ADផ្ទាំងផ្សព្វផ្សាយពាណិជ្ជកម្ម

ឪពុកម្តាយគប្បីបង្រៀនជំនាញប្រចាំថ្ងៃទាំងនេះដល់កូនៗ !

4 ថ្ងៃ មុន

១១ ខែ មករា ឆ្នាំ ២០២៥ ម៉ោង ១០:១២

រាជធានីភ្នំពេញ ៖ នៅពេលក្មេងៗលេង ពួកគេកំពុងរៀនអ្វីដែលពួកគេចង់រៀន ។ ជារឿយៗទាំងនេះជាអ្វីដែលអ្នកចង់ឱ្យពួកគេរៀនផងដែរ ។ ពេលខ្លះកូនរបស់អ្នកអាចត្រូវការជំនួយបន្ថែមពីអ្នក ដើម្បីរៀនជំនាញចាំបាច់ដែលពួកគេត្រូវការពេញមួយជីវិតរបស់ពួកគេ ។ ឧទាហរណ៍ ការលាងចានឆ្នាំង របៀបបោកគក់ និងស្លៀកពាក់ខ្លួនឯង អ្វីដែលមិនត្រូវប៉ះ និងកន្លែងដែលវាមិនមានសុវត្ថិភាពក្នុងការរត់លេង ។ ការណែនាំខាងក្រោមនេះអាចជួយធ្វើឱ្យជីវិតកាន់តែងាយស្រួល សម្រាប់អ្នក និងកូនរបស់អ្នក ៖

១. រង់ចាំរហូតដល់អ្នកគិតថា កូនរបស់អ្នករួចរាល់ ៖ បើអ្នកព្យាយាមបង្រៀនគេឆាប់ពេក អ្នកទាំងពីរនឹងមានការខកចិត្ត ។ ប្រសិនបើអ្នកព្យាយាមបង្រៀនពួកគេអ្វីមួយ ហើយវាមិនដំណើរការ សូមទុកវាពីរបីសប្តាហ៍ ហើយចាំព្យាយាមម្តងទៀត ។

២. កុំធ្វើឱ្យវាក្លាយជារឿងធំ ៖ កូនរបស់អ្នកប្រហែលជាអាចញ៉ាំដោយខ្លួនឯងបាន ប៉ុន្តែពួកគេប្រហែលជានៅតែចង់ឱ្យអ្នកបញ្ចុក នៅពេលដែលពួកគេអស់កម្លាំង ចង់បានការថ្នាក់ថ្នម ឬភាពកក់ក្តៅពីអ្នក ។

៣. ថែរក្សាពួកគេឱ្យមានសុវត្ថិភាព ៖ កុមារតូចៗមិនអាចយល់ពីមូលហេតុដែលពួកគេមិនគួរលេងជាមួយទំនិញអគ្គិសនី ឬវត្ថុដែលងាយបែកបាននោះ ។ ដូច្នេះសូមរក្សាទុករបស់ដែលអ្នកមិនចង់ឱ្យពួកគេប៉ះពាល់នៅឱ្យឆ្ងាយពីដៃកូនរបស់អ្នក ។

៤. លើកទឹកចិត្ត ៖ កូនរបស់អ្នកចង់ផ្គាប់ចិត្តអ្នក ប្រសិនបើអ្នកផ្តល់ឱ្យពួកគេនូវស្នាមញញឹមដ៏ធំ សូមផ្តល់ការឱប ឬសរសើរ នៅពេលដែលពួកគេធ្វើអ្វីដែលត្រឹមត្រូវ ហើយពួកគេក៏ទំនងជានឹងធ្វើវាម្តងទៀតផងដែរ ។

៥. មានភាពប្រាកដនិយម ៖ កុំរំពឹងថា នឹងមានលទ្ធផលល្អឥតខ្ចោះ ឬបានផលភ្លាមៗ ។ ប៉ុន្តែ
ប្រសិនបើអ្នកគិតថា វានឹងចំណាយពេលយូរ ពេលខ្លះវាក៏អាចឆាប់រហ័សផងដែរ ។

៦. ធ្វើជាគំរូ ធ្វើជាឧទាហរណ៍ល្អៗ ៖ កូនរបស់អ្នកចង់ធ្វើដូចអ្នក ហើយធ្វើអ្វីដែលអ្នកធ្វើ ។ ដូច្នេះចូរអនុញ្ញាតឱ្យពួកគេឃើញអ្នកធ្វើកិច្ចការទាំងនោះ ដូចជាការពេលលាងសម្អាតចានឆ្នាំង ជូតផ្ទះ បត់ខោអាវ និងលាងបង្គន់ជាដើម ។

៧. ត្រូវម៉ឺងម៉ាត់ ៖ កុមារត្រូវការការណែនាំយ៉ាងម៉ឺងម៉ាត់ និងជាប់លាប់ ។ ជារឿយៗពួកគេមានអារម្មណ៍ថា មានសុវត្ថិភាពជាងប្រសិនបើអ្នកប្រកាន់ខ្ជាប់នូវដែនកំណត់ដែលអ្នកបានកំណត់ ទោះបីជាពួកគេមិនចូលចិត្ត ឬព្យាយាមសាកល្បងប្រឆាំងក៏ដោយ ។ ព្រំដែននឹងមានប្រសិទ្ធភាពកាន់តែល្អនៅពេលអ្នកពន្យល់កូនរបស់អ្នកថា ហេតុអ្វីបានជាត្រូវមានព្រំដែន ។

៨. ត្រូវមានភាពស្របគ្នា ៖ វាជារឿងសំខាន់ដែលមនុស្សគ្រប់គ្នាដែលមើលថែកូនរបស់អ្នកត្រូវអនុវត្តវិធីសាស្ត្រស្រដៀងគ្នាទៅនឹងការចិញ្ចឹមបីបាច់របស់ពួកគេ រួមទាំងទម្លាប់ពេលចូលគេង ម៉ោងអាហារ វិន័យ និងម៉ោងមើលទូរទស្សន៍ ឬទូរស័ព្ទ ៕ ប្រភព ៖ nhs.uk

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕