រាជធានីភ្នំពេញ ៖ កុមារជាច្រើនខ្លាចភាពងងឹត ក្មេងទើបចេះដើរតេះតះ ឬកុមារមត្តេយ្យសិក្សាភាគច្រើនខ្លាចរឿងដែលមិនធ្លាប់ស្គាល់ ដែលពួកគេមិនយល់ ឬមិនអាចគ្រប់គ្រងបាន ។ ការស្រមើ ស្រមៃរបស់ពួកគេអាចបង្កើតនូវរូបភាពជាច្រើន…
រាជធានីភ្នំពេញ ៖ កុមារជាច្រើនខ្លាចភាពងងឹត ក្មេងទើបចេះដើរតេះតះ ឬកុមារមត្តេយ្យសិក្សាភាគច្រើនខ្លាចរឿងដែលមិនធ្លាប់ស្គាល់ ដែលពួកគេមិនយល់ ឬមិនអាចគ្រប់គ្រងបាន ។ ការស្រមើ ស្រមៃរបស់ពួកគេអាចបង្កើតនូវរូបភាពជាច្រើន ដែលធ្វើឱ្យពួកគេអាចជឿថា អាចមានសត្វចម្លែកនៅក្រោមគ្រែ ឬខ្មោចនៅក្នុងទូខោអាវរង់ចាំពួកគេ ពេលដែលពន្លឺភ្លើងរលត់ ឬនៅទីងងឹត ។ ប្រសិនបើឪពុកម្តាយមិនបានដោះស្រាយបញ្ហានេះទេ ការភ័យខ្លាចភាពងងឹតរបស់កុមារអាចនឹងបន្តរំខានដល់ការគេងរបស់ពួកគេ ។ យ៉ាងណាមិញ មានវិធីសាស្ត្រជាច្រើនដែលឪពុកម្តាយអាចជួយកូនរបស់ពួកគេឱ្យយកឈ្នះលើការភ័យខ្លាចនៃភាពងងឹត ។
ជួយកុមារដែលខ្លាចភាពងងឹត ដូចគ្នានឹងការភ័យខ្លាចផ្សេងទៀតដែរ វាជាការសំខាន់ក្នុងការដោះស្រាយការភ័យខ្លាចរបស់កុមារ ដោយក្តីអាណិតអាសូរ និងយល់ចិត្តពួកគេ ។ កុំសើចចំអក ឬច្រានចោលអារម្មណ៍របស់កូនអ្នក ឬធ្វើឱ្យពួកគេខកចិត្ត និងខឹងសម្បារ ។
ការណែនាំទាំងនោះរួមមាន ៖ ឱ្យពួកគេប្រាប់អ្នកអំពីការភ័យខ្លាចរបស់ពួកគេ និងអ្វីដែលធ្វើឱ្យពួកគេភ័យខ្លាច ។ បង្ហាញកូនរបស់អ្នកថា អ្នកយល់ពីការភ័យខ្លាចរបស់ពួកគេ ។ ធានាពួកគេថា ពួកគេមានសុវត្ថិភាព ពន្យល់ពួកគេថា វាមិនមានសត្វចម្លែក ឬខ្មោចទេ ។ កុំព្យាយាមឱ្យកូនទៅពិនិត្យមើលទូដាក់ចាន ឬនៅក្រោមគ្រែ ។ សួរកូនរបស់អ្នកថា តើធ្វើដូចម្តេចទើបពួកគេមានអារម្មណ៍ថា មានសុវត្ថិភាពជាងមុន (អ្នកក៏អាចប្រាប់ពួកគេដែរថា ពួកគេអាចយករបស់ក្មេងលេង ឬតុក្កតាមកជាមួយ) ។
រកមើលថា តើការភ័យខ្លាចនៃភាពងងឹតរបស់ពួកគេបណ្តាលមកពីការបារម្ភផ្សេងទៀតដែរ ឬទេ ។ ជាឧទាហរណ៍ កុមារខ្លះអាចខ្លាចឪពុកម្តាយបែកគ្នា ឬឈ្លោះគ្នា ហើយការថប់បារម្ភនេះកាន់តែអាក្រក់ទៅៗ នៅពេលដែលពួកគេនៅម្នាក់ឯងក្នុងទីងងឹត ។ និយាយជាមួយកូនរបស់អ្នកដោយស្មោះត្រង់អំពីបញ្ហាបែបនេះ ។
វិធីជាក់ស្តែងដើម្បីដោះស្រាយជាមួយការភ័យខ្លាចរបស់កូនអ្នក ចំពោះភាពងងឹតរួមមាន ៖ បង្កើតទម្លាប់ម៉ោងចូលគេង ដែលកូនរបស់អ្នកមានអារម្មណ៍ធូរស្រាល និងរីករាយ ។ ទម្លាប់គេងល្អអាចជួយកាត់បន្ថយការថប់បារម្ភ ។ ដាក់ពន្លឺពេលយប់ក្នុងបន្ទប់របស់កូនអ្នក ឬអនុញ្ញាតឱ្យមានពន្លឺតិចតួចពីផ្លូវ ឬបន្ទប់ទឹកជះមកក្នុងបន្ទប់របស់ពួកគេ ។ ការភ័យខ្លាចរបស់កុមារនឹងថយ ប្រសិនបើពួកគេមានអារម្មណ៍ថា ពួកគេអាចគ្រប់គ្រងលើស្ថានភាពណាមួយ ។ ឧទាហរណ៍ ដាក់ចង្កៀងក្បែរគ្រែ ដើម្បីឱ្យពួកគេអាចបើកពន្លឺបានដោយខ្លួនឯង ។
ត្រូវប្រាកដថា ទម្លាប់មើលទូរទស្សន៍ និងសម្ភារអានរបស់ពួកគេ គឺសមស្របនឹងអាយុរបស់ពួកគេ ។ រូបភាពព័ត៌មាន ភាពយន្ត ឬសៀវភៅគួរឱ្យខ្លាចអាចបំភ័យកុមារយ៉ាងងាយ ។ មើលជុំវិញបន្ទប់របស់ពួកគេនៅពេលយប់ ហើយព្យាយាមមើលអ្វីៗតាមអ្វីដែលពួកគេប្រាប់ អ្វីដែលពួកគេខ្លាច ។ លំហាត់ប្រាណទៀងទាត់ជួយកាត់បន្ថយកម្រិតស្ត្រេស ។ ត្រូវប្រាកដថា កូនរបស់អ្នកមានសកម្មភាពរាងកាយច្រើនក្នុងអំឡុងពេលថ្ងៃ ។ កុំបង្កើតរឿងឱ្យធំ ឬរញ៉េរញ៉ៃអំពីការភ័យខ្លាចរបស់កូនអ្នក នៅចំពោះមុខពួកគេ ឬអ្នកដទៃ ។
កុំលេងសើច ឬកុំមើលងាយការភ័យខ្លាចរបស់ពួកគេ ។ អានសៀវភៅស្តីពីការគ្រប់គ្រងការភ័យខ្លាចទាំងឪពុកម្តាយ និងកូន ។ ពង្រឹងឥរិយាបថវិជ្ជមាន អនុញ្ញាតឱ្យកូនរបស់អ្នកបង្កើតជំហានតូចៗឆ្ពោះទៅរកការយកឈ្នះលើការភ័យខ្លាចរបស់ពួកគេ ហើយកោតសរសើរពួកគេចំពោះសមិទ្ធផលនីមួយៗ ៕ ប្រភព ៖ betterhealth
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ