ចូលរួមសោកស្តាយ! លោកព្រឹទ្ធាចារ្យ ម៉ក់ កាណេន សិល្បករផ្នែកអាយ៉ៃបានទទួលមរណភាពហើយ
- ភ្នំពេញ
រាជធានីភ្នំពេញ ៖ ចាត់ទុកជាដំណឹងដ៏សោកសៅក្រៃលែង ក្រោយពីទទួលបានដំណឹងថា លោកព្រឹទ្ធាចារ្យ ម៉ក់ កាណេន ហៅលោកតា សាឡាត់ សិល្បករផ្នែកអាយ៉ៃ…
រាជធានីភ្នំពេញ ៖ ចាត់ទុកជាដំណឹងដ៏សោកសៅក្រៃលែង ក្រោយពីទទួលបានដំណឹងថា លោកព្រឹទ្ធាចារ្យ ម៉ក់ កាណេន ហៅលោកតា សាឡាត់ សិល្បករផ្នែកអាយ៉ៃ និងកំប្លែង បានទទួលមរណភាពហើយនៅមុននេះបន្តិច ។
បើយោងតាមផលិតករភាពយន្ត លោក ហុយ យ៉ាឡេង បានបង្ហោះសារចូលរួមមរណទុក្ខចំពោះការបាត់បង់វីរសិល្បករខ្មែរ ដោយលោកបានឱ្យដឹងថា «មរតកមនុស្សរស់បានលាចាកលោកម្នាក់ទៀតហើយ ។ លោកព្រឹទ្ធាចារ្យ ម៉ក់ កាណេន ហៅលោកតា សាឡាត់ សិល្បករផ្នែកអាយ៉ៃ បានទទួលមរណភាពហើយ សូមលោកព្រឹទ្ធាចារ្យទៅកាន់សុគតិភព » ។
មរណភាពរបស់លោកតាសាឡាត់ ត្រូវបានអ្នកសិល្បៈនិងមហាជនសម្តែងការសោកស្តាយយ៉ាងខ្លាំង និងបានបួងសួងសូមឱ្យវិញ្ញាណក្ខន្ធបស់លោកព្រឹទ្ធាចារ្យ ម៉ក់ កាណេន ទៅកាន់សុខគតិភព ។ ដំណឹងមរណភាពរបស់លោកត្រូវបានផលិតករខ្មែរ បញ្ជាក់ថា លោកទទួលមរណភាពនៅថ្ងៃទី ១៨ ខែមិថុនា នៅគេហដ្ឋាន នៅរាជធានីភ្នំពេញ ក្នុងវ័យ ៧៩ ឆ្នាំ ។
សូមបញ្ជាក់ថា អ្នកចម្រៀងអាយ៉ៃល្បីឈ្មោះតាំងពីសង្គមរាស្ត្រនិយម លោក ម៉ាក កាណេន ហៅ ( តាសាឡាត់) មានអាយុ៧៩ឆ្នាំ មានស្រុកកំណើតនៅខេត្តព្រៃវែង ។ លោកគឺជាព្រឹទ្ធាចារ្យអាយ៉ៃ ពេញដោយទេពកោសល្យប៉ិនប្រសប់ខ្លាំង ទាំងកាយវិការ និងការច្រៀងទាក់ទាញអ្នកទស្សនា បើបានមើលហើយមិនងាយដើរចេញទៅណាឡើយ ។
លោកតាសាឡាត់ មិនត្រឹមជាអ្នកចម្រៀងអាយ៉ៃល្បីឈ្មោះល្បីឈ្មោះនោះទេ លោកព្រឹទ្ធាចារ្យក៏ជាអ្នកកំប្លែងល្បីឈ្មោះមួយរូបផងដែរ ។ លោកតា ធ្លាប់សម្តែងល្បីឈ្មោះខ្លាំងក្នុងរឿងកំប្លែងរឿង «តាភោគ» ធ្វើឲ្យអ្នកទស្សនាសើចសប្បាយស្ទើរចុកពោះ ដែលក្នុងរឿងលោកតាសាឡាត់ ដើរតួជា សេដ្ឋីភោគ កំពូលគំរិះអាចម៌ក្តាប់មួយរូប ៕
ចែករំលែកព័តមាននេះ