រាជធានីភ្នំពេញ ៖ ក្នុងពេលដែលឆ្នាំចាស់២០២៤ ផ្លាស់ចូលឆ្នាំថ្មី២០២៥ នាពេលនេះ គេឃើញមានអ្នកសិល្បៈជាបន្តបន្ទាប់ បានបញ្ចេញសារចូលរួមអបអរសាទរ និងជូនពរទៅកាន់សាច់ញាតិ ទស្សនិកជន ជាពិសេស…
រាជធានីភ្នំពេញ ៖ ក្នុងពេលដែលឆ្នាំចាស់២០២៤ ផ្លាស់ចូលឆ្នាំថ្មី២០២៥ នាពេលនេះ គេឃើញមានអ្នកសិល្បៈជាបន្តបន្ទាប់ បានបញ្ចេញសារចូលរួមអបអរសាទរ និងជូនពរទៅកាន់សាច់ញាតិ ទស្សនិកជន ជាពិសេស អ្នកគាំទ្រទាំងអស់របស់គេ ដោយនៅក្នុងនោះក្រៅពីសារជូនពរពួកគេខ្លះក៏បានបញ្ចេញជាទស្សនៈផ្សេងៗគ្នាផងដែរ ។
តារាចម្រៀងលោក ឆន សុវណ្ណរាជ បានបង្ហោះសំណេរនៅលើបណ្តាញសង្គមរបស់ខ្លួនថា សៀវភៅកំណត់ហេតុឆ្នាំ 2024 របស់ខ្ញុំ បានសរសេរដល់ សន្លឹកទី 366ហើយ ដែលជាទំព័រចុងក្រោយនៃឆ្នាំ2024 អរគុណគ្រប់យ៉ាង នៅឆ្នាំ2024 ដែលបានផ្តល់អោយខ្ញុំ នូវរឿងរ៉ាវល្អៗ ការងារល្អៗ នឹងអ្វីៗល្អៗ ជាច្រើនដែលបានផ្តល់មកដល់ខ្ញុំ ពេលវេលាពេញមួយឆ្នាំវាពិតជាលឿនមែនទែន ប៉ុន្តែអ្នកបានបង្រៀនខ្ញុំច្រើនណាស់ អោយស្គាល់នឹងយល់ពីអ្វីៗគ្រប់បែបយ៉ាង បញ្ហា ការងារ មនុស្ស នឹង ជីវិត លាសិនហើយឆ្នាំ 2024 ជួបគ្នាឆាប់ៗ ឆ្នាំ2025 អំពើល្អមិនវង្វេងម្ចាស់ អំពើល្អមិនសាបសូន្យ ។
តារាពហុជំនាញអ្នកនាង ខាត់ សុឃីម បានបញ្ចេញសំណេរដែរថា ឆ្នាំចាស់💫 ផ្លាស់ទៅ ឆ្នាំថ្មី សុំសុខសួស្ដីជោគជ័យទាំងអស់គ្នា🌸សូមឱ្យរោគាជៀសទៅឲ្យឆ្ងាយសុំកុំឱ្យមានរឿងហ្មងសៅក្នុងជីវិត ទៅណាមកណាមានអ្នកស្រឡាញ់រាប់អានច្រើន ធ្វើដំណើរសុំឱ្យមានសុវត្ថិភាព ។
តារាសម្តែងវ័យក្មេងកញ្ញា ឈិន មុន្នីនាថ បានបញ្ចេញសារលើគណនេយ្យហ្វេសប៊ុករបស់ខ្លួនថា រូបចុងក្រោយនៃឆ្នាំ២០២៤ គ្មានអ្វីផ្ដែផ្ដាំច្រើនទេ អ្វីដែលសំខាន់ត្រូវថែរក្សាផ្លូវចិត្តខ្លួនឯងអោយបានល្អបំផុត ថែរក្សាសុខភាពអោយល្អណា ត្រូវចាំថាគ្រប់យ៉ាងមិនទៀងទាត់ឡើយ ត្រៀមចិត្តទទួលទាំងរឿងល្អ និង រឿងអាក្រក់ ស្រឡាញ់ខ្លួនឯងអោយច្រើនៗ និងថែរក្សាមនុស្សល្អៗជុំវិញខ្លួនអោយបានល្អបំផុត ជីវិតនេះជួបមនុស្សល្អមិនច្រើនដងទេ ។
ចំណែកតារាចម្រៀងនាង និងសម្តែង ឌី សូនីតា ក៏បានបង្ហោះសំណេរលើបណ្តាញសង្គមដែរថា ចុងឆ្នាំ២០២៤នេះ មកអង្គុយសរុបរឿងតាំងពីដើមឆ្នាំជាមួយគ្នា គ្រប់ខែទាំង១២ សុទ្ធតែរឿងថ្មីៗរហូត ចូលមកក្នុងជីវិតខ្ញុំ រឿងខ្លះក៏ល្អលើសការរំពឹងទុក រឿងខ្លះក៏អាក្រក់មិនគួរឲ្យទទួល តែចុងបញ្ចប់នៃដំណោះស្រាយ គឺយើងត្រូវតែទទួលគ្រប់រឿង ហើយតស៊ូដោះស្រាយជំនះរាល់បញ្ហានោះដោយសតិពេញលេញនិងដោយស្នាមញញឹម មេរៀនជីវិតវាបានបង្រៀន single mom ដូចជានាងខ្ញុំឲ្យរឹតតែខំប្រឹង តស៊ូ ជំនះគ្រប់រឿង មិនថារឿង តូចរឺធំ។
មកដល់ថ្ងៃទី៣១ខែ១២ ថ្ងៃនៃចុងខែទាំង១២ខែ នាឆ្នាំ២០២៤នេះ ពាក្យចុងក្រោយដែលខ្ញុំចង់និយាយ អរគុណមនុស្សគ្រប់គ្នា ដែលចូលមកក្នុងជីវិតខ្ញុំ មិនថាមនុស្សល្អរឺអាក្រក់ ពួកអ្នកសុទ្ធតែជាគ្រូដែលបង្រៀនឲ្យជីវិតខ្ញុំកាន់តែមានន័យមួយដំណាក់កាលបន្ថែមទៀត ។
តារាសម្តែងអ្នកនាង ផាន់ ផាណាត ក៏បានបញ្ចេញសំណេរខ្លីមួយលើបណ្តាញសង្គមដែរថា ឆ្នាំ ២០២៥ នឹងមកដល់ឆាប់ៗនេះ ខ្ញុំគ្រាន់តែចង់និយាយលាទៅកាន់មនុស្សអវិជ្ជមាន ។
ពិធីការិនី កញ្ញា ជីជី បានបញ្ចេញសំណេរលើបណ្តាញសង្គមរបស់ខ្លួនដែរថា មួយថ្ងៃចុងក្រោយនៃ 2024 សូមសុខសប្បាយ រួចផុត ចាកទុក្ខទាំងអស់គ្នា សុខភាពល្អ លុយកាក់ចូលហូរហៀរ
សំរាប់ 2025 ខ្ញុំបានត្រៀមខ្លួនរួចជាស្រេចចុះអ្នកទាំងអស់គ្នាវិញ ?
ចែករំលែកព័តមាននេះ