គិតមកដល់ពេលនេះ ធនាគារអភិវឌ្ឈន៍អាស៊ី បានគាំទ្រឥណទានសម្បទានចំពោះកម្ពុជាចំនួន៣៤ និងហិរញ្ញប្បទានឥតសំណងចំនួន៨គម្រោង ដែលសរុបជាទឹកប្រាក់ មានចំនួនប្រមាណ ១,៩២ ពាន់លានដុល្លារ ហើយតាម«យុទ្ធសាស្ត្រភាពជាដៃគូសម្រាប់អភិវឌ្ឍន៍កម្ពុជា ឆ្នាំ…
គិតមកដល់ពេលនេះ ធនាគារអភិវឌ្ឈន៍អាស៊ី បានគាំទ្រឥណទានសម្បទានចំពោះកម្ពុជាចំនួន៣៤ និងហិរញ្ញប្បទានឥតសំណងចំនួន៨គម្រោង ដែលសរុបជាទឹកប្រាក់ មានចំនួនប្រមាណ ១,៩២ ពាន់លានដុល្លារ ហើយតាម«យុទ្ធសាស្ត្រភាពជាដៃគូសម្រាប់អភិវឌ្ឍន៍កម្ពុជា ឆ្នាំ ២០២៤- ២០២៨» ដែលខ្លួនបានដាក់ចេញស្ថាប័នហិរញ្ញវត្ថុនេះប្រកាសថា បានអនុម័តផ្តល់ហិរញ្ញប្បទានសហប្រតិបត្តិការសរុបប្រមាណ ១,២៦ ពាន់លានដុល្លារដល់កម្ពុជាបន្ថែមទៀត ។
យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុបានឲ្យដឹង នៅថ្ងៃទី១២ ខែមិថុនា ឆ្នាំ២០២៤ ថា ហិរញ្ញប្បទានសហប្រតិបត្តិការដែលមានតម្លៃសរុបប្រមាណ១,២៦ ពាន់លានដុល្លារនេះ គឺដើម្បីគាំទ្រដល់ដំណើរឆ្ពោះទៅការអភិវឌ្ឍ ប្រកបដោយចីរភាព និងកំណើនសេដ្ឋកិច្ចដ៏រឹងមាំនៅកម្ពុជា ។
លោក អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងថា ធនាគារអភិវឌ្ឈន៍អាស៊ី គឺជាដៃគូអភិវឌ្ឍន៍ដ៏យូរអង្វែង និងដ៏ជាទីទុកចិត្តរបស់កម្ពុជា ដែលបានរួមចំណែកយ៉ាងសំខាន់ក្នុងកិច្ចដំណើរការអភិវឌ្ឍន៍កម្ពុជា ។
ដោយឡែក លោក ម៉ាសាតស៊ូជូ អាសាកាវ៉ា (Masatsugu Asakawa ) ប្រធានធនាគារអភិវឌ្ឍន៍អាស៊ី បានថ្លែងថា ស្ថាប័ននេះបានកំពុងតែធ្វើការជាមួយនឹងរាជរដ្ឋាភិបាលកម្ពុជា ដើម្បីការអភិវឌ្ឈពិពិធកម្មសេដ្ឋកិច្ច កសាងមូលធនមនុស្ស និងភាពធន់នឹងអាកាសធាតុ៕
ចែករំលែកព័តមាននេះ