រាជធានីភ្នំពេញ ៖ ក្នុងពេលដែលវេលាចូលរោងការនឹងចូលមកដល់នាពេលខាងមុខនោះ តារាសម្តែងនាង រ៉េត សារីតា និងគូស្នេហ៍ត្រូវបានគេមើលឃើញថា អ្នកទាំងពីរកាន់តែបង្កើនភាពផ្អែមល្ហែម និងស្និទ្ធស្នាលជាមួយគ្នាពីមួយថ្ងៃទៅមួយថ្ងៃ ជាពិសេស…
រាជធានីភ្នំពេញ ៖ ក្នុងពេលដែលវេលាចូលរោងការនឹងចូលមកដល់នាពេលខាងមុខនោះ តារាសម្តែងនាង រ៉េត សារីតា និងគូស្នេហ៍ត្រូវបានគេមើលឃើញថា អ្នកទាំងពីរកាន់តែបង្កើនភាពផ្អែមល្ហែម និងស្និទ្ធស្នាលជាមួយគ្នាពីមួយថ្ងៃទៅមួយថ្ងៃ ជាពិសេស អ្នកទាំងពីរក៏តែងតែបង្ហាញវត្តមានរួមគ្នាជាបន្តបន្ទាប់ តាមរយៈការដើរលេងកំសាន្ត និងការចូលរួមកម្មវិធីអ្នកសិល្បៈដូចគ្នា ។
ជាមួយការបញ្ចេញមុខគូស្នេហ៍ដោយមិនលាក់លៀមនេះ កញ្ញាឯក Miss Universe Cambodia ២០២០ រ៉េត សារីតា ក៏បានបង្ហើបនូវចំណុចល្អរបស់គូស្នេហ៍ចំនួន៣ ដែលធ្វើឲ្យនាងព្រមដាក់ចិត្តស្រឡាញ់ និងទទួលយកបុរសដែលជាជនជាតិអាមេរិករូបនេះ មកធ្វើជាគូអនាគត ។
តាមរយៈសំណេរដែលបង្ហោះលើបណ្តាញសង្គម រ៉េត សារីតា បានលើកឡើងថា មនុស្សដែលមានគុណធម៌ សីលធម៌ វិន័យខ្ពស់ គឺបរុសម្នាក់នេះហើយ គាត់ជាគំរូដ៏ល្អសម្រាប់ខ្ញុំ គោរពស្រលាញ់ម្នាក់នេះណាស់ អរគុណសម្រាប់គ្រប់យ៉ាង ។
តាមរយៈសំណេរខាងលើនេះ ត្រូវបានមហាជន ជាពិសេស បណ្តាអ្នកគាំទ្ររូបនាងជាច្រើនបានចូលទៅធ្វើការខមមិន ដោយម្នាក់ៗបានចូលរួមសម្តែងការអបអរសាទរទៅដល់រូបនាងដែលអាចស្វែងរកបុរសល្អម្នាក់មកធ្វើជាគូអនាគតនាពេលនេះ ខណៈពេលដែលពួកគេក៏បានជូនពរឲ្យនាងមានសុភមង្គលផងដែរ ។
ជាការកត់សម្គាល់ គិតមកទល់ពេលនេះ មានរយៈពេល៣ឆ្នាំហើយដែល រ៉េត សារីតា បង្ហាញពីទំនាក់ទំនងយ៉ាងស្និទ្ធស្នាលជាមួយគូស្នេហ៍ខ្លួនឱ្យទស្សនិកជនបានដឹងឮជាសាធារណៈ ជាពិសេស រាល់ពេលទៅចូលរួមកម្មវិធីជប់លៀងតូចធំនានា នាងតែងតែបណ្តើរគូស្នេហ៍ទៅចូលរួមមិនដែលខាន ដែលធ្វើឱ្យទំនាក់ទំនងនាងនិងគូស្នេហ៍ កាន់តែផ្អែមល្ហែមឡើង ។
ជាក់ស្តែង កាលពីពេលថ្មីៗនេះ រ៉េត សារីតា បានបង្ហោះពីរូបភាពធ្វើដំណើរកម្សាន្តទៅកាន់អឺរ៉ុបជាមួយគូស្នេហ៍ដែលជាជនជាតិអាមេរិក ហើយសង្សារនាងបានលុតជង្គង់សុំរៀបការដែលធ្វើឲ្យនាងមានការរំភើបរីករាយយ៉ាងខ្លាំងផងដែរ ។
យ៉ាងណា បើទោះបីជាមិនទាន់មានការរៀបចំពិធីមង្គលការនៅឡើយក្តី ប៉ុន្តែ រ៉េត សារីតា ធ្លាប់បានបញ្ជាក់អះអាងថា នាងនិងគូស្នេហ៍បានចុះអេតាស៊ីវិលជាមួយគ្នារួចហើយ ក្នុងពេលដែលពិធីមង្គលការរបស់នាងអាចធ្វើឡើងនៅចុងក្រោយ ខណៈពេលដែលបច្ចុប្បន្ននាងកំពុងតែមានភាពមមាញឹកខ្លាំងលើការងារសិល្បៈ ជាពិសេស ការបញ្ជ្រាបខ្លួនចូលរួមក្នុអាជីពជាផលិតករភាពយន្ត ៕
ចែករំលែកព័តមាននេះ