ខេត្តស្វាយរៀង ៖ យុវនិស្សិតឆ្នាំទី៣ម្នាក់រៀននៅវិទ្យាស្ថានពហុបច្ចេកទេសភូមិភាគតេជោស្វាយរៀង បើកម៉ូតូទៅលេងផ្ទះដល់ពាក់កណ្តាលផ្លូវ ក៏ជួបរឿងអកុសលត្រូវរថយន្តបុកស្លាប់គួរឲ្យសង្វេក។

ពិតជាសោកស្តាយណាស់ ជួបមិត្តភក្តិនៅសាលាពេលព្រឹក ល្ងាចឮដំណឹងថា ស្លាប់អ្នកណាមិនស្លុត។

ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង០៦និង២៣នាទីយប់ថ្ងៃទី ២៣ ខែ វិច្ឆិកា ឆ្នាំ ២០២៤នៅលើកំណាត់ផ្លូវជាតិលេខ ១៣ ត្រង់ចំណុចKm ០២/០៣ ស្ថិតនៅក្នុងភូមិ ព្រះទន្លេ សង្កាត់ សង្ឃ័រ ក្រុង ស្វាយរៀង ខេត្ត ស្វាយរៀងរវាងរថយន្តនិងម៉ូតូបណ្តាលឲ្យជនរងគ្រោះស្លាប់ភ្លាមៗនៅនិងកន្លែង ។

បើតាមសមត្ថកិច្ចបានឲ្យដឹងថា បើតាមប្រជាពលរដ្ឋនៅកន្លែងកើតហេតុបានរាយការណ៍ថា មុនពេលគេឃើញរថយន្ត១គ្រឿង(មិនស្គាល់ម៉ាក្ស អ្នកបើកបរមិនស្គាល់អត្តសញ្ញាណ )បើកបរពីទេសខាងត្បូងទៅជើង យ៉ាងលឿន លុះមកដល់កន្លែងកើតហេតុស្រាប់តែចាប់ហ្រ្វាំងហើយបួងចង្កូតបត់ត្រឡប់ក្រោយ ស្របពេលនោះជនរងគ្រោះបើកបរម៉ូតូម៉ាក្ស ហុងសេ១២៥ ពណ៌ ខ្មៅពាក់ផ្លាកលេខ ស្វាយរៀង 1J -4884 បើកបរដោយឈ្មោះ ថន យកថារិទ្ធ ភេទ ប្រុស អាយុ ២០ ឆ្នាំ មុខរបរ និស្សិតឆ្នាំទី៣ នៃវទ្យាស្ថានពហុបច្ចេកទេសគូមិភាគតេជោហ៊ុនសែនស្វាយរៀង មានទីលំនៅភូមិ ពោន ឃុំ សង្កែ ស្រុក រំដួល ខេត្តស្វាយរៀង ( ស្លាប់នៅកន្លែងកើតហេតុ ) ពាក់មួកសុវត្ថិភាព បើកបរស្របទឹសគ្នាពីត្បូងទៅជើង ខណៈនោះរថយន្តបើកត្រឡប់ក្រោយបង្កឲ្យជនរងគ្រោះបុកពេញទំហឹងបណ្តាលឲ្យរងរបួសបែកក្បាលធ្ងន់ធ្ងរស្លាប់ភ្លាមៗនៅនិងកន្លែង ។

រីឯម៉ូតូខូចខាតធ្ងន់ ។ ចំណែករថយន្តបង្កបានបន្ថែមល្បឿនបើកគេចខ្លួនបាត់ស្រមោល។បន្ទាប់ពីសមត្ថកិច្ចវាស់វែងនិងធ្វើកោសល្យវិច្ច័យរួចបានប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី។មធ្យោបាយរក្សាទុកនៅអធិការនគរបាលក្រុងស្វាយរៀង ។

មូលហេតុ : អ្នកបើកបររថយន្តបត់ត្រឡប់ក្រោយ ខ្វះការប្រុងប្រយ័ត្ន៕