ADផ្ទាំងផ្សព្វផ្សាយពាណិជ្ជកម្ម

តើជំនាញជីវិតជាអ្វី ហើយសំខាន់ប៉ុនណាសម្រាប់កូនរបស់អ្នក ?

2 ថ្ងៃ មុន

១៣ ខែ មករា ឆ្នាំ ២០២៥ ម៉ោង ១៦:៣២

រាជធានីភ្នំពេញ ៖ ជំនាញជីវិតមានសារៈសំខាន់សម្រាប់ការអភិវឌ្ឍន៍របស់កុមារ ។ ជំនាញជីវិត បង្កើតមូលដ្ឋានគ្រឹះសម្រាប់សុខុមាលភាព និងភាពជោគជ័យនាពេលអនាគតរបស់ពួកគេ ។ តាមរយៈការអភិវឌ្ឍជំនាញជីវិតទាំងនេះ កុមារទទួលបានឧបករណ៍ដែលពួកគេត្រូវការ ដើម្បីភាពជោគជ័យក្នុងសាលារៀន ការងារ និងទំនាក់ទំនងផ្ទាល់ខ្លួន ។ ពួកគេក្លាយជាបុគ្គលដែលមានទំនុកចិត្ត អត់ធ្មត់ និងមានទំនួលខុសត្រូវខ្ពស់ ដើម្បីត្រៀមខ្លួនឱ្យបានល្អក្នុងការប្រឈមមុខនឹងបញ្ហា និងឱកាសសម្រាប់អនាគត ។

ខាងក្រោមនេះ យើងនឹងស្វែងយល់ពីជំនាញជីវិតជាមូលដ្ឋានទាំងប្រាំពីរដែលសំខាន់សម្រាប់កូនរបស់អ្នក និងការផ្តល់នូវវិធីសាមញ្ញមួយចំនួន ដើម្បីបណ្តុះបណ្តាលវានៅក្នុងខ្លួនកូនរបស់អ្នក ៖
១. ការផ្តោតអារម្មណ៍ និងការគ្រប់គ្រងខ្លួនឯង ៖ កុមារលូតលាស់តាមកាលវិភាគ និងទម្លាប់ ដែលមិនត្រឹមតែបង្កើតអារម្មណ៍សុវត្ថិភាពប៉ុណ្ណោះទេ ប៉ុន្តែថែមទាំងជួយកុមារឱ្យរៀនគ្រប់គ្រងខ្លួនឯង និងការផ្តោតអារម្មណ៍ផងដែរ ។ ចូរនិយាយជាមួយកូនរបស់អ្នកអំពីអ្វីដែលត្រូវរំពឹងទុកជារៀងរាល់ថ្ងៃ ។ រៀបចំផ្ទះរបស់អ្នក ដើម្បីឱ្យកូនរបស់អ្នកដឹងពីកន្លែងដែលត្រូវដាក់ស្បែកជើង អាវធំ និងរបស់ផ្ទាល់ខ្លួន ។ យើងរស់នៅក្នុងពិភពលោកដែលពោរពេញដោយការរំខាន ដូច្នេះសកម្មភាពស្ងប់ស្ងាត់ដូចជាការអានសៀវភៅ ការលេងជុំគ្នាអាចជួយកូនរបស់អ្នកបន្ថយល្បឿន និងបង្កើនការផ្តោតអារម្មណ៍ ។

២. ទទួលយកទស្សនៈរបស់អ្នកដទៃ ៖ ចូរពិភាក្សាអំពីអារម្មណ៍ និងការលើកទឹកចិត្តរបស់តួអង្គនៅក្នុងសៀវភៅដែលអ្នកបានអាន ដើម្បីស្វែងយល់ និងទទួលយកទស្សនៈរបស់អ្នកដទៃ ។ ចូរបង្រៀនកូនឱ្យចេះសង្កេតមើលពីអារម្មណ៍របស់អ្នកដទៃ ។

៣. ការប្រាស្រ័យទាក់ទងជាមួយអ្នកដទៃ ៖ កុមារត្រូវការភ្ជាប់ទំនាក់ទំនងជាមួយអ្នកដទៃរាល់ថ្ងៃ ដើម្បីបង្កើតជំនាញសង្គម និងអារម្មណ៍ដែលមានសុខភាពល្អ រួមទាំងសមត្ថភាពក្នុងការយល់ និងការប្រាស្រ័យទាក់ទងជាមួយអ្នកដទៃ ។ កុមារត្រូវរៀនពីរបៀបជួបជុំ ស្វាគមន៍ និងស្តាប់ដោយយកចិត្តទុកដាក់ ។

៤. បង្កើតការតភ្ជាប់ ៖ កាលណាកុមារបង្កើតទំនាក់ទំនងកាន់តែច្រើន នោះកុមារកាន់តែមានសារៈសំខាន់ និងអត្ថន័យលើពិភពលោក ។ កុមារតូចៗចាប់ផ្តើមមើលឃើញការភ្ជាប់គ្នា ហើយទង្វើសាមញ្ញៗ ដូចជាការជ្រើសរើសសម្លៀកបំពាក់ដែលសមស្របនឹងអាកាសធាតុក៏ជួយពួកគេបង្កើតទំនាក់ទំនង ។ ចូរចង្អុលបង្ហាញទំនាក់ទំនងអរូបីផ្សេងទៀតនៅក្នុងជីវិត ឬក្នុងរឿងដែលអ្នកបានអាន ។

៥. បណ្តុះការគិតត្រេះរិះ ៖ យើងរស់នៅក្នុងពិភពដ៏ស្មុគស្មាញមួយ ដែលតម្រូវឱ្យយើងវិភាគព័ត៌មាន និងសម្រេចចិត្តអំពីរឿងជាច្រើនជារៀងរាល់ថ្ងៃ ។ មធ្យោបាយដ៏ល្អបំផុតមួយ ដើម្បីអភិវឌ្ឍការគិតត្រេះរិះពិចារណា គឺតាមរយៈការលេងដោយបើកចំហ ។ ត្រូវប្រាកដថា កូនរបស់អ្នកមានពេលជារៀងរាល់ថ្ងៃ ដើម្បីលេងតែម្នាក់ឯង ឬជាមួយមិត្តភក្តិ ។ តាមរយៈការលេង កុមារបង្កើតសម្មតិកម្ម ប្រថុយប្រថាន សាកល្បងគំនិតរបស់ពួកគេ ធ្វើខុស និងស្វែងរកដំណោះស្រាយ ។

៦. ទទួលយកបញ្ហាប្រឈម ៖ ពួកយើងត្រូវការភាពធន់ ដែលជាសមត្ថភាពក្នុងការទទួលយកបញ្ហាប្រឈម ការងើបឡើងវិញពីការបរាជ័យ និងបន្តការព្យាយាមទៅមុខទៀត ។ ចូរលើកទឹកចិត្តកូនរបស់អ្នកឱ្យសាកល្បងអ្វីដែលថ្មី និងប្រថុយប្រថានដែលមានសុខភាពល្អ ដូចជាការឡើងដើមឈើ ការហែលទឹក ឬជិះកង់ជាដើម ។ ផ្តល់ជូននូវការប្រកួតប្រជែងថ្មី នៅពេលដែលពួកគេហាក់ដូចជាត្រៀមខ្លួនរួចជាស្រេច ។

៧. ការរៀនសូត្រដោយឯករាជ្យ និងចូលរួម ៖ កុមារដែលស្រឡាញ់ការសិក្សានឹងក្លាយជា
មនុស្សពេញវ័យដែលកម្រនឹងអផ្សុកក្នុងជីវិត ។ ដើម្បីជំរុញឱ្យមានការស្រឡាញ់ការសិក្សា ចូរកំណត់ពេលវេលាមើលទូរទស្សន៍ និងលើកទឹកចិត្តឱ្យមានការអានឱ្យបានច្រើន ៕ ប្រភព ៖brighthorizons

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕