ខេត្តកំពត ៖ មន្ត្រីជំនាញបានបញ្ជាក់ថា រដ្ឋបាលខេត្តកំពតបានត្រៀមលក្ខណៈយ៉ាងល្អសម្រាប់ទទួលភ្ញៀវទេសចរក្នុងឱកាសបុណ្យសមុទ្រលើទី១១ ដែលនឹងធ្វើឡើងនៅថ្ងៃទី១៣-១៥ ខែធ្នូខាងមុខ ពិសេស មិនអនុញ្ញាតឲ្យអ្នកផ្តល់សេវាទេសចរណ៍ដំឡើងថ្លៃនោះទេ ។ អនុប្រធានសភាពាណិជ្ជកម្មកម្ពុជា…
ខេត្តកំពត ៖ មន្ត្រីជំនាញបានបញ្ជាក់ថា រដ្ឋបាលខេត្តកំពតបានត្រៀមលក្ខណៈយ៉ាងល្អសម្រាប់ទទួលភ្ញៀវទេសចរក្នុងឱកាសបុណ្យសមុទ្រលើទី១១ ដែលនឹងធ្វើឡើងនៅថ្ងៃទី១៣-១៥ ខែធ្នូខាងមុខ ពិសេស មិនអនុញ្ញាតឲ្យអ្នកផ្តល់សេវាទេសចរណ៍ដំឡើងថ្លៃនោះទេ ។
អនុប្រធានសភាពាណិជ្ជកម្មកម្ពុជា និងអ្នកគ្រប់គ្រងសណ្ឋាគារយល់ឃើញថា ការធ្វើបែបនេះ អាចលើកកម្ពស់វិស័យទេសចរណ៍ និងទាក់ទាញភ្ញៀវជាតិ និងអន្តរជាតិកាន់តែខ្លាំង ។ ប្រធានមន្ទីរទេសចរណ៍ខេត្ត លោក សយ ស៊ីណុល បានប្រាប់ឲ្យដឹងថា ទន្ទឹមនឹងការខិតខំរៀបចំតុបតែងលំអសោភ័ណភាពក្រុង សម្រាប់ពិធីបុណ្យសមុទ្រលើកទី១១ ជុំទី៣ នៅខេត្តកំពត រដ្ឋបាលខេត្ត និងមន្ទីរក៏បានផ្តោតការយកចិត្តទុកដាក់លើការផ្តល់សេវារទេសចរណ៍ និងបានត្រៀមខ្លួនរួចរាល់តាមរយៈការចេញសេចក្តីជូនដំណឹង និងការចុះទៅអប់រំណែនាំដល់ទីតាំង លើការងារបដិសណ្ឋារកិច្ច គុណភាពសេវាកម្ម និងការកំណត់តម្លៃ ។
ជាមួយនឹងការរៀបចំនេះ ឯកឧត្តមបណ្ឌិត តាន់ មុនីវណ្ណ អនុប្រធានសភាពាណិជកម្មកម្ពុជាបានយល់ឃើញថា ទីផ្សារស្រុកខ្មែរគេផ្តោតខ្លាំងលើរឿងតម្លៃ និងគុណភាព។ ដូច្នេះ ការកំណត់តម្លៃឲ្យសមរម្យ ជួយជំរុញវិស័យទេសចណ៍ឲ្យកាន់តែប្រសើរឡើង ។
អ្នកគ្រប់គ្រងសណ្ឋាគារឌឺសឃ្វែរ ឆេង ប៊ុនសាន បានប្រាប់ឲ្យដឹងថា នៅកន្លែងរបស់លោកគ្មានការដំឡើងថ្លៃទេ សម្រាប់ឱកាសបុណ្យសមុទ្រខាងមុខនេះ តម្លៃបន្ទប់គ្រែមួយគ្រែ2 និងបន្ទប់គ្រួសារចាប់ពេល30 ទៅ 80ដុល្លារ ។ ចំណែកតម្លៃម្ហូបអាហារទាំងនៅភោជនីយដ្ឋាន និងលើស្កាយបារក៏រក្សានៅដដែល។ពិធីបុណ្យសមុទ្រលើកទី១១ជុំទី៣ នៅខេត្តកំពត នឹងប្រារព្ធនៅថ្ងៃទី១៣-១៥ ធ្នូ ឆ្នាំ២០២៤ ក្រោមប្រធានបទ «អបអរសាទរបេតិកភណ្ឌចីរភាពនៃតំបន់ឆ្នេរ» ។
កម្មវិធីបើកជាផ្លូវការនឹងប្រព្រឹត្តិឡើងនាថ្ងៃទី១៤ ខែធ្នូ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជចន្ទមុន្នី-ហ៊ុនម៉ាណែត៕
ចែករំលែកព័តមាននេះ