រាជធានីភ្នំពេញ ៖ ស្របពេលដែលតារាសម្តែង ហេង ស្រីពេជ្រ កំពុងបោះជំហានឡើងខ្លាំងក្នុងសិល្ប: តារាសាច់.សហាប់ណែនរូបនេះ ហាក់គិតគូរយ៉ាងខ្លាំងក្នុងការពិចារណារឿងគូស្រករ ស្របពេលដែលវ័យរបស់របស់នាង កំពុងតែហក់ទៅមុខហើយនោះ។
គ្រាដែលសញ្ចឹងគិតរឿងគូគាប់ចិត្ត ហេង ស្រីពេជ្រ ហាក់រអារក្នុងខ្លួន ខ្លាចប៉ះចំតែលើបុរសណា មិនមានភក្តីភាពលើរូបនាង។រំដួល មកពីស្រុកធ្វើក្អមឆ្នាំងនៃទឹកដីនាងកង្រី ហេង ស្រីពេជ្រ បានរអ៊ូររឿងស្នេហានេះថា «បើតាមតែនាងយល់ព្រមទទួលយកស្នេហា នាងមិនខ្វះទេ អ្នកបើកដៃទទួលនាង ។ អ្វីដែលនាងនៅទាក់ទើរ មកពីបុរសៗដែលតាមមករំអុកនាងទាំងនោះ មើលទៅដូចជាចង់យកស្រីៗ ជាល្បែងស្នេហា ។ អាចនិយាយបានថា បានប្រាណហើយចង់ដោះដៃ នាងមិនប្រថុយកាយជាមួយជំពូកបុរសបែបនេះ ជាដាច់ខាត ។ ទោះយកលុយមកជះទាំងគីបៗបែបណា គឺNo តែម្តង ។
តួអង្គដែលត្រូវប៉ាន់តែតំណែងតួជាជំទាវ លោកស្រី ឬតួបងស្រីរូបនេះ បន្តឱ្យដឹងថា ពិតណាស់ នាងចង់បានស្នេហាមួយស្មោះមួយតែចង់បានតែបុរសណាល្អ ចេះស្រឡាញ់នាងក្រុមគ្រួសារនាង ហើយអនាគតគ្រួសារដែលនាងផ្ញើប្រាណ មានការងារសមស្របមួយ មិនមានមិនក្រ គឺប៉ុណ្ណឹងល្មមសមចិត្តរបស់នាងហើយ ។ យ៉ាងណាគូព្រេងរបស់នាង មិនដឹងជាជួបពេលណានោះទេ បើនាងរវល់ការងាររាល់ថ្ងៃបែបនេះ ណាមួយចេះតែខ្លាចប៉ះអ្នកមិនស្មោះទើបហីៗតែម្តង ។
រហូតមកទល់ពេលនេះ ហេង ស្រីពេជ្រ ទទួលបានការងារច្រើនលើផ្នែកថតភាពយន្តពិសេសរឿងភាគដែលនាងបានចេញសម្តែងស្ទើររាល់ថ្ងៃ ។ នាងកំពុងមានវត្តមានសម្តែងនៅប៉ុស្តីលេខ៥ ព្រមជាមួយការថតស្ពតពាណិជ្ជកម្មមួយចំនួន ដែលជាការមើលឃើញគួរឱ្យកត់សម្គាល់ ។
នៅពីក្រោយការសម្តែង តារាស្រីម្នាក់នេះ តែងតែជួយយិតយោងក្រុមគ្រួសារ ដូចជាខំជួយរកលុយទិញថ្នាំជូនឪពុក ដែលមានជំងឺលើសឈាម ហើយជួយម្តាយ និងមួយផ្នែកទៀតឆ្លៀតជួយរកលុយទុកឱ្យប្អូនរៀនបន្ថែម ពីការចាយវាយផ្ទាល់ខ្លួន ។ ម្ល៉ោះហើយ ទោះហោះទៅរកការងារដល់ទីណា កន្លែងណា នាងមិនដែលចាវ ឬច្រានចោលនោះឡើយ ដើម្បីទ្រទ្រង់ជីវភាពឱ្យបានប្រសើរ ទើបនាងជាប់គាំងជីវិតស្នេហាពីមួយឆ្នាំទៅមួយឆ្នាំ ។
ចែករំលែកព័តមាននេះ