រាជធានីភ្នំពេញ ៖ បើទោះជាបើករបររកស៊ីមានប្រាក់ចំណេញ ប៉ុន្តែតារាសម្តែងពេជ្រ ខេនឌី មិនបោះបង់ចោលវិស័យកីឡា ឬក្បាច់គុនល្បុក្កតោទេ ។ ខេនឌី ត្រៀមបញ្ចូលកម្មវិធីបង្ហាញក្បាច់គុនល្បុក្កតោក្រោយពេល
រាជធានីភ្នំពេញ ៖ បើទោះជាបើករបររកស៊ីមានប្រាក់ចំណេញ ប៉ុន្តែតារាសម្តែងពេជ្រ ខេនឌី មិនបោះបង់ចោលវិស័យកីឡា ឬក្បាច់គុនល្បុក្កតោទេ ។ ខេនឌី ត្រៀមបញ្ចូលកម្មវិធីបង្ហាញក្បាច់គុនល្បុក្កតោក្រោយពេលភោជនីយដ្ឋានរបស់នាងចាប់ផ្តើមបើកដំណើរការនាអំឡុងខែមេសានៅខេត្តសៀមរាប ។
តារាភាពយន្តអ្នកនាងពេជ្រ ខេនឌី ខណៈស្ងប់ស្ងាត់ពីអាជីពសិល្បៈនោះស្រាប់តែបោះទុន១៥ម៉ឺនដុល្លារ បើកភោជនីយដ្ឋានមួយនៅខេត្តសៀមរាបក្នុងនោះមានគោលដៅជួយលើកស្ទួយក្បាច់គុនល្បុក្កតោខ្មែរផងដែរ ។ អ្នកនាងពេជ្រ ខេនឌី ឲ្យដឹងថាភោជនីយដ្ឋានរបស់នាងកំពុងតែដំណើរការសាងសង់ហើយគ្រោងបើកនៅអំឡុងខែមេសា ឆ្នាំ២០១៧ ។ ភោជនីយដ្ឋាននោះដាក់ឈ្មោះថា «ល្បុក្កតោក្លឹប» បម្រើម្ហូបអាហារ និងតន្ត្រីកំដរអារម្មណ៍ដូចហាងដទៃដែរ គ្រាន់តែមានលក្ខណៈពិសេសប្លែកពីគេដោយរៀបចំសម្ដែងក្បាច់គុនល្បុក្កតោប្រចាំថ្ងៃ គឺក្នុងមួយថ្ងៃត្រូវសម្ដែង៣ដងសម្រាប់អតិថិជនទស្សនាកម្សាន្ត ។
មូលហេតុដែលអ្នកនាងពេជ្រ ខេនឌី សម្រេចចិត្តបោះទុនបើកភោជនីយដ្ឋាននៅខេត្តសៀមរាបហើយបញ្ចូលការសម្ដែងក្បាច់គុនល្បុក្កតោ ព្រោះនាងចង់លើកស្ទួយឲ្យពិភពលោកកាន់តែស្គាល់ច្បាស់ពីក្បាច់គុនល្បុក្កតោរបស់ខ្មែរដែលមានកំណើតតាំងពីយូរលង់ណាស់មកហើយ ។ ម្យ៉ាងនាងយល់ថាខេត្តសៀមរាបជាតំបន់មានសក្តានុពលទេសចរណ៍ខ្លាំង មានអ្នកទេសចរចម្រុះជាតិសាសន៍ ដូច្នេះត្រូវតែបង្ហាញក្បាច់គុនខ្មែរឱ្យគេស្គាល់ ។
ខេនឌី ឲ្យដឹងថាលោកសាន គឹមស៊ាន ជីតា របស់នាងជាអ្នកចងក្រងឯកសារក្បាច់គុនល្បុក្កតោដំបូងគេនៅក្នុងប្រទេសកម្ពុជា ។ ហេតុដូច្នេះហើយកាន់តែជំរុញទឹកចិត្តនាង ក្នុងការបើកហាងដែលលើកស្ទួយក្បាច់គុនល្បុក្កតោ ។ ចាយទុនរហូត១៥ម៉ឺនដុល្លារអ្នកនាងខេនឌី ចង់រចនាភោជនីយដ្ឋានរបស់ខ្លួនឲ្យមានភាពទាក់ទាញខ្លាំងដោយបំពាក់គ្រឿងសង្ហារិមប្រណីតៗ ។ ខេនឌី រំពឹងថានឹងទាញបានការចាប់អារម្មណ៍ខ្លាំងពីភ្ញៀវទេសចរចម្រុះជាតិសាសន៍ដែលទៅលេងសៀមរាបអង្គរ ។
ស្ងប់ស្ងាត់ពីអាជីពសិល្បៈ អ្នកនាងពេជ្រ ខេនឌី ថាដោយសារតែនាងមមាញឹកលើមុខជំនួញ ។ បច្ចុប្បន្ននេះក្រៅពីត្រៀមបើកភោជនីយដ្ឋាន នាងមានមុខជំនួញ២ផ្សេងទៀត គឺក្រុមហ៊ុនទទួលបញ្ចាំរបស់ទ្រព្យ ដីធ្លី និងរថយន្តជាដើម ។ ក្រុមហ៊ុន១ទៀតបម្រើលើការដឹកជញ្ជូនអីវ៉ាន់ចេញចូលក្រៅប្រទេស ។
ពេជ្រ ខេនឌី តារាជិះរថយន្តBMW តម្លៃជិត១០ម៉ឺនដុល្លាររូបនេះអះអាងថានាងមិនបោះបង់សិល្បៈចោលទេ គឺពេលណាអាចដកឃ្លាពីមុខជំនួញបាន នាងនឹងទទួលសម្ដែងបន្តទៀត ។
តាមរយៈការបង្កើតកម្មវិធីសម្តែងក្បាច់គុនល្បុក្កតោនៅភោជនីយដ្ឋានរបស់អ្នកនាងពេជ្រ ខេនឌី នោះ ចំពោះកីឡាករល្បុក្កតោនឹងមានកន្លែងបញ្ចេញទេពកោសល្យជាប្រចាំ ព្រមទាំងបានប្រាក់កម្រៃ ៕
ចែករំលែកព័តមាននេះ