រាជធានីភ្នំពេញ ៖ អ្នកនាងឈុន ចាន់ស្រីឡា ដែលមហាជនស្គាល់តាមរយៈការធ្លាប់បង្ហាញវត្តមានជាអ្នកវិភាគព័ត៌មានប្រចាំស្ថានីយទូរទស្សន៍ហង្សមាសកន្លងមក តាមរយៈកម្មវិធី «ហង្សមាសព័ត៌មាន» ដៃគូជាមួយលោកមាស រិទ្ធី បានបាត់មុខមួយរយៈដោយមមារញឹកនៅខាងក្រៅ ។
រាជធានីភ្នំពេញ ៖ អ្នកនាងឈុន ចាន់ស្រីឡា ដែលមហាជនស្គាល់តាមរយៈការធ្លាប់បង្ហាញវត្តមានជាអ្នកវិភាគព័ត៌មានប្រចាំស្ថានីយទូរទស្សន៍ហង្សមាសកន្លងមក តាមរយៈកម្មវិធី «ហង្សមាសព័ត៌មាន» ដៃគូជាមួយលោកមាស រិទ្ធី បានបាត់មុខមួយរយៈដោយមមារញឹកនៅខាងក្រៅ ។
ថ្មីៗនេះ អ្នកនាងបានងាកមកផលិតរឿងដុំមួយដោយលេចឮថា ខាតឡុងចុងរហូតអាក់ខានលែងចង់ផលិត ។ មិនត្រឹមតែប៉ុណ្ណឹង ក៏មានពាក្យលើកឡើងថា អ្នកនាងឈប់ពីហង្សមាស ដោយសារតែគេបណ្តេញចេញ ។ មូលហេតុបែបនេះហើយ អ្នកនាងឈុន ចាន់ស្រីឡា បានបញ្ចេញប្រតិកកម្មមិនសប្បាយចិត្តទៅនឹងអ្វីដែលបានកើតឡើងនោះឡើយ ។
ការចុះផ្សាយថា អ្នកនាងឈុន ចាន់ស្រីឡា ជាអ្នកអាន និងជាអ្នកវិភាគព័ត៌មានដៃគូរបស់លោកមាស រិទ្ធី ដែលទើបបាត់មុខពីកញ្ចក់ទូរទស្សន៍ ត្រូវខាងហង្សមាសបណ្ដេញចេញ បានធ្វើឱ្យមានការចាប់អារម្មណ៍គួរសម នៅលើបណ្ដាញហ្វេសប៊ុក នាប៉ុន្មានថ្ងៃចុងក្រោយ ។
ដំណឹងនេះ ក៏ធ្វើឱ្យសាមីខ្លួនប្រតិកម្មដល់កំដៅ១០០អង្សារផងដែរជាមួយនឹងការចេញមុខបញ្ជាក់ការពិត ។ ក្នុងសម្តីម៉ឺងម៉ាត់ ហាក់សម្តែងចេញនូវអារម្មណ៍ខឹងសម្បារចំពោះការលើកឡើង អ្នកនាងឈុន ចាន់ស្រីឡា បាននិយាយថា ការបាត់មុខរបស់អ្នកនាងចេញពីទូរទស្សន៍ហង្សមាស ក្នុងកម្មវិធីព័ត៌មានពេលព្រឹកជាមួយលោកមាស រិទ្ធី មិនមែនជាការបណ្ដេញចេញដូចការចុះផ្សាយនោះទេ គឺដោយសារតែហេតុផលផ្ទាល់ខ្លួន តម្រូវឲ្យអ្នកនាងដាក់ពាក្យលាឈប់ប៉ុណ្ណោះ ។
អ្នកនាងសម្រេចចិត្តបញ្ចប់កុងត្រាការងារ ក្រោយពីបានដំណើរការក្រុមហ៊ុនផ្ទាល់ខ្លួនឈ្មោះ Sreyla Media ដែលជាក្រុមហ៊ុនផលិតកុន ផលិតស្ពត និងទទួលថតរូបភាពមុនថ្ងៃអាពាហ៍ពិពាហ៍ (Pre-wedding) កាលពីចុងខែកុម្ភៈ ក្នុងឆ្នាំ២០១៥។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ