មេតំហ្វេតាមីនICE និង៣-ម៉េតំហ្វេតាមីនគ្រាប់ WY ។ ក្នុងនោះមានថ្នាំញៀនប្រភេទហេរ៉ូអ៊ីនចំនួន១៥គីឡូក្រាម ថ្នាំញៀនប្រភេទមេតំហ្វេតាមីនចំនួន១២គីឡូក្រាម និងថ្នាំញៀនប្រភេទមេតំហ្វេតាមីនគ្រាប់ចំនួន២៩គីឡូក្រាម ។
ថ្នាំញៀនជាង៥៦គីឡូក្រាមនេះ ត្រូវបានសង្ស័យជាឧកញ៉ាបញ្ជាទិញ និងនាំចូលមកពីប្រទេសឡាវ តាមខេត្តស្ទឹងត្រែង និងបានយកមកស្តុកទុកក្នុងរាជធានីភ្នំពេញ ដែលទីតាំងមួយកន្លែងនៅម្តុំផ្សារថ្មី ខណ្ឌដូនពេញ និងមួយកន្លែងទៀតនៅមុខវត្តសំរោងអណ្តែត សង្កាត់ភ្នំពេញថ្មី ខណ្ឌសែនសុខ ។
ចែករំលែកព័តមាននេះ