រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានបង្ហើបឱ្យដឹងអំពីផែនការរបស់ក្រុមភេវរកដែលបានរៀបចំគម្រោងប្រាស់យន្តហោះគ្មានមនុស្សបើកបញ្ជាពីចម្ងាយ (Drone) ចង់ធ្វើឃា.តសម្តេចនៅភូមិគ្រឹះសម្តេច នាក្រុងតាខ្មៅ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានបង្ហើបឱ្យដឹងអំពីផែនការរបស់ក្រុមភេវរកដែលបានរៀបចំគម្រោងប្រាស់យន្តហោះគ្មានមនុស្សបើកបញ្ជាពីចម្ងាយ (Drone) ចង់ធ្វើឃា.តសម្តេចនៅភូមិគ្រឹះសម្តេច នាក្រុងតាខ្មៅ ប៉ុន្តែផែនការនេះត្រូវបានទប់ស្កាត់ និងកម្ទេចចោលទាំងស្រុង។
ការបង្ហើបឱ្យដឹងនូវផែនការភេវរកម្មខាងលើនេះត្រូវបានសម្តេចតេជោ លើកឡើងក្នុងឱកាសអញ្ជើញជាអធិបតីភាព ពិធីកាត់ខ្សែបូណ៌សម្ពោធឆ្លងអគារសិក្សា និងសមិទ្ធផលនានានៅបរិវេណវត្តព្រះឥន្ទសាមគ្គីធម៌ ភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល នាថ្ងៃទី១១ ខែកុម្ភៈ ឆ្នាំ២០២៥ ។
នៅក្នុងផែនការធ្វើឃា.តសម្តេចតេជោនេះត្រូវបានសម្តេចបញ្ជាក់ថា រាល់ការបញ្ជា និងសកម្មភាពទាំងឡាយត្រូវបានសម្តេចក្តោបក្តាប់បានទាំងស្រុង និងមានព័ត៌មានជាក់លាក់ផងដែរ ហើយសម្តេចតេជោ ក៏បានផ្តាំផ្ញើថា កុំឱ្យចង់ប្រហារជីវិតសម្តេច ខណៈនេះជាអំពើភេវរកម្ម ហើយសុំជនបរទេសទាំងឡាយ ប្រយ័ត្នប្រយែងទៅលើការគាំទ្រទាំងឡាយនៃសកម្មភាពភេវរកម្ម ។
សម្តេចតេជោ ចាត់ទុកទង្វើភេវរកម្ម ដែលមានផែនការធ្វើឃា.តសម្តេច គឺជាកិច្ចការប៉ះពាល់យ៉ាងធ្ងន់ធ្ងរលើសន្តិសុខជាតិដែលត្រូវតែកម្ទេ.ចចោលឱ្យអស់ ។ សម្តេចក៏បានផ្តាំផ្ញើទៅកាន់ជនបរទេស ប្រយ័ត្នប្រយែងលើការគាំទ្រទាំងឡាយនៃកម្មភាពភេវរកម្មនេះ ។
សម្តេចតេជោ ហ៊ុន សែន បានគូសបញ្ជាក់យ៉ាងដូច្នេះថា ៖«ក្នុងប៉ុន្មានអាទិត្យនេះផែនការវៃ Drone ចូលផ្ទះខ្ញុំ អ្នកឯងកុំស្មានថា ពេលដែលអ្នកឯងបញ្ចេញសារមកនឹងជូនព័ត៌មានសម្រាប់ផែនការបែបនេះស្មានតែផ្នែកខាងនេះមិនដឹងនោះ! ហើយគ្រាន់តែចង្អុលបង្ហាញថា បើបាត់មនុស្សខ្លះចេញពីមូលដ្ឋាន គឺវាទាក់ទងនឹងផែនការភេវរកម្មហើយ ដូច្នេះសុំបរទេសកុំលូកលាន់ទៅលើកិច្ចការផ្ទៃក្នុងរបស់កម្ពុជា ព្រោះកម្ពុជាត្រូវតែគ្រប់គ្រងសន្តិសុខ បើសន្តិសុខ មេដឹកនាំ ត្រូវគេ… ហេតុអ្វីបានជាគេត្រូវចង់សម្លា.ប់ខ្ញុំករុណា ! ការចេញបញ្ជារៀបចំផែនការ Drone សម្រាប់វៃប្រហារយើងទទួលបានព័ត៌មានជាក់លាក់ យើងមានសំឡេងគ្រប់គ្រាន់ហើយ»៕
ចែករំលែកព័តមាននេះ