កោះអាចម៍សេះដែលមានទីតាំងនៅក្នុងភូមិសាស្ត្រខេត្តកែប ត្រូវបានគេអះអាងថា អាចជាដែនជម្រកផ្សោតក្បាលត្រឡោកមួយកន្លែងនៅកម្ពុជា ។
ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១១ ខែមិថុនា ឆ្នាំ២០២៤ កន្លងទៅនេះបានអះអាងថា នៅក្នុងភូមិសាស្ត្រនោះ ផ្សោតក្បាលត្រឡោកមេ ចំនួន៥ក្បាលត្រូវបានគេប្រទះឃើញនិងថតបានរូបភាពពូកវាកំពុងបណ្ដើរកូនចំនួន៥ក្បាល ។
ពាក់ព័ន្ធនឹងវត្តមានរបស់សត្វកម្រនេះ គម្រោងអភិរក្សថនិកសត្វសមុទ្រកម្ពុជា បានអះអាងថា នេះគឺជាព័ត៌មានដែលកំពុង ផ្ដល់នូវកំលាំងចិត្ដដល់អ្នកអភិរក្សដែលបច្ចុប្បន្ន កំពុងធ្វើការជាមួយនឹងការអភិរក្សប្រភេទសត្វដែលជិតផុតពូជនៅសមុទ្រដូចជា ត្រីបាឡែន និង ផ្សោត ដែលជាប្រភេទសត្វមានសមត្ថភាពបង្កើតកូនទាបបំផុត,។
ប្រភពដដែលបានបន្តថា សត្វទាំងនេះ ជាពពួកសត្វ មានអាយុកាលវែង ហើយវាមានអាយុច្រើនទើបដល់ពេលឈានដល់វ័យបន្ដរពូជ ហើយបង្កើតកូនតែមួយក្បាលម្ដងប៉ុណ្ណោះ ។ មកដល់ពេលនេះមេផ្សោតគឺសត្វមានការលះបង់យ៉ាងខ្លាំងតាំងពីពេលចាប់កំណើតកូនរបស់វារហូតដល់បង្កើតកូន ហើយចិញ្ចិមកូនដោយបំបៅដោះ ។
សត្វផ្សោតវាមិនចង់បន្ថែមនូវបន្ទុកបន្ថែមដើម្បីរកចំណី នោះទេ ប្រសិនបើពួកវាមានការលំបាកក្នុងការរកចំណីដើម្បីរស់ ដូច្នេះហើយវត្តមាន និងអវត្តមានរបស់កូនផ្សោត គឺជាការបង្ហាញដំបូងទៅលើសុខភាពនៃចំនួនរបស់វា ហើយតាមរយៈការពង្រីកសុខភាពប្រព័ន្ធអេកូឡូស៊ី គឺវាអាចជួយដល់ការកើនឡើងនូវចំនួននៃមំសាសីដូចជាផ្សោតជាដើម ៕
ចែករំលែកព័តមាននេះ