ចាប់ម្ចាស់បទ «Watch Me (Whip/Nae Nae)» ពាក់ព័ន្ធករណីស្លា.ប់បងប្អូនជីដូនមួយ
សហរដ្ឋអាមេរិក ៖ តារាចម្រៀងរ៉េប Silento ម្ចាស់បទ «Watch Me (Whip/Nae Nae)» ដែលធ្លាប់មកសម្តែងនៅកម្ពុជាកាលពីឆ្នាំ២០១៧…
សហរដ្ឋអាមេរិក ៖ តារាចម្រៀងរ៉េប Silento ម្ចាស់បទ «Watch Me (Whip/Nae Nae)» ដែលធ្លាប់មកសម្តែងនៅកម្ពុជាកាលពីឆ្នាំ២០១៧ ត្រូវបានចាប់ខ្លួនកាលពីថ្ងៃទី១ ខែកុម្លះ កន្លងទៅថ្មីៗនេះ ពាក់ព័ន្ធករណីបាញ់ស.ម្លា.ប់បងប្អូនជីដូនមួយរបស់ខ្លួនកាលពីខែមុន នេះបើតាមការចេញផ្សាយពីសារព័ត៌មាន NBC News។
យោងតាមនាយកដ្ឋានប៉ូលីសប្រចាំតំបន់ DeKalb បានឱ្យដឹងថា តារាចម្រៀងរ៉េបអាយុ២៣ឆ្នាំ ដែលមានឈ្មោះពិតថា Richard Lamar Hawk ត្រូវបានចោទប្រកាន់ពីបទឃា.ត.កម្មក្នុងហេតុការណ៍បាញ់ស.ម្លា.ប់លោក Frederick Rooks អាយុ៣៤ឆ្នាំ ដែលត្រូវបាញ់ចំមុខនិងជើងដេកស្លា.ប់នៅនឹងកន្លែងកើតហេតុស្ថិតលើដងផ្លូវមួយនៅសង្កាត់ Panthersville ភាគអាគ្នេយ៍ទីក្រុង Atlanta ក្នុងរដ្ឋ Georgia ម៉ោងប្រហែល៣និង៣០នាទីទាបភ្លឺកាលពីថ្ងៃទី២១ ខែមករា កន្លងទៅ។
ពាក់ព័ន្ធករណីខាងលើនេះ នាយកដ្ឋានប៉ូលិសមិនបានផ្តល់ព័ត៌មានលម្អិតអំពីរបៀបនៃការស៊ើបអង្កេតដែលឈានដល់ការកំណត់អត្តសញ្ញាណ Silento ថាជាជនសង្ស័យនោះទេ។ ខណៈដែលអ្នកតំណាងរបស់តារាចម្រៀងរ៉េបរូបនេះ ក៏មិនបានឆ្លើយតបជុំវិញករណីនេះផងដែរ។
សូមរំលឹកថាក្នុងឆ្នាំ២០១៥ បទចម្រៀង «Watch Me (Whip / Nae Nae)» បានហក់ឡើងទៅឈរលើគេក្នុងតារាង Billboard Hot 100 និងត្រូវបានចាក់ផ្សាយស្ទើរគ្រប់កម្មវិធីទូរទស្សន៍ទាំងអស់៕
ចែករំលែកព័តមាននេះ