ខេត្តបាត់ដំបង ៖ ដោយសារតែពាក្យតិះដៀលនិងមើលងាយថា «រកស៊ីមិនមានដូចគេ» ក៏ធ្វើឱ្យបុរសម្នាក់មានគំនុំក្នុងចិត្តរហូតហ៊ានជួលមនុស្សមកធ្វើសកម្មភាពទៅលើដៃគូទំនាស់ ដោយហ៊ានឱ្យថ្លៃឈ្នួលក្នុងតម្លៃនីមួយៗ បើធ្វើបានសម្រេច ។ យោងតាមផេកស្នងការនគរបាលខេត្តបាត់បានឱ្យដឹងថា ក្រោយពីទទួលបានដំណឹងថា…
ខេត្តបាត់ដំបង ៖ ដោយសារតែពាក្យតិះដៀលនិងមើលងាយថា «រកស៊ីមិនមានដូចគេ» ក៏ធ្វើឱ្យបុរសម្នាក់មានគំនុំក្នុងចិត្តរហូតហ៊ានជួលមនុស្សមកធ្វើសកម្មភាពទៅលើដៃគូទំនាស់ ដោយហ៊ានឱ្យថ្លៃឈ្នួលក្នុងតម្លៃនីមួយៗ បើធ្វើបានសម្រេច ។
យោងតាមផេកស្នងការនគរបាលខេត្តបាត់បានឱ្យដឹងថា ក្រោយពីទទួលបានដំណឹងថា បុរសខាងលើ កំពុងស្វែងរកអ្នក(ជួល) សមត្ថកិច្ចនគរបាលក៏ទទួលបានព័ត៌មាននេះភ្លាមដែរ រួចក៏ផ្តើមធ្វើការស្រាវជ្រាវ ស្របតាមជំនាញវិជ្ជាជីវៈនគរបាលរហូតកំណត់មុខសញ្ញាបាន និងឈានទៅដល់ការនាំខ្លួនជនសង្ស័យមកធ្វើការសាកសួរ ក្នុងនោះ ត្រូវបានដកហូតវត្ថុតាងផងដែរ កាលពីថ្ងៃទី១៣ ខែតុលា ឆ្នាំ២០២៤ វេលាម៉ោង១៨និង០០នាទី ។
ប្រភពបន្តថា ជនសង្ស័យឈ្មោះយ៉ាន ណាក់ អាយុ៣៧ឆ្នាំ ស្នាក់នៅក្នុងភូមិក្បាលខ្មោច ឃុំជ្រៃ ស្រុកថ្មគោល ខេត្តបាត់ដំបង ។ ក្រោយពីឃាត់ខ្លួន ជនសង្ស័យបានឆ្លើយសារភាពថា រូបគេពិតជាបានដើរស្វែងរកជួលមនុស្សឱ្យធ្វើសកម្មភាពខាងលើពិតប្រាកដមែន ក្នុងនោះ បានត្រៀមបម្រុងនូវមធ្យោបាយដូចខាងលើទៀតផង ហើយមូលហេតុដែលរូបគេប៉ុនប៉ងធ្វើដូច្នេះ គឺដោយសារខឹងនឹងមនុស្សខាងលើ មើលងាយថា «ខ្លួននេះរកស៊ីមិនមានដូចគេ» ។
គួរបញ្ជាក់ថា នៅមុនពេលធ្វើការនាំខ្លួនមកសាកសួរនេះ ជនសង្ស័យបានជិះម៉ូតូតែម្នាក់ឯង កំពុងស្វែងរកជួលមនុស្សឱ្យប្រព្រឹត្តិដោយកំណត់តម្លៃនៃការធ្វើសកម្មភាពដូចខាងក្រោមគឺ៖
-បើដុតផ្ទះឱ្យតម្លៃ៣០ម៉ឺនរៀល
-បើដុតរថយន្តឱ្យតម្លៃ៦០ម៉ឺនរៀល
-បើកាប់មនុស្សទាំង០២នាក់នោះ មួយកាំបិតឱ្យតម្លៃ៣០ម៉ឺនរៀល(តម្លៃគិតតាមមុខកាំបិត)ដែលកាប់បានហើយចំពោះឧបករណ៍ធ្វើសកម្មភាព គេជាអ្នករៀបចំឱ្យមួយចប់រួមមាន៖(ដបសាំង, ដែកកេះ,កាំបិត, រូបថតជនរងគ្រោះ និងប្លង់ទីតាំងផ្ទះរបស់ជនរងគ្រោះ ។
ប្រភពបន្តទៀតថា ជនសង្ស័យរូបនេះបានត្រៀមបម្រុងរួចជាស្រេចក្នុងការប៉ុ-ន-ប៉-ងធ្វើសកម្មភាពនោះគឺ៖ ដបសាំងចំនួន ០៤ដប ស្មើនឹង ០៤លីត្រ, ពូថៅដែក ដងដែក ចំនួន០១, កាំបិតចុងស្រួចផ្លែដែក ដងជ័រ ចំនួន០១, ដែកកេះ ចំនួន០២ , ដែករុំក្រណាត់សម្រាប់ដាក់ប្រេងសាំងដុតចំនួន០១, រូបថតចំនួន០៣សន្លឹក(ផ្ទៈនិងរូបថតជនរងគ្រោះ)ជាគោលដៅ, និងក្រដាសគូរប្លង់ផ្ទះជនរងគ្រោះ០១សន្លឹក ។
នេះអាចចាត់ទុកជាមហាសំណាងណាស់ ប្រសិនបើសមត្ថកិច្ចមិនបានចាត់វិធានការរកឱ្យឃើញជាមុនទេនោះ ពិតណាស់ សោកនាដកម្ម មួយនឹងកើតមាននៅក្នុងមូលដ្ឋាននាំបង្កឱ្យមានការបាត់បង់អាយុជីវិតមនុស្សមិនខាន ។
សូមបញ្ជាក់ទៀតថា ប្រតិបត្តិការបង្ក្រាបខាងលើ គឺមានកចូលរួមពីកម្លាំងដោយមានបញ្ជាដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង សមត្ថកិច្ចនគរបាលក្នុងផែនការងារនគរបាលព្រហ្មទណ្ឌ ដែលមានលោកឧត្តមសេនីយ៍ត្រី លឹម ពុទ្ធីឡា ស្នងការរងទទួលផែននេះ បានធ្វើការសហការជាមួយកម្លាំងនគរបាលស្រុកថ្មគោល ដោយមានលោកវរសេនីយ៍ទោ សេង លុច ជាអធិការផងដែរ ។
ចែករំលែកព័តមាននេះ