សោកស្តាយ! ព្រៃច្រើនហិកតា ក្នុងស្រុកប្រាសាទបាគង ត្រូវភ្លើងឆេះយ៉ាងសន្ធោសន្ធៅ
- ភ្នំពេញ
ខេត្តសៀមរាប ៖ ពលរដ្ឋនាំគ្នាដុតភ្លើងរកឃ្មុំ នៅក្នុងឃុំចំនួន២ គឺឃុំកំពង់ភ្លុក ស្របតាមផ្លូវទៅ ឃុំ
ខេត្តសៀមរាប ៖ ពលរដ្ឋនាំគ្នាដុតភ្លើងរកឃ្មុំ នៅក្នុងឃុំចំនួន២ គឺឃុំកំពង់ភ្លុក ស្របតាមផ្លូវទៅ ឃុំ
ខេត្តសៀមរាប ៖ ពលរដ្ឋនាំគ្នាដុតភ្លើងរកឃ្មុំ នៅក្នុងឃុំចំនួន២ គឺឃុំកំពង់ភ្លុក ស្របតាមផ្លូវទៅ ឃុំមានជ័យ ស្រុកប្រាសាទបាគង ខេត្តសៀមរាប បណ្តាលឱ្យឆេះព្រៃយ៉ាងសន្ធោសន្ធៅអស់ជាច្រើនហិកតា ស្ថិតនៅតំបន់រមណីដ្ឋានកំពង់ភ្លុក។
ហេតុការណ៍ភ្លើងឆេះព្រៃខាងលើនេះបានកើតឡើងកាលពីថ្ងៃទី១១ ខែ មិថុនា ឆ្នាំ ២០២៤ វេលាម៉ោង ២រសៀល រហូតដល់ម៉ោង១០និង៥០នាទីយប់ ទើបភ្លើងបានរលត់ទៅវិញបាន (៨០%) ហើយ ស្ថិតនៅចំណុចត្រពាំងហ៊ីងយំ នៅខាងជើងភូមិត្នោតកំបុត ឃុំកំពង់ភ្លុក ស្រុកប្រាសាទបាគង ស្របតាមផ្លូវទៅឃុំមានជ័យ ស្រុកប្រាសាទបាគង ខេត្តសៀមរាប ចម្ងាយពីអធិការ ១៤ គីឡូម៉េត្រ ចុះពីផ្លូវកំពង់ភ្លុក១០០ ម៉ែត្រពីភូមិ ។
បើតាមប្រសាសន៍របស់លោកឧត្តម សេនីយ៍ត្រី ឌុត ខុន ស្នងការរងទទួលការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលខេត្តសៀមរាប បានប្រាប់តាមប្រព័ន្ធតេឡេក្រាម នៅព្រឹកថ្ងៃទី ១២ ខែមិថុនា ឆ្នាំ២០២៤ នេះថា ករណីភ្លើងឆេះ នៅចំណុចត្រពាំង ហីងយំ ស្ថិតនៅខាងជើង ភូមិត្នោតកំបុត ឃុំកំពង់ភ្លុកស្របតាមផ្លូវទៅឃុំមានជ័យចម្ងាយពីអធិការ១៤ គីឡូម៉េត្រចុះពីផ្លូវកំពង់ភ្លុក១០០ម៉ែត្រពីភូមិ បណ្តាលឱ្យរងការខូចខាតរួមមាន ៖ ឆេះព្រៃប្រហែល១០ហិកតា
ហើយឆេះក្រោយផ្ទះប្រជាពលរដ្ឋដែលកំពុងរស់នៅអស់មួយចំនួន ។
លោកបានបន្ថែមថា ករណីភ្លើងឆេះព្រៃខាងលើនេះ កម្លាំងនគរបាលចម្រុះឱ្យស្នងការដ្ឋាននគរបាលខេត្តសៀមរាប បានប្រើប្រាស់រថយន្ដពន្លត់អគ្គីភ័យចំនួន៤គ្រឿង រួមមាន ៖
-រថយន្ដស្នងការនគរបាល ៣ គ្រឿងប្រើប្រាស់ទឹកអស់១រថយន្ដ ។
-រថយន្ដអធិការដ្ឋានស្រុក ១គ្រឿង ប្រើប្រាស់ទឹកអស់១រថយន្ត។
-គ្រឿងចក្រអាអិចហ្ការចំនួន២គ្រឿង។
-ត្រាក់ទ័រចំនួន១គ្រឿង ប្រើប្រាស់កម្លាំងសរុប៤៧៥នាក់ ។
-កម្លាំងស្នងការនគរបាលខេត្តសរុប ៩ នាក់ ។ -កម្លាំងអធិការនគរបាលស្រកសរុប ១៧ នាក់។ -កម្លាំង ប៉ុស្ដិ៍នគរបាលរដ្ឋបាលសរុប ៦ នាក់ (ស្រី ១នាក់) ។-កម្លាំងប្រជាការពារសរុបចំនួន ៣០ នាក់ ។ -កម្លាំងសហគមន៍េសាទ ចំនួន ១៣ នាក់ ។
លោកបានបញ្ជាក់ទៀតថា ក្នុងករណីឆេះព្រៃនេះដែរ គណៈបញ្ជាការឯកភាពឃុំនិងប្រជាពលរដ្ឋចូលរួមសរុប៤០០នាក់ ប្រើប្រាស់ដោយម៉ាស៉ីនបូមទឹក និងម៉ូទ័របូមទឹក រួមទាំងឧបករណ៍ពន្លត់ភ្លើងព្រៃ របស់ សហគមន៍នេសាទ ទៀតផងដែរ។ ចំពោះមូលហេតុ គឺដោយសារប្រជាពលរដ្ឋរកឃ្មុំមិនបានប្រយ័ត្នបណ្ដាលឱ្យឆេះតែម្ដង។
បច្ចុប្បន្ន ភ្លើងឆេះព្រៃនៅតំបន់កំពង់ភ្លុក ក្នុងស្រុកប្រាសាទបាគងនោះ ត្រូវបានរលត់ជាស្ថាពរ ហើយ នៅព្រឹកថ្ងៃទី១២ ខែមិថុនា ឆ្នាំ២០២៤ នេះ៕
ចែករំលែកព័តមាននេះ