រាជធានីភ្នំពេញ ៖ កំពូលឆ្នាំទាំង៤នេះ ច រោង ជូត រកា មានសំណាងល្អផុសលុយពេញ១ឆ្នាំ២០២២ យោងតាមតម្រាមហាសុរិយគតិបានទស្សន៍ទាយថា បើនិយាយពីទ្រព្យសម្បត្តិ…
រាជធានីភ្នំពេញ ៖ កំពូលឆ្នាំទាំង៤នេះ ច រោង ជូត រកា មានសំណាងល្អផុសលុយពេញ១ឆ្នាំ២០២២ យោងតាមតម្រាមហាសុរិយគតិបានទស្សន៍ទាយថា បើនិយាយពីទ្រព្យសម្បត្តិ មនុស្សឆ្នាំទាំងបួនមានជំនាញដ៏អស្ចារ្យក្នុងការរកលុយក្នុងឆ្នាំ២០២២នេះ ។ ពួកគេអាចទទួលបានឱកាសរកប្រាក់ចំណូលបន្ថែមដ៏ច្រើនលើសលប់ពេញមួយឆ្នាំនេះ ។
តែទោះជាយ៉ាងណាក៏គួរប្រយ័ត្នអំពីការជ្រៀតជ្រែករបស់ដៃគូប្រជែងផងដែរ ពួកគេនឹងងាយទទួលរងការខាតបង់ផ្នែកហិរញ្ញវត្ថុខ្លះដោយការលួច ឬបោកប្រាស់ ដូច្នេះគួរតែថែរក្សាសម្បត្តិទ្រព្យផ្ទាល់ខ្លួនឱ្យម៉ត់ចត់ ពិសេសកុំឲ្យគេខ្ចីលុយឱ្យសោះ ។
ស្ថានភាពសុខភាពរបស់ពួកគេ ជាទូទៅ គឺល្អជាងកាលពីឆ្នាំមុន ។ ទោះបីជាមានរោគសញ្ញាមិនស្រួលម្ដងម្កាល នឹងមិនបង្កឲ្យមានបញ្ហាធ្ងន់ធ្ងរទេ ។ ជាការប្រសើរក្នុងការពាក់ខ្សែដៃពណ៌ខ្មៅ ឬអលង្ការត្បូងខៀវ ដើម្បីទទួលបានពរជ័យដោយសុភមង្គល និងសំណាងល្អជានិច្ចនៅក្នុងឆ្នាំ២០២២ ។
អាជីពមនុស្សឆ្នាំទាំង៤ នឹងមានសំណាងខ្ពស់ ក្នុងការងារនៅក្នុងឆ្នាំ២០២២ ហើយពួកគេនឹងរីកចម្រើនយ៉ាងខ្លាំងផ្នែកបុណ្យស័ក្តិឋានៈ តួនាទីដោយផ្អែកលើការខិតខំប្រឹងប្រែងរបស់ពួកគេ នៅកន្លែងធ្វើការ ឬអាជីវកម្មការងារ ។
ទោះជាយ៉ាងណាក៏ដោយ ពួកគេក៏គួរតែបន្ទាបខ្លួន និងនិយាយស្តីសុភាពរាបសាផងដែរ ទើបបើករាសីអំណាចខ្លាំងក្លាបាន ។ អ្នកកើតឆ្នាំបួនងាយបង្កការច្រណែនអំពីអ្នកដទៃតាំងពីកំណើតមក ដូច្នេះដើម្បីបង្កើនសំណាងរបស់អ្នកក្នុងអាជីពនៅឆ្នាំ២០២២នេះ សូមពាក់ខ្សែដៃត្បូងពណ៌ខ្មៅជាប្រចាំទើបជាការប្រសើរ ។
សំណាងក្នុងរឿងស្នេហា និងទំនាក់ទំនងល្អខ្លាំង នៅឆ្នាំ២០២២ ។ ដោយសារតែមានតារាសំណាងស្នេហ៍តាំងពីកំណើតមក គូស្វាមីភរិយា គូស្នេហ៍នឹងមានទស្សនៈដូចគ្នាច្រើនលើរឿងជីវិត ។ លើសពីនេះទៀតអ្នកឆ្នាំទាំងបួននឹងមានភាពមមាញឹកយ៉ាងខ្លាំងជាមួយនឹងការងារនៅឆ្នាំនេះ ដូច្នេះពួកគេគួរតែយកចិត្តទុកដាក់ ជាពិសេសដើម្បីរក្សាតុល្យភាពរវាងការងារ និងពេលសម្រាកឱ្យបានត្រឹមត្រូវដើម្បីកុំឲ្យប៉ះពាល់ដល់សុខភាព ដោយសារការងារមមាញឹក ។
ជីវិតប្រចាំថ្ងៃ គួរគោរពអ្នកមានគុណ ជំនាងផ្ទះ និងព្រះភូមិមុនចេញដើរ គោរពជីដូនជីតា គ្រូបាធ្យាយមុនចូលដំណេក ។ ជូនបាយសម្លឪពុកម្ដាយ និងរៀមច្បង ចាស់ព្រឹទ្ធាចារ្យដើម្បីបង្កើនអំណាចបុណ្យចក្រាមហាលាភសំណាងដ៏ពិសេសពេញមួយឆ្នាំ២០២២ ៕
ចែករំលែកព័តមាននេះ