ខេត្តបន្ទាយមានជ័យ ៖ អគ្គិភ័យបានឆាបឆេះស្តង់អេតចាយ ដែលបណ្តាលមកពីអាគុយអេតចាយឆ្លងដែក បណ្តាលឱ្យឆាបឆេះឡើងកាលពីល្ងាចថ្ងៃទី១២ ខែកក្កដា ឆ្នាំ២០២៤ ស្ថិតក្នុងភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ។…
ខេត្តបន្ទាយមានជ័យ ៖ អគ្គិភ័យបានឆាបឆេះស្តង់អេតចាយ ដែលបណ្តាលមកពីអាគុយអេតចាយឆ្លងដែក បណ្តាលឱ្យឆាបឆេះឡើងកាលពីល្ងាចថ្ងៃទី១២ ខែកក្កដា ឆ្នាំ២០២៤ ស្ថិតក្នុងភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ។
លោកឧត្តមសេនីយ៍ត្រី ប៊ុន ផេង ស្នងការរងទទួលផែនបង្ការ និងពន្លត់អគ្គីភ័យនៃស្នងការនគរបាលខេត្តបន្ទាយមានជ័យបានប្រាប់ថា មូលហេតុដែលអគ្គិភ័យឆាបឆេះស្តង់អេតចាយគឺបណ្តាលមកពីអាគុយអេតចាយដែលឆ្លងចរន្តបង្កអោយឆាបឆេះចេញជាផ្សែង និងអណ្តាតភ្លើងឡើងត្រូវបានកម្លាំងចម្រុះជាច្រើននាក់ចុះជួយអន្តរាគមន៍ពន្លត់ដែលមានរថយន្តពន្លត់អាគ្គីភ័យចំនួន៣គ្រឿងមាន១គ្រឿងរបស់ស្នងការដ្ឋាននគរបាលខេត្តបន្ទាយមានជ័យ និង២គ្រឿងរបស់ទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យ។
លោកបានបញ្ជាក់ថា៖អគ្គីភ័យដែលឆាបឆេះស្តង់អេតចាយខូចខាតតិចតួចតែត្រូវបានអន្តរាគមន៍បាញ់ពន្លត់ទាន់ពេលទើបមិនបង្កអោយឆាបឆេះរាលដាលតែប្រជាពលរដ្ឋនៅក្បែរស្តង់អេតចាយមានការព្រួយបារម្មនៅពេលឃើញផ្សែងនិងអណ្តាតភ្លើងបានឆាបឆេះឡើងតែមិនបង្កអោយប៉ៈពាល់និងខូចខាតធ្ងន់ធ្ងរនោះទេ។
លោកឧត្តមសេនីយ៍ត្រី ប៊ុន ផេង បានណែនាំដល់ម្ចាស់ស្តង់អេតចាយដែលត្រូវបានអគ្គីភ័យឆាបឆេះត្រូវការពារនៅពេលដែលទុញអាគុយអេតចាយមានភ្លើងត្រូវទុលកដាក់អោយបានត្រឹមត្រូវមិនទុកកន្លែងប្រឈមដែលបង្កអោយគ្រោះថ្នាក់កើតឡើងដូចករណីនេះដែលបង្កដោយអាគុយអេតចាយឆ្លងចរន្តបង្កអោយឆាបឆេះត្រូវបានអន្តរាគមន៍ទាន់ពេល៕
ចែករំលែកព័តមាននេះ