ខេត្តបន្ទាយមានជ័យ ៖ តាមប្រភពពីទូរទស្សន៍ប៉ុស្តិ៍លេខ៣ថៃបានផ្សាយថា កាលពីល្ងាច ថ្ងៃទី៩ កក្កដា អាចម៍ផ្កាយខ្នាតតូចមួយគ្រាប់បានផ្ទុះឡើងលាន់ស្នូរដូចគ្រាប់M16នៅលើមេឃបង្កឱ្យមានការភ្ញាក់ផ្អើល
ខេត្តបន្ទាយមានជ័យ ៖ តាមប្រភពពីទូរទស្សន៍ប៉ុស្តិ៍លេខ៣ថៃបានផ្សាយថា កាលពីល្ងាច ថ្ងៃទី៩ កក្កដា អាចម៍ផ្កាយខ្នាតតូចមួយគ្រាប់បានផ្ទុះឡើងលាន់ស្នូរដូចគ្រាប់M16នៅលើមេឃបង្កឱ្យមានការភ្ញាក់ផ្អើលដល់ប្រជាពលរដ្ឋថៃចំនួន៩ស្រុកក្នុងខេត្តស្រះកែវ ។
រូបភាពនៃអាចម៍ផ្កាយធ្លាក់នោះត្រូវបានទូរទស្សន៍ប៉ុស្តិ៍លេខ៣ថៃយកមកពី Facebook របស់ប្រជាពលរដ្ឋថៃម្នាក់ឈ្មោះ បង នួត ភាសារថៃ ភី នួត រស់នៅខេត្តស្រះកែវដែលថតរូបភាពបាននៅពេលឮស្នូរផ្ទុះលើមេឃ។
ពាក់ព័ន្ធស្នូរផ្ទុះលើមេឃនេះអ្នកយកព័ត៌មានថៃបានសួរនាំទៅអាជ្ញាធរ និងសមត្ថកិច្ចពាក់ព័ន្ធឱ្យដឹងថា ស្នូរផ្ទុះនេះមិនមានអ្នកណាម្នាក់បាញ់គ្រាប់ទេ តាមការស្រាវជ្រាវ គឺជាអាចម៍ផ្កាយខ្នាតតូចធ្លាក់មកប៉ះខ្យល់បណ្តាលឱ្យផ្ទុះលាន់ឡើង នៅកម្ពស់ប្រមាណ៣០ទៅ៤០គីឡូម៉ែត្រ ហើយដុំអាចម៍ផ្កាយនោះធ្លាក់ចូលព្រៃឧទ្យានប៉ាងស៊ីដា ក្នុងខេត្តស្រះកែវ ។
ពេលនេះមន្ត្រីជំនាញប្រទេសថៃកំពុងរុករកអាចម៍ផ្កាយដែលធ្លាក់នោះ៕
ចែករំលែកព័តមាននេះ