រាជធានីភ្នំពេញ ៖ របៀបរស់នៅមានសុខភាពល្អអាចកសាងសុខុមាលភាពពេញមួយជីវិតសម្រាប់កុមារ និងមនុស្សជំទង់ ។ ឪពុកម្តាយជាមនុស្សសំខាន់បំផុតក្នុងការបង្កើតទម្លាប់ដែលមានសុខភាពល្អសម្រាប់កូនៗ ។ ការទទួលទានអាហារដែលមានសុខភាពល្អ និងការបញ្ចេញសកម្មភាពរាងកាយឱ្យបានច្រើនមានសារៈសំខាន់សម្រាប់ការលូតលាស់ និងការអភិវឌ្ឍ…
រាជធានីភ្នំពេញ ៖ របៀបរស់នៅមានសុខភាពល្អអាចកសាងសុខុមាលភាពពេញមួយជីវិតសម្រាប់កុមារ និងមនុស្សជំទង់ ។ ឪពុកម្តាយជាមនុស្សសំខាន់បំផុតក្នុងការបង្កើតទម្លាប់ដែលមានសុខភាពល្អសម្រាប់កូនៗ ។ ការទទួលទានអាហារដែលមានសុខភាពល្អ និងការបញ្ចេញសកម្មភាពរាងកាយឱ្យបានច្រើនមានសារៈសំខាន់សម្រាប់ការលូតលាស់ និងការអភិវឌ្ឍ និងការទប់ស្កាត់ការធាត់លើសទម្ងន់ និងជំងឺនានាដូចជា ជំងឺទឹកនោមផ្អែមប្រភេទទីពីរ ជំងឺហឺត រោគថប់បារម្ភ និងជំងឺធ្លាក់ទឹកចិត្ត ។ ការទទួលទានអាហារដែលមានសុខភាពល្អបង្កើនភាពស៊ាំ និងគាំទ្រដល់ការលូតលាស់ដែលមានសុខភាពល្អ ។ ការធ្វើសកម្មភាពរាងកាយក៏អាចជួយជំរុញការសិក្សារបស់សិស្សផងដែរ ។
ដើម្បីសុខភាពផ្លូវចិត្ត និងផ្លូវកាយល្អ កុមារក៏ត្រូវការការគេងឱ្យបានច្រើន និងកំណត់ម៉ោងសម្រាប់ការលេងឧបករណ៍អេឡិចត្រូនិក ៖
១. ត្រូវប្រាកដថា កុមារ និងក្មេងជំទង់គេងបានគ្រប់គ្រាន់ ៖ កុមារ និងក្មេងជំទង់ត្រូវការការគេងច្រើនជាងមនុស្សពេញវ័យ ហើយចំនួននេះប្រែប្រួលទៅតាមអាយុ ។ ការគេងតិចពេកជាប់ពាក់ព័ន្ធនឹងការធាត់ ដែលមួយផ្នែកដោយសារការគេងមិនបានគ្រប់គ្រាន់អាចធ្វើឱ្យយើងញ៉ាំបានច្រើន និងមិនសូវធ្វើសកម្មភាពរាងកាយ ។
២. កាត់បន្ថយពេលវេលាលេងទូរសព្ទ មើលទូរទស្សន៍ និងហ្គេម ៖ ការមើលអេក្រង់ច្រើនពេកត្រូវបានផ្សារភ្ជាប់ជាមួយនឹងការគេងមិនល្អ ការឡើងទម្ងន់ ការសិក្សាចុះខ្សោយនៅសាលារៀន និងសុខភាពផ្លូវចិត្តមិនល្អ ។ ការកាត់បន្ថយម៉ោងលើអេក្រង់អាចជួយឱ្យមានពេលទំនេរសម្រាប់សកម្មភាពផ្សេងទៀត និងធ្វើឱ្យការគេងកាន់តែប្រសើរឡើង ។
៣. លើកទឹកចិត្តឱ្យមានទម្លាប់ទទួលទានអាហារដែលមានសុខភាពល្អ ៖ ការលើកកម្ពស់ការ
ទទួលទានអាហារដែលមានសុខភាពល្អអាចគាំទ្រដល់សុខុមាលភាពទូទៅរបស់ពួកគេ ។ ពួកគេអាចទទួលបានអត្ថប្រយោជន៍ជាច្រើនចំពោះសុខភាពតាមរយៈការទទួលទានអាហារដែលផ្តល់សុខភាពរួមមាន ៖ ថែរក្សាស្បែក ធ្មេញ និងភ្នែកឱ្យមានសុខភាពល្អ, សាច់ដុំរឹងមាំ, រក្សាទម្ងន់ដែលមានសុខភាពល្អ, ពង្រឹងឆ្អឹងឱ្យរឹងមាំ, ជួយដល់ការលូតលាស់ខួរក្បាល និងសុខភាពទូទៅ, បង្កើនប្រព័ន្ធភាពស៊ាំ និងជួយដល់មុខងារប្រព័ន្ធរំលាយអាហារ ។
ដើម្បីជួយកុមារ និងក្មេងជំទង់បង្កើតទម្លាប់ទទួលទានអាហារដែលមានសុខភាពល្អ ត្រូវផ្តល់បន្លែ ផ្លែឈើ និងផលិតផលគ្រាប់ធញ្ញជាតិឱ្យបានច្រើន ។ ជ្រើសរើសសាច់គ្មានខ្លាញ់ បសុបក្សី ត្រី និងសណ្តែកសម្រាប់ប្រូតេអ៊ីន ។ រួមបញ្ចូលទឹកដោះគោ ឬផលិតផលទឹកដោះគោដែលមានជាតិខ្លាញ់ទាប ឬគ្មានជាតិខ្លាញ់ ដូចជាឈីស និងទឹកដោះគោជូរ ។ លើកទឹកចិត្តគ្រួសាររបស់អ្នកឱ្យផឹកទឹកជំនួសឱ្យភេសជ្ជៈដែលមានជាតិស្ករ ។
៤. ជំរុញកុមារ និងក្មេងជំទង់ឱ្យសកម្មជាងមុន ៖ កុមារ និងក្មេងជំទង់ត្រូវការបញ្ចេញសកម្មភាពឱ្យបានច្រើន ដើម្បីធ្វើឱ្យបេះដូងរបស់ពួកគេលោតលឿន ។ ពួកគេក៏ត្រូវការសកម្មភាពពង្រឹងឆ្អឹងផងដែរ ដូចជាការរត់ ឬលោត និងសកម្មភាពពង្រឹងសាច់ដុំ ដូចជាការឡើងភ្នំ ឬការអាវ៉ង់ ។ ក្រៅពីភាពសប្បាយរីករាយ ការធ្វើលំហាត់ប្រាណជាប្រចាំមានគុណប្រយោជន៍ដល់សុខភាពជាច្រើនរួមមាន ៖ ពង្រឹងឆ្អឹង និងសាច់ដុំ, បន្ថយសម្ពាធឈាមដែលលើស, កាត់បន្ថយហានិភ័យនៃជំងឺរ៉ាំរ៉ៃជាច្រើន រួមទាំងជំងឺទឹកនោមផ្អែមប្រភេទទី ២ និងជំងឺធាត់, កាត់បន្ថយហានិភ័យនៃជំងឺធ្លាក់ទឹកចិត្ត, ជំរុញការអនុវត្តការសិក្សាដោយការកែលម្អការយកចិត្តទុកដាក់ និងការចងចាំ និងជួយគ្រប់គ្រងទម្ងន់រាងកាយ និងកាត់បន្ថយជាតិខ្លាញ់ក្នុងខ្លួន ៕ ប្រភព ៖ cdc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ