ចាងហ្វាងផលិតកម្មដាក់កូនស្រីធ្វើតួឯកមិនខ្វល់ការរិះគន់
រាជធានីភ្នំពេញ ៖ ខ្សែភាពយន្តថ្មីមួយទៀតរបស់ផលិតកម្មមហាហង្ស បានផ្តល់តំណែងតួឯកស្រីឱ្យលើនាងភិន សុដាលីសដែលខកខានសម្តែងយូរមកហើយ ។ មហាហង្សជ្រើសយកភិន សុដាលីស និង
រាជធានីភ្នំពេញ ៖ ខ្សែភាពយន្តថ្មីមួយទៀតរបស់ផលិតកម្មមហាហង្ស បានផ្តល់តំណែងតួឯកស្រីឱ្យលើនាងភិន សុដាលីសដែលខកខានសម្តែងយូរមកហើយ ។ មហាហង្សជ្រើសយកភិន សុដាលីស និង
រាជធានីភ្នំពេញ ៖ ខ្សែភាពយន្តថ្មីមួយទៀតរបស់ផលិតកម្មមហាហង្ស បានផ្តល់តំណែងតួឯកស្រីឱ្យលើនាងភិន សុដាលីសដែលខកខានសម្តែងយូរមកហើយ ។
មហាហង្សជ្រើសយកភិន សុដាលីស និងភឹម តារាវិបុលជាតួឯកក្នុងរឿងភាគ«ម្ចាស់បំណុល» ។
លោកអិុ សុភិន ចាងហ្វាងផលិតកម្មមហាហង្ស ក្នុងឱកាសរៀបចំពិធីក្រុងពលីថតរឿង«ម្ចាស់បំណុល» នៅព្រឹកថ្ងៃទី២ ខែមីនា ឆ្នាំ២០១៧ ឱ្យដឹងថា នេះជាប្រភេទរឿងភាគ មានចំនួន៥០ភាគ ត្រៀមបញ្ចាំងនៅស្ថានីយទូរទស្សន៍ PNN នាពាក់កណ្ដាលឆ្នាំ២០១៧ ។ វាជាស្នាដៃទី២របស់មហាហង្ស សម្រាប់ទូរទស្សន៍ PNN ដោយក្នុងនោះអ្នកនាងភិន សុដាលីស កូនស្រីរបស់លោកអិុន សុភិន ជាចាងហ្វាងផលិតកម្មត្រូវជ្រើសរើសឲ្យសម្ដែងជាតួឯក ។
មូលហេតុដែលយកកូនស្រីឲ្យសម្ដែងជាតួឯក លោកសុភិន បញ្ជាក់ថា «ព្រោះនាងនៅតែជាតារាមានប្រជាប្រិយភាព មានទីផ្សារ មានការគាំទ្រខ្ពស់ដដែល ហើយស្ថានីយទូរទស្សន៍ PNN ក៏បានព្រមព្រៀងទទួលយកសំណើឲ្យកូនស្រីខ្ញុំសម្ដែងជាតួឯកដែរ ពោលមិនមែនចេះតែយកកូនស្រីខ្ញុំមកសម្ដែង ដោយមិនបានពិចារណា រកហេតុផល ឬពិភាក្សាគ្នាព្រមព្រៀងពីខាងណានោះទេ ។ ម្យ៉ាងទៀតការរិះគន់នាពេលកន្លងមក ក៏ខ្ញុំមិនខ្លាចដែរ ព្រោះតាមការដឹងអ្នករិះគន់នោះមិនមែនជាមហាជន ឬទស្សនិកជនទេ គឺជាអ្នកសិល្បៈដូចគ្នាប៉ុណ្ណោះ ព្រោះតែកើតចិត្តច្រណែន ឈ្នានីសគ្នាក្នុងសង្គមសិល្បៈ ដែលគិតថា ខ្ញុំយកតែកូនស្រីខ្លួនឯងសម្ដែងតួឯក» ។
តារាសម្តែងក្នុងផ្ទៃរឿងភាគថ្មីនេះមានលោក ភឹម តារាវិបុល និងអ្នកនាងភិន សុដាលីស ជាតួឯក លោកហង្ស សំបើមសក្ត័ កញ្ញារ៉ាផា អ្នកនាងផា ភួង លោកហម ឈរ៉ា លោកថម មី កញ្ញាគីង រស្មី កញ្ញាហង្ស រស្មី កញ្ញាសម្ជស្ស កញ្ញាឃុត ស្រីពៅ ។ «ម្ចាស់បំណុល»និពន្ឋដោយលោកអិុន សុភិន និងជំនួយការនិពន្ឋអ្នកស្រីម៉ៅ សំណាង៕
ចែករំលែកព័តមាននេះ