ADផ្ទាំងផ្សព្វផ្សាយពាណិជ្ជកម្ម

ថ្នាក់ដឹកនាំធនាគារជាតិ នៃកម្ពុជា បានថ្លែងថាសាលាមត្តេយ្យសិក្សា គឺជាថ្នាលបណ្ដុះបណ្ដាលដំបូង សម្រាប់កុមារតូចៗ ដែលរួមគ្នាយកចិត្តទុកដាក់ ដើម្បីឱ្យកុមារមានអនាគតល្អ

1 ថ្ងៃ មុន

២៦ ខែ វិច្ឆិកា ឆ្នាំ ២០២៤ ម៉ោង ១៨:២៧

រាជធានីភ្នំពេញ៖ លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជាបានថ្លែងនៅសម្ពោធអគារសាលាមត្តេយ្យ សហគមន៍រក្សាកុមារថា÷សាលាមត្តេយ្យសិក្សាគឺជាថ្នាលបណ្ដុះបណ្ដាលសម្រាប់កុមារដែលត្រូវរួមគ្នាយកចិត្តទុកដាក់កសាងឲ្យបានច្រើនពិសេសនៅតាមតំបន់ជនបទដើម្បីឲ្យកុមារមានលទ្ធភាព បានចូលរៀននៅថ្នាក់ដំបូងបានគ្រប់ៗគ្នា ។ សូមបញ្ជាក់ថា៖ សាលាមត្តេយ្យសហគមន៍រក្សាកុមារដែលដាក់ពិធីកាត់ខ្សែបូរសម្ពោធនាថ្ងៃទី២៦ខែវិច្ឆិកាឆ្នាំ២០២៤ក្រោមអធិបតីភាពលោកលោកជំទាវបណ្ឌិត…

សូមបញ្ជាក់ថា៖ សាលាមត្តេយ្យសហគមន៍រក្សាកុមារដែលដាក់ពិធីកាត់ខ្សែបូរសម្ពោធនាថ្ងៃទី២៦ខែវិច្ឆិកាឆ្នាំ២០២៤ក្រោមអធិបតីភាពលោកលោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជាស្ថិតនៅភូមិកាល់មេឃ ឃុំត្បូងក្រពើ ស្រុកសន្ទុក ខេត្តកំពង់ធំ ។ នៅក្នុងឱកាសនោះដែរលោកជំទាវបណ្ឌិត ជា សិរី បានលើកទឹកចិត្តឲ្យមាតា បិតា និងអាណាព្យាបាលយកចិត្តទុកដាក់បញ្ជូនកូនចៅឱ្យចូលរៀននៅថ្នាក់មត្តេយ្យឱ្យបានគ្រប់ៗគ្នា ព្រោះវាថ្នាលបណ្ដុះបណ្ដាលដំបូង សម្រាប់ឱ្យកុមារចេះស្រឡាញ់ ការសិក្សាពីតូចៗទៅ ។

លោកជំទាវបណ្ឌិត ជា សិរី សង្ឃឹមថា÷សាលាមត្តេយ្យសហគមន៍រក្សាកុមារដែលដាក់ឲ្យប្រើប្រាស់នាថ្ងៃនេះនឹងក្លាយជាទីកន្លែងផ្ដល់នូវចំណេះដឹងល្អៗដល់កុមារក្នុងតំបន់នេះនិងបានចូលរៀនទទួលយកការអប់រំដ៏ល្អពីលោកគ្រូអ្នកគ្រូបានគ្រប់ៗគ្នានិងដើម្បីឲ្យក្លាយជាមូលដ្ឋានក្នុងការត្រៀមលក្ខណៈ និងបង្កើតទំលាប់នៃការសិក្សារបស់កុមារ ។

សូមរំលេចឱ្យបានដឹងដែរថា៖ សាលាមត្តេយ្យសហគមន៍រក្សាកុមារនេះ កើតចេញពីការជួយជ្រោមជ្រែង និងគាំទ្រពីក្រុមការងារយុវជន ធនាគារជាតិ នៃកម្ពុជា ដែលបានចុះជួយ ភូមិកាល់មេឃ ។ បច្ចុប្បន្នក្នុងភូមិនេះ មានសាលាមត្តេយ្យសហគមន៍ចំនួន ៣អគារ ដែលសុទ្ធសឹងជាសម្ធិផលដែលក្រុមការងារយុវជន ធនាគារជាតិនៃកម្ពុជាបានផ្តល់ជូន ដែលអគារសាលាមតេយ្យទាំង៣នេះ ធ្វើពីបេតុងប្រ៉ក់សង្កសី ដែលមានកុមារ កុមារីចូលរៀនសរុបចំនួន ៧០នាក់ ក្នុងនោះស្រីមានចំនួន ៣១នាក់។ ដោយឡែកសាលាមត្តេយ្យសហគមន៍ រក្សាកុមារ ដែលដាក់សម្ភោធឲ្យប្រើប្រាស់ថ្ងៃនេះ គឺជាចំណុចកណ្តាលនៃភូមិសាស្ត្រ ភូមិកាល់មេឃ ដែកមានកុមារា-កុមារី កំពុងសិក្សាចំនួន២៩ នាក់ ក្នុងនោះកុមារី ចំនួន ១៤នាក់ ។

នៅឱកាសនោះដែរលោកជំទាវបណ្ឌិត ជា សិរីបានផ្ដល់ជូនសម្ភារះសិក្សាដល់កុមារតូចៗនិងជូនលោកគ្រូអ្នកគ្រូ សម្រាប់ជាចំណងដៃ នៃការដាក់សម្ពោធអគារសាលាមត្តេយ្យ សហគមន៍រក្សាកុមារ ផងដែរ ៕ អត្ថបទសហការ