រាជធានីភ្នំពេញ ៖ កំហឹង គឺជាអារម្មណ៍ធម្មតារបស់កុមារ ហើយពេលខ្លះមានប្រយោជន៍សម្រាប់កុមារ ។ វាអាចប្រាប់កុមារនៅពេលដែលអ្វីៗមិនយុត្តិធម៌ ឬត្រឹមត្រូវ ។ ប៉ុន្តែកំហឹងអាចក្លាយជាបញ្ហា…
រាជធានីភ្នំពេញ ៖ កំហឹង គឺជាអារម្មណ៍ធម្មតារបស់កុមារ ហើយពេលខ្លះមានប្រយោជន៍សម្រាប់កុមារ ។ វាអាចប្រាប់កុមារនៅពេលដែលអ្វីៗមិនយុត្តិធម៌ ឬត្រឹមត្រូវ ។ ប៉ុន្តែកំហឹងអាចក្លាយជាបញ្ហា ប្រសិនបើអាកប្បកិរិយាខឹងរបស់កុមារមិនអាចគ្រប់គ្រងបាន ឬកាន់តែសាហា.វ ។
ហេតុអ្វីកូនរបស់អ្នកខឹងម្ល៉េះ ? មានហេតុផលជាច្រើនដែលកូនរបស់អ្នកហាក់ដូចជាឧហ្សាហ៍ខឹងជាងក្មេងដទៃទៀត រួមមាន ៖ ឃើញសមាជិកក្នុងគ្រួសារអ្នកឈ្លោះគ្នា ឬខឹងនឹងគ្នា, មានបញ្ហាមិត្តភាព, ត្រូវបានគេធ្វើបាប, ពិបាកក្នុងការងារសាលា ឬការប្រឡង, មានអារម្មណ៍តានតឹង ថប់បារម្ភ ឬភ័យខ្លាចអំពីអ្វីមួយ និងការផ្លាស់ប្តូរអ័រម៉ូនអំឡុងពេលពេញវ័យ ។
វាប្រហែលជាមិនច្បាស់សម្រាប់អ្នក ឬកូនរបស់អ្នកថា ហេតុអ្វីបានជាពួកគេខឹងនោះទេ ប៉ុន្តែវាជារឿងសំខាន់ក្នុងការជួយពួកគេដោះស្រាយនូវអ្វីដែលអាចបណ្តាលឱ្យពួកគេខឹង ។ ត្រូវដោះស្រាយកំហឹងជាមួយគ្នា ជជែក និងសហការជាមួយកូនរបស់អ្នក ដើម្បីជួយពួកគេដោះស្រាយកំហឹង ។ វិធីនេះអាចឱ្យកូនរបស់អ្នកដឹងថា កំហឹង គឺជាបញ្ហា មិនមែនបណ្តាលមកពីពួកគេទេ ។ ជួយកូនរបស់អ្នកឱ្យរកឃើញនូវសញ្ញានៃកំហឹង ។ ការអាចសម្គាល់ឃើញសញ្ញានៃការខឹងឆាប់រហ័សអាចជួយកូនរបស់អ្នកធ្វើការសម្រេចចិត្តជាវិជ្ជមានបន្ថែមទៀតអំពីរបៀបដោះស្រាយវា ។
និយាយអំពីអ្វីដែលកូនរបស់អ្នកមានអារម្មណ៍នៅពេលពួកគេចាប់ផ្តើមខឹង ។ ជាឧទាហរណ៍ ពួកគេអាចសម្គាល់ឃើញថា ៖ បេះដូងរបស់ពួកគេលោតលឿន, សាច់ដុំរបស់ពួកគេឡើងតឹង, ពួកគេប្រឹងខាំធ្មេញ និងពួកគេប្រឹងក្តាប់ដៃ ។
ជជែកជាមួយកូន ដើម្បីស្វែងរកអ្វីដែលធ្វើឱ្យពួកគេមានកំហឹង ។ និយាយអំពីយុទ្ធសាស្ត្រដែលមានប្រយោជន៍សម្រាប់ការគ្រប់គ្រងកំហឹង ។ ដើម្បីគ្រប់គ្រងកំហឹង អ្នកអាចលើកទឹកចិត្តកូនរបស់អ្នកឱ្យ ៖ រាប់ដល់ ១០ មុនពេលឆ្លើយតប, ដើរចេញពីស្ថានភាពនោះ, ដកដង្ហើមយឺតៗ និងជ្រៅ, ច្របាច់កដៃ និងកណ្ដាប់ដៃខ្លួនឯង ដើម្បីបន្ធូរបន្ថយភាពតានតឹង, ជជែកជាមួយមនុស្សដែលគួរឱ្យទុកចិត្ត និងរកកន្លែងណាមួយដើម្បីរក្សាភាពស្ងប់ស្ងាត់ ។
លើកទឹកចិត្តឱ្យមានការលេង និងហាត់ប្រាណជាប្រចាំ ។ ការធ្វើខ្លួនឱ្យសកម្មអាចជាវិធីកាត់បន្ថយ ឬបញ្ឈប់អារម្មណ៍ខឹង ។ វាក៏អាចជាមធ្យោបាយមួយដើម្បីកែលម្អអារម្មណ៍នៃភាពតានតឹង ការថប់បារម្ភ ឬជំងឺធ្លាក់ទឹកចិត្ត ។ វាអាចជាសកម្មភាពសាមញ្ញៗដូចជា ៖ ការដើរ, ការរត់ ឬការលោតលេង និងការជិះកង់ ។
មានភាពវិជ្ជមាន មតិវិជ្ជមាន គឺសំខាន់ ។ សូមសរសើរការខិតខំប្រឹងប្រែងរបស់កូនអ្នក មិនថាតូចប៉ុនណាក៏ដោយ ។ វានឹងកសាងទំនុកចិត្តរបស់កូនអ្នកលើសមត្ថភាពរបស់ពួកគេក្នុងការគ្រប់គ្រងកំហឹង ។ វាក៏នឹងជួយឱ្យពួកគេមានអារម្មណ៍ថា អ្នកទាំងពីរកំពុងរៀនជាមួយគ្នាផងដែរ ។
ពេលណាដែលអ្នកគួរនាំកូនទៅជួបអ្នកជំនាញ ដើម្បីស្វែងរកជំនួយបន្ថែម ? ប្រសិនបើអ្នកបារម្ភថា កំហឹងរបស់កូនអ្នកបង្កគ្រោះថ្នាក់ដល់ពួកគេ ឬមនុស្សជុំវិញខ្លួន អ្នកអាចនិយាយជាមួយគ្រូពេទ្យប្រចាំគ្រួសារអ្នក, គ្រូប្រចាំថ្នាក់របស់កូនអ្នក និងអ្នកជំនាញប្រឹក្សាយោបល់ ។ ប្រសិនបើចាំបាច់ គ្រូពេទ្យអាចបញ្ជូនកូនរបស់អ្នកទៅកាន់វេជ្ជបណ្ឌិតជំនាញសុខភាពផ្លូវចិត្ត ឬអ្នកឯកទេសផ្សេងទៀត ៕ ប្រភព ៖ nhs.uk
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ បវេសនកាលឆ្នាំសិក្សាថ្មី សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសម្រាប់សិស្សធំ និងកម្មវិធីភាសចិន ចូលរៀនថ្ងៃទី ១ ខែសីហា ឆ្នាំ ២០២៤ ។ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ ចូលរៀនថ្ងៃទី ២៦ ខែសីហា ឆ្នាំ ២០២៤ ។ សាលារៀនផ្តល់ជូនកញ្ចប់សិក្សាសម្រាប់គ្រួសារ (ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ) និងអាហាររូបករណ៍រហូតដល់ ៣០% លើតម្លៃសិក្សាសម្រាប់ការចុះឈ្មោះចូលរៀនត្រឹមថ្ងៃទី ៣១ ខែកក្កដា (សម្រាប់មត្តេយ្យ អង់គ្លេស និងចិន) និងថ្ងៃទី ២៥ ខែសីហា (ចំណេះទូទៅខ្មែរ) ។ សាលារៀនចាប់ទទួលចុះឈ្មោះសិស្សចូលរៀងរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ