រាជធានីភ្នំពេញ៖ ការផ្តល់មូលដ្ឋានគ្រឹះដ៏រឹងមាំ សម្រាប់កូនមិនងាយស្រួល ដូចការនិយាយនោះទេ ។ បន្ទាប់ពីការនឿយហត់ នៅកន្លែងធ្វើការ អ្នកប្រហែលជាចង់សម្លឹងមើលទូរទស្សន៍ ជាជាងពិនិត្យមើលកិច្ចការផ្ទះរបស់កូនអ្នក ។…
រាជធានីភ្នំពេញ៖ ការផ្តល់មូលដ្ឋានគ្រឹះដ៏រឹងមាំ សម្រាប់កូនមិនងាយស្រួល ដូចការនិយាយនោះទេ ។ បន្ទាប់ពីការនឿយហត់ នៅកន្លែងធ្វើការ អ្នកប្រហែលជាចង់សម្លឹងមើលទូរទស្សន៍ ជាជាងពិនិត្យមើលកិច្ចការផ្ទះរបស់កូនអ្នក ។ នៅពេលដែលកូនរបស់អ្នកធ្វើអ្វីមួយខុស អ្នកប្រហែលជាស្រែក ឬខឹងកូន ជាជាងនិយាយស្រួលបួល ដើម្បីប្រដៅកូន ។ ហើយនៅពេលដែលកូនរបស់អ្នកបរាជ័យ អ្នកប្រហែលជា “បន្ទោសពិភពលោក” ជាជាងជួយកូនរបស់អ្នក ឱ្យទទួលយកការទទួលខុសត្រូវ និងរៀនពីភាពបរាជ័យ ។
ដូច្នេះ ការផ្តល់ឱ្យកូនរបស់អ្នកនូវមូលដ្ឋានគ្រឹះដ៏ល្អ គឺពិតជាសំខាន់ណាស់ ។ ខាងក្រោមនេះ គឺជាវិធីសាស្ត្រទាំងប្រាំបីយ៉ាង ដើម្បីកសាងគ្រឹះដ៏រឹងមាំសម្រាប់កូនរបស់អ្នក ។
១. ការចិញ្ចឹមបីបាច់ ៖ ការចិញ្ចឹមកូន មិនមែនជាការងារក្រៅម៉ោងទេ ។ កុមារត្រូវការការលើកទឹកចិត្ត និងការគាំទ្រជាបន្តបន្ទាប់ ។ ឪពុកម្តាយ គឺជាអ្នកដឹកនាំដែលផ្តល់ក្តីសង្ឃឹម និងសុទិដ្ឋិនិយមសម្រាប់អនាគតពួកគេ ។
២. ការលះបង់ផ្ទាល់ខ្លួន ៖ ឪពុកម្ដាយជាមនុស្សដែលមិនគិត តែពីប្រយោជន៍ខ្លួនឯង ដែលសុខចិត្តលះបង់រឿងច្រើនយ៉ាង ដើម្បីជាប្រយោជន៍ដល់កូន ។ ឪពុកម្តាយតែងមានក្តីប្រាថ្នា ចង់ផ្តល់ឱ្យកូនរបស់ពួកគេនូវជីវិតដ៏ប្រសើរ ។
៣. វិន័យ ៖ ឪពុកម្តាយដឹងថា ការប្រដៅកូនមិនមែនជារឿងងាយស្រួលនោះទេ ។ ការកោតសរសើរ ជារឿយៗវាស្ថិតនៅ ក្នុងតារាងរបស់ដ៏ល្អបំផុតរបស់កុមារ ។
៤. ទំនួលខុសត្រូវផ្ទាល់ខ្លួន ៖ ឪពុកម្តាយគប្បីបង្រៀនកូនរបស់ពួកគេ ឱ្យមានទំនួលខុសត្រូវចំពោះសកម្មភាព និងជម្រើសរបស់ពួកគេ ។
៥. ការយល់ចិត្ត ៖ ចូរផ្តល់ការយល់ចិត្ត និងនៅក្បែរកូន ។ ពន្យល់កូនថា ភាពជោគជ័យ គឺជាលទ្ធផលនៃការប្រឹងប្រែង ហើយទោះបីជាការខកចិត្តម្តងម្កាលមិនអាចចៀសរួចក៏ដោយ ក៏ពួកគេមិនគួរបណ្តោយឱ្យវាធ្វើដំណើរធ្លាក់ចុះដែរ។ ឪពុកម្តាយតែងតែនៅទីនោះដើម្បីផ្តល់កាំរស្មីព្រះអាទិត្យ នៅពេលដែលមេឃពោរពេញដោយពពកខ្មៅ ។
៦. សំឡេងខាងក្នុង ៖ នៅពេលកូនធំឡើង ពួកគេបានឮសំឡេងរបស់ឪពុកម្តាយពួកគេនៅក្នុងត្រចៀករបស់ពួកគេជានិច្ច។ ដូច្នេះត្រូវប្រាកដថា ពាក្យដែលពួកគេឮផ្តល់នូវសារវិជ្ជមាន ។
៧. ធ្វើជាគម្រូល្អ ៖ ឪពុកម្តាយត្រូវដឹងថា អាកប្បកិរិយារបស់ពួកគេ នឹងត្រូវបានកូនធ្វើតាម។ ដូច្នេះហើយ ចូរបង្កើតគុណតម្លៃផ្ទាល់ខ្លួនដ៏ល្អ និងក្រមសីលធម៌ការងារដ៏រឹងមាំ ដើម្បីឱ្យកូនយកធ្វើជាគំរូតាម ។
៨. គ្រួសារ ៖ គ្រួសារផ្តល់ឱ្យកុមារនូវឫសគល់ រចនាសម្ព័ន្ធដែលត្រូវការច្រើន និងសេចក្តីស្រឡាញ់ ដោយគ្មានលក្ខខណ្ឌ ។ គ្រួសារក៏ផ្តល់ឱ្យកូនរបស់ពួកគេនូវផ្ទះ ដ៏រីករាយ ដែលជាកន្លែងមួយ ដែលកុមារតែងតែមានសុវត្ថិភាព មានក្តីស្រឡាញ់ និងស្វាគមន៍ ៕ ប្រភព៖ inkedin
អត្ថបទនេះផលិតឡើងក្រោមកិច្ចសហប្រតិបត្តិការ ជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ ភាសាចិន និងចំណេះទូទៅខ្មែរពីថ្នាក់ទី ១ ដល់ទី ១២ ។ សាលារៀនផ្តល់ជូនការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ សេវាកម្មគាំទ្រ និងកម្មវិធីសិក្សាបន្ថែមសម្បូរបែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ